الحمد لله مشاء الله في خلال خمس شهور وبالذات من ثلاثة شهور وأسبوع نزل وزني بشكل عمره ما نزل فيه واستعدت الكثير من ثقتي بنفسي وبدأت أحس بمتعة الحياة و رجعت أحترم نفسي أكثر وأحبها أكثر لأني أخيرا صار عندي قوة إرادة ونزلت من وزن الثلاثة أرقام إلى وزن الرقمين قولو مشاء الله وأصبحت 81 كجم .... يااااااااه من سنين وسنين وأنا أحلم أوصل لو لوزن 85 كجم .... كله من فضل ربي .... زيارات لدكاترة و ريجيمات متعددة وشهر أغسطس اللي فات كان شهر خير عليا .... الحمد لله ... كل اللي يشوفني يعجب بجسمي ... طبعا لسة سمينة شوية بس طبعا مقارنة مع السابق ويقولو خسيتي كثير
المهم .... الحمد لله خسيت ولسة باقيلي 20 كجم مع انو في ناس يقولو كدا حلو كفاية و وجهك خس مع انو وجهي ما كان سمين مرة حتى أيام ما كان وزني فوق المية بس تحت الذقن مشاء الله تبارك الله خف كثير كان متهدل بشكل واضح و خدودي خست مشاء الله وعاجبني وجهي مهما قالو .... آه بس من وزن الثمانينات مو زي التسعينات ... لي أكثر من شهرين مو قادرة أخلص من هالثمانينات نفسي أدخل السبعينات ... في ناس قالولي يمكن خلاص جسمك ثبت ماراح ينزل أكثر ... في أجسام ما تنزل عن وزن معين وطبعا هذه مقولة غلط في غلط وما تحبط وحدة طموحة زيي ... كيف وأنا أصلا قبل سنوات مضت كان وزني 60 أو 62 كجم
المهم يا بنات ادعولي أدخل عالم السبعينات نفسي أشوف هذا العالم من سنوات طويلة غاب عني ثم الستينات ... و رجاءا ساعدوني بحل لمشكلة الجوانب .... أنا جسمي كمثرى وكان أكبر شي فيني أردافي وجوانبي ... فعلا شي بشع ومخزي ... والحمد لله الأرداف خست بشكل ملحوظ والبطن خفت الكرشة كثير خاصة اني عملتلها كم جلسة ليزر بس لسة محتاجة انها نختفي تماما وفخوذي مو مصدقة انها فخوذي وكله بفضل ربنا ثم بفضل الإرادة والمشي
بس جوانبي صح فرق عن أول وصحيح خست بس لسة بارزة كهرم متعرج ومكبرة شوية حجم بطني وأردافي متى تنمسح مسح وأخلص منها
رجاءا الله يسعدكم ساعدوني بحل للجوانب للتخلص منها ومن تعرجاتها .... يا رب آمين
بليز بنات أي حل أي رياضة أي خلطة أي ريجيم ربي يسعدكم دنيا وآخرة لو تشجيع بس ع الاستمرار ... حاليا أروح جيم ثلاث مرات في الأسبوع بس مش بإنتظام مشكلتي شوية كسولة مع إنو فرق عن أول الحمد لله ... نفسي أنتظم بالمشي والرياضة وصايرة شوية ألخبط بنظام الأكل لكن الحمد لله ومشاء الله أرجع بسرعة للإلتزام لأني مصرة أصل لهدفي
dalia.dream @daliadream
عضوة فعالة
يلزم عليك تسجيل الدخول أولًا لكتابة تعليق.
dalia.dream
•
سبحان الله وبحمده
الصفحة الأخيرة