متفائلة

متفائلة @mtfayl_1

عضوة نشيطة

أريد رأيكم يا بنات

الأسرة والمجتمع

بسألكم الوحدة تاخذ واحد نفس عمرها أو أكبر .
عطوني رايكم فرأيكم يهمني .. :27:
20
1K

يلزم عليك تسجيل الدخول أولًا لكتابة تعليق.

تسجيل دخول

&ام ليان&
&ام ليان&
بصراحه انا احس على شخصية الزوج فيه رجال تحسينه فاهم تعطينه اكبر من عمره وفيه بعضهم بصراحه تستغربين من تصرفاتهم اذا عرفتي عمره فااهم شيء شخصيته
محبة الورد
محبة الورد
أذا أحد متقدم لك كبر عمررررررك خذيه
لاني اشوف الي مااخذين من اعمارهم ماشاء الله متفاهمين وسعنداء

وبالنسبه لأكبر منك بخمس ست هذي ضمان لك تضلي أصغر منه مهما كبرتي

لكن اكبر بعشر سنين وفوق أحس ماهو بزواج
لاني اشوف الي كذا غالبا مشاكل لانه يعتبر زوجته بزرررررر
وعقب فتره طويله يتوافقون هذا اذا توافقوا
وراح تتنازلين عن أشياء كثيره

واولاً وأخيراً استخيري في جميع امورك يالغاليه
لانه عسى ان تكرهوا شيء وهو خير لكم
وعسى ان تحبوا شيء وهو شر لكم

موفقه............
oO عبير الرياض Oo
أنا أفضل يكون أكبر منها بكم سنة ..

ولكن اذا كان صالح وما عليه كلام أبدا ماينرد لسبب العمر ..

وش الفايده يكون أكبر مني و ماهو خلوق ودين !!!
ليان@@
ليان@@
والله مو ع العمر!
ع شخصية الرجال نفسه

انا صديقتي ماخذه واحد اكبره منها بسنه وحده بالضبط بالضبط 9شهور
والله عنااااااااااد وتحدي بينهم هههههههههه تضحكون لما تشوفونهم كأنهم اطفال او اخوان!!
وكل واحد معتبر الثاني بزر!!

ووحده ثانيه من صديقاتي ماخذه واحد اكبر منها هي عمرها 19 وهو 26
نفس الشي عناد وسب وهم توهم مخطوبين وتحدي وكل واحد يقول انا كلمتي تمشي
وصارلهم طبعا مخطوبين 3سنوات


بنت خالتي تزوجت وكان عمرها 20سنه وزوجها 29 مشاءلله والله لو تشوفينهم الحين تقولين ياازين الحب
مررره متفاهمين مشاءلله الله يتمم عليهم صارلهم تقريبا 10سنوات يوم تزوجو

اختها الثانيه عمرها 23يوم تزوجت وزوجها 30سنه عناااااااااااااااااااااااااااد وتحدي بينهم اوكي يحبون بعض بس عناد مره كل شوي هواش! وصارلهم 8سنوات متزوجين


اممممممممم ميين بعد؟
اي صح

بنت عمتي ماخذه واحد عمره31سنه وهي 22سنه دلللللللللللللللللللللللللللللللللللع
يعاملها زي النونو مدلعه مره مشاءلله وكلامها الي يمشي:)


يعني بختصااااااار حسب شخصية الرجال
شوفي انا عندي من كل الانوااع والاعمار هههههههههههه بس تشوفين على العقل بصراحه:)ماله اي دخل العمر
mraba%100
mraba%100
استخيري حبيبتي مره وثنتين وثلاث سواء كبير مره اوكبرك هذا اهم شي

بالنسبه لي انا ماخذه واحد في عمري وهو اكبر مني بشهر واحد بس والحمدلله مبسوطه ومتفاهمين وماعلينا

ولا عمري حسيت بالندم او شي زي كذا بالعكس احس اني محظوظه يختي مدري احس لانه في سني يحب يشاركني في كل شي
حتى اللوان الارواج لمن اجي اشتريها يحب يختار لي ولمن يشوفني اسوي ماسكات واقنعه يقلدني تصدقين حتى لمن اغلف هدايا يجي يناظر ويقول علميني

مدري هذا له دخل بسنه او لا بس ترى حتى اللي اكبر منك بكم سنه زي ماقالت وحده من الاخوات تظلين صغيره بعيونه اما اللي يوصل الفرق بينهم لاكثر من 10 سنوات بصراحه ما ينفع ايام زمان كان ينفع لان قبل الناس كانت تنضج بسرعه وحريم قبل غير عن حريم اللحين

انا مثل ما قلتلك استخيري واذا ارتحتي خذيه وترى التوفيق من الله وماله دخل بالعمر اذا هو انسان كفو وماعليه واخلاقه زينه فستخيري وتوكلي على الله

الله يوفقك يارب