كتبت من قبل مشكلتي اهل زوجي كذبوا علي و على أمي في شغله وراتبه تعليمه و وين بنسكن بعد الزواج
وابوي عارف ان كلامهم مو صحيح بس ماقالنا الحقيقه عشان اوافق المهم زوجي كذاب حتى في الامور التافه ليش ماأعرف , بخيل بس مو بخيل انه مقصر علي لا هذا مايعطيني مصروف خير شر انا من شغلي في مدرسه اهليه اصرف على نفسي من اول ماتزوجت طبعا من التحويشه لانه يماطل ماسمحلي اشتغل لان هالمدرسه بعيده وهذي راتبها مايسوى التعب , شخصيته مو ضعيفه لا ممسوحه ماله وجود لانهم خواته وابوه مسيطرين عليه بالفلوس وهم مشينين اخلاقهم لو اشعل اصابعي العشرة شمع مايرضون ومو بس يغلطون علي انا بعد على اهلي بكلام فظيع وهو ماله داعي بالحياه يقول استحمليهم قلبهم ابيض بس هالكلام مو ترضايه لا أمر لانه اكيد أكيد سويت شي مستفز و الانكى كل شي بيننا يصلهم اول باول حتى موضوع منع الحمل ناقش اهله فيها وانا ادري انه يخبر اهله لانه سبحان الله من يصير بينا شي ولا نختلف على شي تهل النصايح بشكل غير مباشر من الذكاء الخارق لدرجة ان خدامة اخته اللي في منطقه ثانيه تسالني رحت الاسبوع الماضي لاهلي منين تعرف لانها سمعت اخته تقول لاتوديها,مايحب اهلي ولايحبني اشوفهم رغم ان ابوي متعاون وحنون معاه عالاخر عشان يفتك مني
انا صحيح مو مرتاحه ابدا ببيت اهلي بس مافي شي يخليني اظل ومستحيل أقرد حظي أكثر و اجيب طفل أقرده معاي رجعت لاهلي في, البدايه طلبت اسكن لوحدي يأجر يعني حتى اني قلتله بساعده وبصبر مو شرط يكمل البيت على طول وهذا كان الشرط الوحيد بس اللي لقيته انه انكر اي اساءه او تقصير هذا قدام اهلي و قرايبه اللي وسطهم بس لما يتصل علي يلومني اني افشي اسرار الزوجيه يعني النفقه و الاساءه ويقولي ببرود ظلي معلقه وانا بتزوج طبعا انا اولا مايهمني ثانيا اموره الماليه ماتسمح ولما لقيت الدعوة مامنها فايده وانا بصراحه ماني صغيره عمري 28 سنه وصارلي اقل من سنه متزوجه منها 4 شهور ملكه ونفسي بطفل وعارفين بعد الثلاثين صعب اتزوج خصوصا وابوي مشين الاخلاق مع الناس مابقى احد ماتهاوش معاه لابعيد و لاقريب وماودي اظيع وقتي اركض في المحاكم ادور الطلاق هو قالي طلاق ماني مطلق وان ماتبين ترجعين ردولي المهر
مهري مو كثير 40 الف منها 5 لامي والمسكينه شرت اغراض للبيت و 5 خذاهم ابوي عشان يسوي كريم ويذبح ذبايح كل مازاروه و غير حفلة الملكه صحيح بالبيت بس الذبايح و فساتني و فساتين خواتي وخرابيط المشاغل تقريبا 5 هذا غير الجهاز ومصاريف خواتي وقت الزفاف اكثر من 20 الف مادخلت بولا شي قديم حتى مشابك الشعر من فرحتي مالت على حظي و الخمسه الباقيه شريت لاهلي هدايا لما سافرت اسبوع لانه ماحسب حسابهم لما رجعت بيت اهلي بديت ادور على شغل بس تعرفون بالميت لو بلاقي شغل لو انا حظي يفلق الصخر مابلاقي مدرسه اهليه راتبها اكثر من 3 آلاف ادفع منها المواصلات و مصروفي الشخصي لاني مستقله تماما ماديا عن اهلي و موت ياحمار لما اجمع منها ال40 وابوي و خواني مايبون يساعدون تبين ردي لزوجك
