أريد حل

بنات حبيت بس أضيف نقطه للبلاوي اللي عندي:)
ما عندي صديقات مع أني اشتغلت من قبل في بنك بس علاقتنا انتهت بمجرد تقديم استقالتي

اشغلي نفسك بالعبادة مادمتي انتي فاضية...

وحاولي تحفظين قرآن

وحاولي تكتشفين المواهب اللي فيك...

وشوفي في ايش بتبرعين فيه...

و روحي دورات لغة و كومبيوتر وحاولي تعلمين نفسك و ما يروح عمرك خسارة,,,

وإن شاء الله كل هالأعراض بتروح منك...

ودايما فكري بطريقة ايجابية و خلي ثقتك بالله كبيرة

السلام عليج

عزيزتي داومي على اذكار الصباح والمساء لانها تشرح النفس

اول شي لازم تسوينه هو انج تظهرين من العزله اللي انتي فيها ... ايلسي ويا اهلج ... زوري محارمج ... اعزمي الاهل عندج في البيت

عزيزتي الوظيفه مب كل شي ... لو انج يالسه في البيت بعد ممكن تستغلين وقتج ... حطيلج هدف وحاولي توصلين له ... مثل ما قالت لج ((ورود الود)) اشغلي نفسج في العباده ... وبعد نمي مواهبج .... التحقي ف دورات لانها اكيد بتنفعج اذا الله كتب واتوظفتي

الله يرزقج باللي في بالج عزيزتي ويهونها عليج

يا عزيزتي أنتبهي لنفسك على حسب معلوماتي المتواضعه هذه أعرض إكتئاب
فلا تخلينه يسيطر عليك ، وممكن تتدرجين لمراحل صعبه و ما تحل إلا بالعلاج النفسي .

يا اخيتي أجعلي أنسك بالله تعالى تفرغي لحفظ القرآن
عليك بقيام الليل و الدعاء
أكثري من الإستغفار
إزهلي الدنيا من رااااااااااااااسك تراها والله ما تستاهل .
و إذا ما توظفتي ؟؟
خير إن شاء الله..
يعني الدنيا حتخرب و لا راح تدخلين النار !!!

يشيخه روقي دماغك و خليها بتساهيل رب العالمين
و انا مثلك تمام و أستني الفرج من الله تعالى ..
بس أهم شيء تحاولين تختلطين بالناس ولا تعزلين نفسك .. و تقضين وقت فراغك في كل مفيد

و الله يكون في عونك ..

غريبه انتي عايشه باابوظبي مب محصله وضيفه

اعرف وايد ناس لمن تبي تتوضف تروح بوظبي لان الوضايف هناك ابيزه

اختي ما ادري شقولج مب دايم الوضيفه خير انا اشوف البنت تتزوج وتتستر احسن لها من اي وضيفه بالعالم والله يا اختي اذا كان بالزوج هو اولى تزوجي وتوكلي