والله موقف رهيب يا ام الشفا !!!!!!!!!

ما لكم دخل ؟؟؟؟؟؟؟؟؟؟

ههههههه
مالكم دخل
جعلها الماحى

هههههههههه
ضحكني وايد اختي ام الشفا
وهي تقول لكم مالكم دخل :hahaha:
لا حول الله ولا قوة الا به

وعيبني واااايد كلام اختي


واحب اعلق واقول :
بصراحه طرائف وعجائب تستوي ايام الخطبة هذه
سرنا مرة نخطب للاخوي ودشينا عند الناس ويلسنا وطلعن كل بناتهم وقعدعن وكلهم وامهم ولا وحده منهم قامت تييب لنا كوب ماي ولا كوب عصير ولا اي شيء لنا نص ساعه يالسين تخيلووو:eek:
هههههههههه بصراحه شيء محرج وايد مب لاننا نطالع لشرب ولا للاكل لا سمح الله لا والله بس ذوقيا كوب ماي كوب عصير :09: طول الوقت يبربرون هههههههههههههه


ووحده يت تخطب عندنا تقول للامي ابى اشوف كل البنات امي يا حليلها على نياتها خلتنا كلنا نظهر نسلم ونروح <<< كرهت عمري ذاك اليوم حسيت روحي فرجه او عرض وسارت وردت بعد يومين يابت بناتها خوات المعرس وعقبها ثالث يوم شافت حريم في عرس تمن يحشن لين قالن بس عقبها قالت لا عيالي ما بيعرسون الحينه :eek:
وهذا كله عاااااااادي ولا بالخاطر والله بس قلت للوالده لو حد يه يخطب لو ما يطلب فلانه بالاسم مب طالعه على اي حد نهائي :)
ونرد ونقول الخطبه والزواج وغيره توافيق من رب العالمين


الله يوفقكم اختي وتلاقون للاخوكم بنت الحلال الى تسركم وتسره اامين يارب العالمين

والله يا ختي ما أنصحك تخطبين لخوك خليه هو بنفسه يشوف ويختار يكون أحسن
وأسلوب أهالي البنات في استقبالكم غريب بس بيني وبينك أحسن عشان تعرفينهم
من البداية ويادار مادخلك شر وأنا أقول كذا من واقع تجربة خطبة أخوي والحاصل انه
من أول ماطلبنا البنت أهلها بيشيلونا من على الأرض شيل ويش الترحيب ويش الأستقبال
كله من أحسن مايكون واستمرت الخطبه أكثر من سنة ونزورهم ويزورونا وكل الأمور كانت
ماشيه على أحسن وجه بس صار الزواج والبنت جابت النونو :baby2: الله لايوريك كل مدة مسوين مشكلة
غير ولايكلمونا ولانكلمهم والمشكلة ان أخوي ساكن معنا بنفس العمارة وطبعا اذا زعلت عليه
زعلت علينا وحاله مايعلمها الا الله وياليت في مشاكل عدله الواحد يحلها كلها كلام فاضي
والله بعد ماشفت أخلاقها وأخلاق أهلها على حقيقتها تحسفت على اليوم الي قلت فيه بنخطبها :44: لأن
للأسف كانت من أختياري وكنت أشوفها هي وأهلها في قمة الأخلاق والذوق :19: وبعد ماطاح الفاس
بالراس ما أقول الا الله يعينا على الدنيا وأهل الدنيا
وأنا أقول يمكن لو خليناه هو يختارها بنفسه ماكان صار الي صار أو على الأقل حتى لو صارت
بينهم مشاكل يكون هذا أختيارة وهو يتحمل نتيجة الأختيار ومايقول هذي من أختيار أهلي أو ماعرفو يختارولي الزوجة المناسبه
وأنا أقولك أختي صاحبة الموضوع أدري انك الحين فرحانه وانتي تدورين لأخوك عروس وان شاء الله بتلقينها بس عشان لايصيرلك مثلي :( خلي أخوك يشوفها ويتكلم معاها لأنه مو شرط اذا عجبتك انتي
وامك انها تعجبه وهو بعد له نظرته الخاصه

عموما اسفه على الاطاله وان شاء الله بتلقين له أحلى عروس عن قريب

تحياتي

الله يعين صارلي مدة وانا ادور لاخوي ونفس المعاناةواعذار مالهاداعي
وانت ياختي الحب في الله خليك واسطة خير وقوليلنا عن البنات اللي في المنتدى المجاويزههه