أخواتي الفاضلات أتسائل هل الموضوع المطروح صعب إلى درجة أن القرآت (105 ) ولا يرد أحد عليه أم أن هذه المشكله لا يوجد لها حل .
مع تمنياتي لكل أم بالتوفيق لكل ابنائها مع حلول العام الدراسي الجديد .

لاوانت الصادقه عاجزات عن الحل مثلي :06:

وترني الحين شفت موضوعك ولاحبيت اخرج بدون رد وان كان ليس لدي حل:(

أخيتي ريح المسك
مشكوره الغاليه على الرد الموجز والمقنع جداً .

الله يعيني ويعينك فعلا مشكلة وما ادري ويش الحل
بالنسبة لي عندي ولد رايح ثانية ابتدائي وشبيه بولدك بالشقاوة وبالنسبة للمذاكرة ممتاز في الرياضيات والقراءة جيد جدا والأملاء ممتاز فيها بس المشكلة في الكتابة كان مرة متعبني فيها يعني ما يكتب الا بطلوع الروح وما يحب يكتب في العصرية يبدا يكتب المغرب استخدمت معاه التشجيع ومرات اخلي عمه يشرف عليه يخاف منه ومرات ابوه وعلى آخر السنة مشى ههههههههههههه
اللحين انا عندي مشكلة اكبر منه ولدي الثاني رايح اولى ابتدائي وهذا ما يحب الكتابة خير شر واذا مسك القلم دقيقتين يتعب ويبكي ويقول ما اعرف اكتب وما يكتب الا بنقط وتحت اشرافي يعني اذا قمت من جنبه يسيب الكتابة ويروح يلعب
ومرات احاول اشجعه بالحلويات يقول اعطيني اول وانا اكتب واعطيه وبعدها يشرد يلعب على عقلي هههههههههه ويفتح الله انه يكتب
وكله كوم وابوه كوم دايما يزن على راسي ولدك علميه انتبهي ترى ماراح يفلح وطول العطلة على هذا الحال وانا اشد عليه مرات علشان يكتب واخاصمه مرات ومرات اجره من اذانه لكن مافي فايدة واخاف لو شديت عليه اكثر يكره المدرسة والمشكلة انه شكله ماراح يفلح لافي قراءة ولا في رياضيات مع اني احسه ذكي لكن الله المستعان وانا من فترة كنت ابحط مشكلتي مع ولدي في المنتدى واتمنى انه احد يفيدنا انا وانت
والله آسفة طولت عليك "جيتك يا عبد المعين تعيني لقيتك ياعبد المعين تتعان "
وينكم يا خبيرات رجاءً احنا على ابواب العام الدراسي خلونا نستفيد من بعض:06: .

أختي الفاضله أم الثلاثه بارك الله لك في أبنائكِ

وأشكرك لضم صوتك لصوتي لأنها معاناه بمعنى الكلمه وخاصة أننا بذلنا كل مافي وسعنا من جهدٍ جهيد وآجرنا الله وجميع الأمهات على ذلك وزيدك من الشعر بيت ولدي الثاني تمهيدي والله أعلم كيف سيكون ولكن أرى بأن هناك فرق له يحب الدراسه والله المعين يــــــــــــــــــــــــــــــــــــــــارب اهديهم جميعاً.