أريد وظيفة في جدة

أختي بنت الحزم..
مرحباً بك في الواحة العلمية وإن شاء الله تجدي طلبك ويساعدك بنات جدة أو من تستطيع حياك الله ووفقك .

انا مثلك تخرجت من الجامعة وقاعدة في البيت الوضايف الان صعبة وبعدين بنتك فين تخلينها وما قد سمعت وحد ة تمدحلي في التدريس كلهم قالو تعب تعب لكن اتسلي بالكمبيوتر واعمال البيت او خذي دورات في الكميوتر والانجليزي او التجميل في معاهد في جدة حلوة زي الفرسان اللي في طريق المدينة انا اخذت فيه دورة تجميل مع وحدة لبنانية واستفدت من الدورة مرة في كمان النيو هورايزون في التحلية
ممتاز لتعليم الانجليزي سلي نفسك وابسطي حلك احفظي جزءمن القران اجتمعي مع جاراتك اقرؤ كتاب مع بعظ سوي اعمال فنيه يدويه
موفقة يارب

مشكورين على العموم ما برتوا قلبي المهم الله يعطيكم العافيه بعدين اختي عطر المكان بنتي بخليها عند الشغالة . بعدين انا احفظ قرآن يعني مرتبطه والله يتقبل .......يالله مع السلامه وما زلت في انتظار الحلول

والله إختي أنصحك إنك تنسي شي اسمو أبي وظيفه..
وبعدين سلي نفسك في الدورات مره حلوه مثل دورة تجميل في مركز الفرسان في حي الجامعه..
أو روحي دورات كمبيوتر في مركز ( المركز السعودي للسيدات في حي البوادي..
يعني الدورات ممكن تفيدك انك تتوظفي في مدارس على الكمبيوتر او انك تسويلك صالون..
ولا روحي ادرسي بكالوريوس او ماجستير..
أتمنى أكون أفدتك..,
هذا كل اللي عندي..