طيب امك وين تجلس بعدين ؟؟؟؟؟؟؟؟؟؟؟؟
ومسؤولية البيت على زوجك
بيت العائلة له ذكريات حلوة وجمعته حلوة لاتفرطي فيه

اقول هذى نهايه جزات امك يعنى تبين تبيعينها بيتها علشان تمتعين انتى وعيالك ترى الدنيا دواااره وبيتك الى تبين تشترينه لعيالك بكرا يبيعونه ويطلعونك منه انتبهى الله يجزاك خير بدل ما تتنازلين لامك عن حقك بالبيت تطالبينها بنصيبك اصبرى لين تموت وسوى فيه الى تبين استغفر الله العظيم التواب الرحيم

ممكن اسئلك سؤال ؟؟
الحين اذا اخذتي نصيبك يعني لازم امك تطلع من البيت وتبيعه وتتقسمون الورث صح
وين تبين امك تروح ؟؟؟؟؟؟؟؟؟؟
انتي عندك رجال ممكن يتحمل المسؤوليه
لاكن امك مسيكينه مين لها غيركم
بعد الله سبحانه وتعالى
لاتكوني انتي والزمن عليها
كافي انها فقدت زوجها وسندها في الدنيا
حبيبتي قبل تسوين شي حطي نفسك مكانها
هل ترضين احد يجبرك تتركين بيتك وذكرياتك بحلوها ومرها
لانه يبي يكون نفسه وانتي كيفك
المفروض انتي توقفين معاها وتجيبين لها الناقص مو تاخذين منها
واعتذر اذا ردي ممكن يضايقك
لاكن انقهرت عليها بعد السنين والتربيه والتعب احد يقولها ابي نصيبي بيعي ذكرياتك وابي اكون نفسي

اشكركم جميعا على الهجوم ، فيه شىء انتوا نستوه ، هذا ورث لازم يتوزع ، الام مفروض تساعد بنتها ، هى كله تشتكى من الوحده وانتوا الى قاعدين تتكلمون مافكرتوا ان ممكن تستمرض فجأه وهى بروحها شنو بتسوى ولا احد معاها وانا قلت تقعد معانا معززه مكرمه ، وين المشكله ، الله يسامحكم ظلمتونى ، انا سنين ساكته وما تكلمت وما طلبت شىء

ياساتر اش فيكم هجمتو على البنت كذا ؟
هي تطلب مشورتكم ماقالت انها بترمي امها بالشارع لو هذي نيتها مااخذت رأيكم الله يصلحكم
شوفي اختي اذا امك عندها فلوس خليها تعوضك بدل بيع البيت واذا ماعندها خلي احد يحاول يقنعها
وترى انا مو معك ان امك تعيش معاك لان الكبار بالسن وامهاتنا بشكل عام مايحبون يعيشون مع النسيب
اذا مافيه حل مالك الا الصبر وماتدرين يمكن يجي يوم هي بكيفها تشوف ظرفكم وتوافق انها تعطيك نصيبك
واهم شي رضاها ولا تزعلينها .
وسلامتك