أريــــــــج (عطور، مستحضرات تجميل، إكسسوارات) تعالوا نتناقش

هلا روح المسك...شوفي عزيزتي..عندي إنطباع عن أريج سلبي...ماأدري ليش؟صارلي معاهم مواقف بسيطه حكمت عليهم من خلالها أنهم تجار كلاسيك...شو يعني كلاسيك هنيه؟يعني همهم بالأول و الأخر الربح التجاري،شوفي شو صارلي:
1-رحت مره أشتري مجموعة كلينيك للعنايه الكريم المرطب الأصفر مع صابونته والتونيك،طلبته من المندوبه وسألتني عن نوع بشرتي قلتلها عاديه إلى دهنيه...قالت أوكيه،وقعدت تعرض لي الجديد في الماكياج...وأنا ما كان لي نيه أشتري ماكياج بس ما حبيت أسكتها وأحرجها لأن هذي طبيعة شغلها،بعد ما خلصت قلتها وين مجموعة الكلينك قالتلي روحي على الكاونتر وحاسبي هناك،رحت وحاسبت وأخذت الجيس ولمن وصلت البيت لقيتها حاطه لي مجموعة البشره الجافه!!!!يعني كان خلصان من عندهم مجموعة البشرة العادية وإهي تعمدت تتوهني <<بنفس اليوم ما رضو يستبدل وقالو خلصان للبشره العادية
2-مره رحت أشتري كريم إضاءه من شيسيدو وكنت كاتبه الإسم في ورقه،ولمن عطيت الورقة المندوبه قالت ما عندنا ماركه شيسيدو قريب بنجيبها،شكرتها ولمن جافتي بطلع من عندهم من غير ما أخذ شي قالتلي لحظه شوي وأخذتالورقه وبعد شوي أشوفها قابله ومعاها واحد يمكن البق بوس مالهم وجافني <<قال بنفسه هذي متغطيه من فوق لتحت مثل الخيمه ماظنتي تعرف إنجلج(ما درى إني بلبل 100% وإن كل الناس تعرف الحين تتكلم إنجلج) المهم قال لها بالإنجليزي(مع أن إثنينهم عرب) :هاتيلها أي شي من ماركه غير يشبهله وحطيه بجيس وخليها تروح إتحاسب،وإهي راحت ركككض وجابت كريم وعطته للفلبينيه وهوب الفلبينيه إتناديني للكونتر،إلتفت للرجال وقلتله ما أبي أي شيء سألت عن شي محدد ورحت للفلبينيه أجوف الكريم اللي جايبته لي كريم تبييض من كلارنس،قلتلهم كريم الإضاءه غير عن كريم التبييض وطلعت و الرجال فاج فمه إهو و المندوبه.<<<رديت عليهم بهدوء لأني استحيت أبين إني معصبه من أسلوبهم.
وعلشان ما أضلمهم إهم ذوق في التعامل لكن اللي ايروح عندهم لازم يعرف شو يبي و ايجيك على الأغراض إهي نفسها اللي إشتراها بدون ما إيحسون علشان ما تسببين إحراج لهم...وعندهم خدمه إذا إشتريتي من عندهم بمبلغ معين يمكن فوق 200 يعطونج موعد لجلسة تنظيف بشره ولا مره رحت لأني مارتاح لهم شوفي إني يمكن ترتاحين<<الناس اللي سو تنظيف عندهم يمدحونهم.
أدري سولفت وايد...بس علشان تستفيدون....وتشاوو

هلا والله ببنت بلادي :)

مشكورة عالنصيحة وإن شاء الله بنتبه لها.....

وبالنسبة لتنظيف البشرة عندي قسيمة مجانية وابو بلاش يا حلوة خخخخخخخخخخ

وصدقيني كل محلات التجميل يتمسحون فالوحدة عشان يبيعون اللي عندهم بس الذكية مثلج اللي تنتبه لهم :)

ألحين ما قلتي لي المنتجات اللي عرضتها أوكي ومنتجاتهم حلوة ولا لأ وكيف الأسعار؟؟؟


بالانتظار :)

روح المسك...جربت العطر حلو ريحته مثل البودره...وهادي،ماخذته من زمان كان سعره200 درهم...وباجي الأشياء ما جربتها إن شاء الله البنات بيفيدونج...والله يوفقج.

انا جربت العطر وايد روعه بس ما اذكر كم سعره

والكحل العربي عندي منه الاسود والابيض والازرق وايد حلو ويصير تستخدمينه حق شي ثاني مو بس الكحل بالعين

والحين فيه لون سماوي حلو شكله بس ما جربته

هلا وغلا.... :icon28:

مشكور فديتج على المعلومات.... ممكن تخبريني بكم خذتي الكحل؟ :)
وشو تقصدين انه يصير استخدمه حق اشياء ثانية علميني ومنكم نستفيد :39:

بسالج هل هذا أثمد.... وينحط داخل العين صح؟؟؟؟ جربته اليوم وطلع روعة ما يخوز بسرعة..... :27:


فينكو يا جماااااااااااااااااااعة :icon33: