أريد أن أؤلف كتاب ولكن كيف تعامل مع دور النشر

محد رد علي
اذا ماتعرفون على الأقل علموني وين أسأل عن هالأشياء

والله حتى انا نفسى احد يجاوب هذى الاسئله

اذا احد اعطاك معلومات لاتنسينى

موفقه باذن الله

وش أفضل دار نشر؟؟
فيه كثير بس نسيتهم شوفي بعض الكتب اللي عندك مكتوب فيها دار نشر عندك مكتبة جرير اعرف انهم يترجمون بس ماادري ينشرون ام لا اسأليهم .
واظن دار نشر اسمها السعودية او زي كذا
وكيف أتفق معهم؟؟
تقدرين تكلمينهم في التلفون وتذكرين لهم موضوع الكتاب واتوقع انهم بيقولون لازم نشوف الكتاب اول ويشوفونه زين عشان يتوقعون بيمشي ام لا
هل أتفق قبل الكتابة أو بعد الانتهاء من الكتاب؟؟؟
أو أكتب فصل منه وبعدين أوريهم؟؟
انصحك بالانتهاء منه أول لانهم لازم يقرونه بعدين يقررون مستحيل يعطونك كلمة على شئ ماشافوه
وكيف أحافظ على حقي بفكرة الكتاب؟؟
أخاف ينتشر عنه شي ويسبقني أحد وينشره؟؟
اذا كان كتاب فيه معلومات مهما كتب احد عنه مستحيل يجي مثل حقك مهما كان الموضوع نفسه تتغير الكتابة والطرح
وكيف آخذ حقي كمبتكرة للفكرة؟؟؟
مااعرف اذا كان ممكن لان الاختراعات هي اللي تكون لها حق السبق كتابة الكتب ماعندي فكرة لان الكل لها حق يكتب عن كل شئ الا اذا كان في كتابك شئ معين فماادري
وكم النسبة اللي المفروض آخذها؟؟
ماعندي فكرة هذا فيه اتفاق بينك وبين شركة النشر
وهل من الأفضل أن أطبعه على حسابي وبعدين أتفق مع دار نشر تنشره؟؟
أو أسلمهم اياه وهم يخرجونه ويطبعونه ؟؟؟
غالبا اللي يطبعون على حسابهم لم يجدوا دار نشر تقبل بتبني تكلفة طباعة الكتاب بس انصحك تخلين فكرة انك تطبيعينه آخر شئ لانها مكلفة واذا ماحصلتي احد يطبع لك في بلدك شوفي الدار العربيه للعلوم في لبنان اتوقع تقبل وبتوزعه في الكثير من الدول
والمراجع اللي باستخدمها
هل يجب أخذ الأذن منهم؟؟(لأن مكتوب عليها الحقوق محفوظة)
اعتقد اذا كتبتي كتبهم في صفحة المراجع يكفي للتأكد اسألي دار النشر
وهل بيطلبون مني مقابل على الاقتباس من كتبهم؟؟؟
مااظن

خبريني متى طبعتي الكتاب عشان اشتريه
بالتوفيق

والله حتى انا كاتبة رواية وابغى انشرها وماني عارفة كيف لو ابغى اطبعها ولو ابغى اطبعها على حسابي كام تكلف

اعرف أن ( مكتبة العبيكان ) تطبع و تنشر الكتب .. و يتعامل معها الكثير من الكتاب و التربويين و الأكاديميين في المملكة ..

لكن التفاصيل اجهلها .. و الأفضل الإتصال بهم

أيضا أتوقع أنه هناك شركة تابعة للمجموعة السعودية للأبحاث و النشر تعمل ذلك أيضا .. و بالإمكانك استخراج ارقامهم من استعلامات الهاتف ( 905 ) و الاتصال بهم .