أريد الصراحة ورايكن.. هل الأفضل البوح بها أو لا؟

السلام عليكم ورحمة الله وبركاته

خواتي بنات حواء :27:

دايما أقرا عن المشاكل اللي يسببها أهل الزوجه أو الزوج اذا في واحد منهم باح بالمشكلة وهدم الستر مثل ماتقولون ..

لكن هل بالفعل المشاكل الزوجيه لازم تبقى في الكتمان بين الزوجين؟

اذا الله لا قدر تفاقمت المشكلة بعدين وظهرت للنور يمكن الأهل يستنكرون و ما يصدقون أو يقتنعون بكلام الزوجة مثلا بيقولون لها ليش ما تكلمتي من الأول وليش سكتي طول هالمدة أكيد في شيء خلاج تسكتين أو يمكن الغلط منج أو يمكن زوجج ناكر عليج شيء و صعب يصدقون التفاصيل خصوصا لو بدأ الزوج بالبوح ونشر المشكلة أولا..

في هالحالة هل كان تصرف صحيح سكوت الزوجه وسترها لما بينها وبين زوجها؟ خصوصا لو ما كان عندها عيال كبار فاهمين يأيدون كلامها..

وآخر شيء تكتشف أن الزوج كان يخبر اصحابه أو حد من أهله عن مشاكله معاها وهي طول الوقت ساكتة وتستر..

البعض هنيه في عالم حواء يحذرون من بوح الأسرار للوالدة أو الأقرباء وفي نفس الوقت يوم تستوي مشكلة وتتكشى الأخت يقولون لها كان المفروض تخبرين أهلك من قبل ؟!؟!؟!؟! شو هالتناقض!!!

اذكر بنت خالتي .. بعد مالاحظت انها ما تجاوب على اي سؤال يخص علاقتها بزوجها الا بالحمد .. كانت تقول لي وتنصحني (على اساس كان في مشروع خطوبة) بأني أقول لزوجي من أول ليلة :انا بكون ستر وغطاء لك وانت كون ستر وغطا لي..
والحين رغم أن زوجها ولد عمها وقريبها لكن هو اللي يذكر أحيانا عيوبها بشكل مزاح خايس " حرمة اخوها سمعته وهي اللي خبرتنا!!!" رغم انها ماتكلمت عنه ولا مرة بالشر ..

في مواقف غير بين ازواج لكن مااقدر اتكلم عنها يكفي اللي في المنتدى ..
واتمنى ما تتوقفون وايد عن المثال اللي ذكرته لكم وتجاوبون عليه
انا قصدي من خلال تجاربكم او معايشتكم لغيركم .. هل كتمان المشاكل تصرف صحيح؟؟

أظن تساؤلي وضح لكن .. :(

سلامي