أريد فكرة مشروع صغير أبدأ به حياتي؟ مشروع للسيدات في البيت

شوفي انا وحده من صديقاتي شاطره بالحلويات شجعتها تسوي مشروع اسر منتجه وتبيع وفعلاً بدت قعدت تقريباً شهرين تبدع بالحلويات لما اعتمدت الشكل اللي بتسويه بدت بالاول بشي بسيط مانشهرت كثير صارت تعلن عند مشاهير موجودين بمدينتنا ومن هنا بدت تنطلق بدت تنزل حلويات جديده صارت تسوي موالح وفعلاً قعدت ثلاث شهور طلبيات خفيفه بعدين سبحان الله سوت اعلان وربي بارك لها صارت الطلبيات عليها ككككثيره ماكنا نتوقع ابداً انها بتطلع بس فعلاً تعبانه على كل شي عشان كذا شوفي الشي اللي انتي شاطره فيه وتمرسي فتره واحسبي اللي لك واللي عليه وانطلقي ولا تيأسي بالبدايه لان البدايه اصعب شي كملي لما تنعرفي القلب داعي لك ♥️

صح نسيت اقولك اهم شي اهم شي كل شي تشتريه تسجليه بورقه بكم وأيش هو عشان تعرفي الاغراض كامله بكم شريتيها وتروحي تحسبي الربح ورأس المال كم يعني مثلاً تسوين باقة ورد احسبي الباقه ذي كم كلفتك مثلاً كلفتك ٥٠ ريال بيعيها ب٧٠ ريال مريحك يكون عشرين كذا يعني