أريد ولدي يرضع الرضاعة........كيف ؟عجزت

والله ياأختي صعب كثير لأنه ماشاء الله كبير ويفهم
بس أنا ألي أعرف في حالتك تفطمه كليا وتعطي حليب بالمصاص هذا إلي أعرف كثير مثلك يرفض الحليب بالرضاعه بس يتقبل بالمصاص
حاولي وأن شاء الله تفيد

السلام عليكم اختي عروبة



حبيت اخبرك عن تجربتي....انا بنتي هالشهر بس بدت تاخذ الرضاعه....وبعد ما تعبتني وهي رافضتنها.....وما في شي ما جربته...حطيتلها سكر النبات والعسل....وحطيت على صدري اشياء مره وحامضه :23: عشان تمتنع ....ما شي فايده.....اصلا كل ما تشوف الرضاعه ترميها وتشيح بويها...بعدين صرت شويه استخدم معاها القوه (انا قلت شويه)...ًرت ادخللها ياها بالغصب......طبعا هي ترفض....المره الاولى رفضت بس كمين قطره من الحليب نزلت في حلجها....وكالعاده زحفتها ما تريدها.....تركتها فتره يمكن خمس دقايق...ورجعت سويت نفس الحركه...ونفس الشي ترفض...بس ذاقت منه شوي نفس اول مره....بعدين انا ومشغلتلها التلفزيون...كررت الحركه....كم مره بس ما ورا بعض عشان شوي تنسى....وحسيتها بدت شوي شوي تتقبل...بس للحين...بالليل مستحيل تاخذ الرضاعه...يعني بعدني نومي متقطع...بس ارحم من انه ما ارتاح لا ليل ولا نهار....بالرغم انها وايد عنيده....الله يحفظها ويصلحها....بس مستحيل تاكل شي ثاني....وهذا اللي اكثر شي مضايقني....طولتها عليش بس حبيت اوضح كل شي...وبنتي الحين بتكمل سنه وخمسه اشهر.....وان شا الله تنفتح نفسها على الاكل...وان شا الله يرضى ولدش يا خذ الرضاعه



سلاااااااااااااااام :27:

اللهم عافيهم واشفيهم مساء الخير اخواتي انا ولله الحمد مارزقني الله اطفال للحين

بس ولد اختي من عمره يوم وهي تعطيه الرضاعه بس المشكله مايرضع الا وهو نايم

ولاياكل مثل بقية الأطفال يصيح من الجوع ام ام ام واذا اعطيته شي يادوب ياخذ ملعقه بالكثير واذا اعطيته

واذا اعطيته مره ثانيه يكبها وهو عمره الحين سنه وسته اشهر :26: :26: :26: يارب يخليلكم اولادكم

السلام عليكم،

الله يجزيكم خير يارب على ردودكن، ويجعله في موازين حسناتكن.........

أم تيماء
صحيح والله صعب، عجزت معاه، مرة ثانية أقول ما برضع طبيعي أكثر من 6 شهور حق المناعة وبعدها باعطيه حليب صناعي مع الرضاعة، أحسن من البلشة اللي أنا فيها ألحين
وحاولت أعطيه في كوب أو في مصاص بس ما في فايدة
وتسلمين عزيزتي على الرد

شموخ بلادي
الله يرزقك مثل ما رزقنا ويعطيك الذرية الصالحة يارب العالمين
أنا ولدي هذا جا بعد 7 سنين ولله الحمد والمنة
تسلمين عزيزتي على ردج



عاشقه الباطنة
كلهم اللي يرضعون طبيعي تلقي نفوسهم مسدودة وما أعرف شو السر؟
المشكلة أن نفسي قصير وما فيني صبر مثلج ماشاء الله، بس بحاول
والله يفتح نفوس عيالنا ويرضون ياكلون يارب


أم هوازن
المشكلة أن ولدي كبير ويفهم أحسه وعنيد راسه يابس
أمس سويت له عند الحليب تفاح وشوي عسل وشرب منه شوي، وإن شاء الله وراه وراه حتى يتعلم يشرب الحليب