أريــــــــــــــــــــــــد تعليـــــــكم

مشاء الله تبارك الله تدرين ياقلبي اول علامات الشفااااااء وقرب الفرج (((الملل من الرقيه ))) الشيطان والعياذ منه لاقرب هلاكه وعرف انه محروووووووووووق محرررررررروق ولا سيخرج ذليلاااااااااا يعطيك هالاحساس وبقوووووووووووه ليه عشان توقفين العلاج والرقيه عشان يتعافى ويرجع لج اقوى من قبل ويتسلط عليج حسبي الله ونعم الوكيل ياعمري هاذي حياتج انتي تستاهلين حياه افضل تستاهلين تعيشين زي الناس لين متى نبدأ ونوقف ليه هالسلبيه يوم قربتي تقضين عليه توقفين كأنج تدلعينه لا ياقلبي اللحين بدأ الشغل المضبووووووووووط اللحين قررب هلاكه ماراح يكذب علينا بالحيل القديمه خلاص انتي عارفه ان ذا شعوره مو شعورج اللحين عليك انج تشدييييييييييييين عليه ماتخلينه يرتاح ونوعي بالعلاج يعني ياعمري لاتستمرين على شي واحد بس لا كل مره ضيفي شي مره سدر مره تضيفين العسل مره تسمعين رقيه جديده مره تقررين تختمين القران باسبوع مره تقولين ببدا بالاغتسال بالماي المقري لمدة اسبوع وطريقة الاغتسال سهله جدااااااااا اخذي سطل كبير وخليه بالحمام وامليه ماي عادي واخذي كاسه ماي وروحي الغرفه واقري البقره كامله والرقيه الشرعيه كامله وبعدها روحي صبيه في السطل وكل مره زيدي عليه ماي وكل يوم تغسلي فيه مره وهو بيكون بارد يعني العلاج اقوى وهذا البرنامج ياقلبي بيساعدج تمشين على جدول معين واستخدمي رقية وردة الاشراف اعملي بحث الكل يمدحها واليوم بديت فيها
اولا: كوني على وضوء 24 ساعه

ثانيا : اكثري من سبحان الله الحمد لله لا اله الا الله الله اكبر

ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله


رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره


خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل


سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه


سابعا: قبعة المسك هاذي ضروري تستخدمينها في حال تعانين من وسواس او تكاسل في الطاعات او تعب شديد وصداع اذا قريتي سورة البقره او تعانين من كوابيس لانها بتوقف لج كل هالامور وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه كبدايه لاتبدين بدايه قويه الا اذا انتي معزمه ابدي بالتدريج عشان ماتتركين العلاج ودوم احتسبي الاجر لله


ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم واصلن سهله لو تقرين بعد كل صلاه عشر صفحات خلصتي بتقدرين تقرينها ان شاء الله باين عليج مشاء الله حابه تتعالجين وقويه بأذن الله طبعا مع سماع الرقيه العامه واتسجلين في ورقه الايات اللي حسيتي بتأثير معها


تاسعا: ادهني جسمك بالزيت المقري وقت النوم جسمك كااااااااااامل ويفضل تخلطينه بزيت حبة البركه والمسك الابيض او الاسود اذا عان زوجج ماتزعجه ريحة المسك الاسود حطي الابيض ريحته مره مقبوله بترتاحين واجد


عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وموفقه ياااااااااااارب الله يشفيج ويشفي جميع مرضى المسلمين وطمنيني عليج

جزاك الله الف خير،كلماتك بلسم ربي يرضاء عليك وينالك رفيع الدرجات وحقق الله مرادك ويسر لك كل عسير والله ريحتين الله يريحك ويزيل همك ويفرج كربتك،كنت ناويه بس كسلانه بس من بكرآ اببدآ بشكل جدي ومستمر كلماتك زادت من حماسي فعلا كلامك هوالواقع بس الله يعين على المجاهده وفي الأخير أشكرك على أهتمامك وحرصك فلا أستطيع ان أرد لك هذا المعروف الأ أن لن أنساكي من الدعاء أختي (تعبت أقوم واطح )

فديت روحج الله يجزاج خير ياقلبي ماسويت شي فديت روحج والله يشفينا اجمعين ومافي داعي للشكر فديتج اهم شي تبشرينا انج شفيتي واسترديتي حياتج اللي تستحقينها وكلنا معاج وربي الرحمن الرحيم معاج