منين اجيب وافك اسري
انا طبعا مابي تبرعات مستحيل امد ايدي لاحد غريب حتى لو اظل معلقه لما اموت بس لما بعض المتدينين يحرمون عمل المراه وان عملت فرصها محدوده وان لقت عمل مش مختلط ومش حكومي الراتب رمزي من وين كل ما مراه تاذت من زوجها تخلعه حتى مع المهور القليله ولاحد يقول اقل من كذا لانه واهله مع قل المهر نقدوا على حفله الملكه وعلى فستان الزفاف المأجر و على جهازي انه مو ماركه لان قرايبهم اللي زاي النمل كل مايجونهم وياكثر ماينشبون يبون يشوفوني عروس حى بعد 5شهور
في الغرب عندهم مؤسسات اكثرها مش حكوميه تأمن ملجا للمعنفات مو بسجن زاي دور الحمايه وتامن فرص عمل أو تدربهن على مهن يدويه وحتى تعينلهن محاميين متطوعين عشان يساعدونهن في الترافع ليش لسى العمل الخيري عندنا تقليدي يساعد الانسان انه يقف بس يظل واقف مايتقدم خطوه
و الانسان إن لم يكن في تقدم فهو متأخر
منار 666 @mnar_666
عضوة فعالة
يلزم عليك تسجيل الدخول أولًا لكتابة تعليق.
روابينا
•
حقيقه.. مشكلتك مؤلمه ...الله يكون في عونك ..هذا حال المرأه دائما ..اذا اختارت الزوج تكون نهاية مصيرها ان اصابت او اخطأت ...وتدفع ثمنه العمر كله
IIOII
•
حبيبتي
حلك الوحيد الخلع
روحي ارفعي قضيه واذا دخلتي على الشيخ اشرحي وضعك ومأساتك الماديه
واطلبي منه يساعدك او يبحث لك عن متبرع يدفع لك المطلوب
على الاقل يعطونه نصف المهر 20 الف وترى صارت كثيرررررررر
حاولي ولا تيأسي
حلك الوحيد الخلع
روحي ارفعي قضيه واذا دخلتي على الشيخ اشرحي وضعك ومأساتك الماديه
واطلبي منه يساعدك او يبحث لك عن متبرع يدفع لك المطلوب
على الاقل يعطونه نصف المهر 20 الف وترى صارت كثيرررررررر
حاولي ولا تيأسي
الله يعينك بس ماشوف في زوجك شي مآيخليكي تكملين معه يعني مآيضرب ومو مأذيكي ومسأله إن شخصيته معدومه حاولي تحسسينه انه رجال وان له شخصيه وعبي راسه ان لازم الناس تشوفك راعي شخصيه وعيب خواتك يمشونك والناس باديه تتكلم عليك بسبة هالشي إلخ
بس أحس إنك نفسيا مو متقبلته
ولا في حريم زوجها يصحيها ويمسيها على كف مو بس بخخيل مع ذالك صابره ومحتسبه
إذا إنتي حاسه إن في 1 بالميه أمل يتعدل حاولي معه وإذا مرره مرره قفلت من كل الطرق الله ييسر لك كل خير ياحي ياقيوم
سبحان الله وبحمده
سبحان الله العظيم
أستغفر الله العظيم وأتوب إليه
بس أحس إنك نفسيا مو متقبلته
ولا في حريم زوجها يصحيها ويمسيها على كف مو بس بخخيل مع ذالك صابره ومحتسبه
إذا إنتي حاسه إن في 1 بالميه أمل يتعدل حاولي معه وإذا مرره مرره قفلت من كل الطرق الله ييسر لك كل خير ياحي ياقيوم
سبحان الله وبحمده
سبحان الله العظيم
أستغفر الله العظيم وأتوب إليه
الصفحة الأخيرة