أريد منكن دون غيركن

كيف ما يبغاها تلبس فستان اجل تلبس ايش؟؟؟
ممكن تفصل لها فستان ومو شرط يكون لونه ابيض ممكن تسوي لونه بيج وتسوي الشك حقه ملون
او انا مره شفت من زماااان تصميم ازيا مره حلو كان لون الفستان زهر فاااااااااااااتح فاتح فاتح افتح الدرجات وكان الشك اللي عليه بالفستقي والزهر وكان طالع خيال

ممكن فستان ابيض و الشك زهري اتوقع يطلع حلو :26:

السلام عليكن اخواتي بارك الله فيكن على جهودكن الخيرة لا ولكن فكرة فستان لا يريدها بالمرة وتساؤلي هل يمكن مثلا الاستعانة بالثوب الخليجي أو بالثوب المغرب يعني يكون الشك اللي فيهم متميز ويصلح يكون بديل حق فستان العرس
وهل توجد اماكن خاصة بذلك ؟ الرجاء تزويدي من بنات الامارات باهم الأسماء
تحياتي
أم عمران

الغالية ام عمران ..

أنا شفت عروس يوم عرسها ما لبست فستان .. لبست لبس مغربي بس كشخة .. لونه ابيض وكله شك وتطريز يدوي من عند محل الجمال المغربي في شارع الجوازات القديم في العين .. فيه وحدة طيوبة اسمها ام سارة تروح تقول لها ابي شي كشخة علشان العرس وهي راح تساعدها بحركات وايد بحيث يطلع اللبس فخم وعلى فكرة تراها تسوي معاه طرحة ..
خيطي عندها وعلى ضمانتي .. انا كل ملابسي المغربية عندها بصراحة شي فخم جداً .. وأي استفسار انا حاضرة

عزيزتي ام عمران

بإمكان صديقتك لبس ثوب إماراتي ويكون الشغل إللي فيه مميز

حضرت من فتره عرس كانت العروس مليانه ولابسه ثوب أبيض وفيه شكل وردي وكااااان يهبل وكانت مسكتها عباره عن مهفه ملبسه بالقماش وعليها شغل مثل إللي بالفستان

كأنه عرس تراثي

وقوليلها تختار كوشه تراثيه وحتى الكرسي خلها تختار كرسي خشبي قديم

وقولي لصديقتك لا تصعب الأمور وتعقدها كل شي له حل وبيني وبينك الثوب الإماراتي او الخليجي أحلى من فستان العرس العادي بمليون مره

وأي مساعده من عيوني وراسليني على الخاص عشان افيدك اكثر

وبالتوفيق