أريد رايكم أرجوكم...وشلون أتصرف؟؟؟؟؟

السلام عليكم بنات حواء
ودي أخذ رايكم بحاجه....
أنا اختلفت مع زوجي وحياتنا كانت كلها مشاكل أصلا...حتى تعبت نفسيتي وقلت عقب بنتي ماراح ارجع له..وكان قبلها ولد..
المهم اني بعد النفاس رفضت الرجعه وقلت له أبي راحتي النفسيه خلني عند اهلي فتره...لما أحس اني اقدر ارجع وإذا ماقدرت ننفصل..
هو رفض وأصر علي وأنا أصريت على عدم ذهابي معه ...وصار يكلم كل يوم يقنعني وهذا ماهو من عادته يعني هو ماقد رفع سماعه يسأل ....
زوجي انسان صعب ..وعانيت معه من الوحده والغلاظه وكل شي أطلبه بلا استثناء يرفضه أو يؤجل إلى أن يفقد كل شي رغبته...حتى لو جهاز صغير حتى لو غرض بسيط ..يؤجل بشكل مو طبيعي وأدري انه نوع من الرفض!!!
أرجع لصلب الموضوع..انه جلس يقولي وش الأشياء اللي مضايقتك ..وأنا أبيك وأنا وووووووووو
حتى قال خلاص في الصيف (وهذا الكلام في رمضان)قال في الصيف بغير عليك نفسيتك وأوديك ماليزيا...طبعا هو عارف اني اتمنى اروح لها..ومن زمان أطلبه لكني يأست...قلت له بس نفسيتي تعبانه وماأتحمل مشاكل..قال أبد كل شي بيتغير وبتتحسن نفسيتك وووو...حاول معي لما ضغطت على نفسي ورحت معاه ...بالبدايه تغير بنسبة 40% وكل شهر يرجع لطبعه أكثر ..وبصراحه فيه أشياء تتعبني منه ماقلتها لأن هدفي أسألكم عن حاجة محددة.. الحين لما سألته عن سفرة ماليزيا ..
قال: نسيتي أفعالك؟؟؟يقصد خلافاتنا خلال هذي الفتره بعد النفاس...وهي والله كلها بسببه..يعني من اهماله وتركه لنا ووووووو.
قلت له انت وعدتني ..
قال ماوعدت
قلت طيب كذبت بكلامك ...قال بس أنا ماقلت سوي كذا(يقصد الزعل والمشاكل حتى اني رفضت اروح لأهله لأننا مختلفين..رغم اني كنت توني رايحه لهم قبلها بيومين ..بس ؟؟؟؟؟؟؟
يعني يمسك اللي مايمسكونه الرجال على حريمهم..
تكلمت معاه ماني مصدقه يكذب علي بس فعلا كذب علي...رغم اني انبح حلقي وانا اقوله لاتخلي الروحه لمايزيا مشروطه لاني تعبانه...ولاكأني قلت شي...
طبعا تهاوشنا والحين متزاعلين(((وبصراحه تعودنا على الزعل)))والله أحس مايشوف اللي يسويه يعتبر نفسه أمير؟؟؟
مثلا ينام في البر 4 أيام وانا لحالي مع عيالي..ولما يجي مايعوضنا..ولما نطلب شي يبدي الناس علينا؟؟
..................

الحين ياأخواتي أشوف لما تقرب الصيفيه تنتهي وأروح عند أهلي عشان يحس بقيمة كلامه..
والا اجلس بس والله أحس اني ذليله يلعب بمشاعري ..ويآمر وينهى كأني شغاله؟
مقهوره مره من هذي ومن غيرها..والقهر شين ياأخواتي
أبي رد اعتبار...
أدري السافه مو كلها روحة ماليزيا يعني يمكن تقول وحده السنه الجايه....تحسبه عمره سوى شي من نفسه..يعني الأشياء التافهه نجلس نحاول ونحايل ونعيد فما بالك بشي كبير..لأنه هو اصلا ينسى كل شي نبيه بس يذكر طلبات اهله!!!
أنتظر آراءكم....