يا بنات ولا وحدة فهتمني غير sweet candy

كنت حاسة انكم بتفهمون السالفة ملل وتجديد ..
عشان جذيه نبهت عليكم ان مب قصدي التجديد ..

بالعكس الحمدلله ما أحس بأي ملل في حياتي .. ولا حتى زوجي ..
لكن هو طلب مني هالطلب .. اني أسويله جدول بنشاطات مفيدة مشتركة ..
يريد يحس ان يعطي في هالحياة .. غير سالفة الدوام ..

يريد شي ينمي أفكارنا ومواهبنا .. فأنا مب حابة إني أخذله ..
أنا ما صدقت ان طلب شي مشترك نمارسه ويا بعض .. :30:

======== الحبوبة 77 ..

تسلمين الغالية على ردج .. والله يبعد الملل عنا ..
يمكن تفيدج بعض الأفكار الخفيفة اللي بتنطرح ..

======== واحة الأمل ..

سبحان الله تفكيرج نفس تفكيري ..
الملل ينبعث من داخلنا ..
والتلفزيون والنت ما أعرفهم الا اذا زوجي مشغول ..
ودايما ألعب ويا بنتي مثل الهبلة أتنطط في البيت وهي وراية ..
بس مثل ما قلت أنا مب قصدي ملل وتجديد ..
أريد أفكار مفيدة ونشاطات حلوة نمارسها ويا بعض ..
من ناحية بتربطنا ببعض ومن ناحية نستفيد ونؤجر عليها ان شاء الله ..
ومب شرط دينية أي نشاط حلو في بالكم قولولي اياه ..
تسلمين يالغالية على مرورج ..

======== يافعة ..

والله انا كنت أتخيل هالشي مثلج .. بس استغربت ان هو اللي اقترح ..
عشان جذيه أريد أستغل الفرصة وما أضيعها قبل ما يغير رايه ..
بس اريد افكار تفتح نفسه وتعجبه .. ومب قصدي الملل .. ولا الاهتمام ..
الحمدلله مو مقصرة من هالناحية ان شاء الله .. لكن ودي بأشياء مفيدة ..
تسلمين الغالية على مرورج ..

======== sweet_candy ..

انتي الوحيدة فهمتيني صح .. بالنسبة لجدولج ما شاء الله حلو ..
لكن الحمدلله ان زوجي ما يطلع مع اصحابه وايد ..
واذا بيطلع آخر الأسبوع .. ويوم الجمعة محدد للزيارة لأهلي وأهله ..
لكن هو يريد نظام لباقي الأسبوع .. من بعد المغرب ..
أنا اللي فكرت فيه .. ثلاث ايام نمشي على الكورنيش (استغلالية لزوم الريجيم) .. :30:
ويوم تفسير قرآن أو مراجعة آيات حافظينها ..
ويوم سماع شريط محاضرة ..
وشو ممكن أفكار ثانية .. ماريد كل الاسابيع تكون نفس الشي .. !!
تسلمين على مرورج يالغالية ..

======== الهديل ..

مب شرط الأفكار اللي أنا طرحتها هاذي مجرد أمثلة ..
وانا أنتظر من باقي الأخوات نشاطات ثانية ..
والأزواج اللي مب فاضين .. يمكن يفضون نفسهم اذا عجبتهم الأفكار ..
أو حتى آخر الأسبوع ما يكفي ؟؟ ..
تسلمين الغالية على مرورج ..

بانتظار أفكاركم الحلوة .. لا تخذلوني .. :27:

اختي ام ميرة بصراحه اسمك صعب اخاف اكتبه واغلط
انا صارلي سنتين متزوجه تدري متى حسيت بالملل في فترة حملي وبعد بنتي صارت البرامج تطلع .
-احيانا نروح البحر نتمشى عشان الرجيم وحاجات تانيه.
-نروح السوبر ماركت .
-نروح السوق نشتري حق سارونا اغراض .
- طبعا زيارات الاهل .
-نتمشى بالسياره .
-احيانا نقعد بدون تلفزيزن ونسولف .
-بعض اليالي نتفق ان يكون للبيت تنظيف وغسيل .
-احيانا مانتغدى لكن نقعد في الليل ونسوي عشا ونتعشى وبعدين نطلع على خفيف .
-احيانا هو يسوي لي مفاجأه مثلا يقولي الليله عازمك على مطعم .
واشياء كثيرة بس اهم شي مانسوي كل شي في ليله وحدة يعني كل ليله نسوي شي وبما ان زوجي مدرس فإن دوامه ينتهي الظهر وطول اليوم فاضي واذا تذكرت شي من عيوني اقولك.

تسلمين الغالية .. انا مثلج بالضبط صارلي سنتين .. بس بدل سارونة ميرانة .. هههههههه
والتسوق حقها ممتع .. هو من ضمن الأساسيات كل شهر ..
وذكرتيني أنا حاطة في الجدول يوم تنظيف .. بس نسيت أحط يوم يشاركني طبخ العشاء ..
يعني كل اللي قلتيه انا مطبقته في حياتي .. لكني حابة أشياء تطبيقية .. غير واجباتنا ..
ما أعرف كيف أشرح بس أكيد فهمتيني .. وتسلمين على مرورج ........... :)

الغاليه..انستازيا ...........فاهمين قصدك ..بس قصدنا انه ازواجنا مش فاضيين يعنى ايامهم اغلبها مزحومه..يالله يالله نشوفهم ولله الحمد شويه وقت النوم .........بس اقول .........احمدى ربج انتى فى نعمه عندج زوج متفرغ لج
على العموم الاخوات ما يقصرون مشكورات وان شاء الله يفيدونج..........اتمنى لك التوفيق وان شاء الله افضى واكتب لك الافكار ............

ام ميرة الله يخليلك ميرة وتشوفيها عروس .
اذا عندك جديد قوليلي عشان انا استفيد بعد :24: تسلمي عزيزتي :26: