السلام عليكم ورحمة الله وبركاته
أكيد الكثير منكم تساءل ؟؟؟
أزعجتني كثرة الرسائل اللي تجيني من منتدى عالم حواء؟
بعض المواضيع ما تهمني لذيك الدرجة ؟؟
كيف أعرف إذا فيه مشاركات جديدة في المواضيع اللي أنا مشاركة فيها بدون ما يمتلي بريدي؟
هل لازم أدخل كل قسم وأبحث عن كل موضوع شاركت فيه عشان أتابعه؟
هل ممكن أتابع موضوع معين بسهولة بدون ما أكتب فيه رد؟
إيش الحل؟؟
الحل هنا
في البداية، لازم نفهم خاصية الاشتراكات في المنتدى
الشيء الطبيعي الذي يحصل .. إنه أول ما تشاركين في موضوع .. يتسجل الموضوع في قائمة المواضيع المشترك فيها
ما الفائدة من هذه الخاصية؟
الفائدة منها إنك تقدرين تتابعين المواضيع اللي تهمك بسهولة بدون ما تبحثين عنها كل مرة من قائمة مواضيع الأقسام
طيب ، كيف ممكن أشوف إذا فيه مشاركات جديدة في المواضيع اللي أنا مشتركة فيها؟
من (لوحة التحكم)
راح تطلع لك قائمة بالمواضيع اللي مشتركة فيها اللي فيها مشاركات جديدة
الرسائل أزعجتني ؟؟ كيف أوقفها؟
في حالة أزعجتك رسائل المنتدى
وودّك تكتفين بمتابعة المواضيع من لوحة التحكم بدون ما تصلك رسائل على الإيميل
هناك جانبين لازم تنتبهي لهم
1. لازم تغيرين الخيارات بحيث أي موضوع جديد تشاركين فيه تلقائياً ما يرسل لك إيميلات نهائياً عنه
2. لازم تغيرين الاشتراكات القديمة وتلغين خاصية التنبيه البريدي منها
مفهوم؟؟
إلى الخطوات:
النقطة الأولى: كيف تجعلين أي موضوع جديد تشاركين فيه بدون تنبيه بريدي:
افتحي من روابط سريعة -> تعديل الخيارات
إذا اخترتي (بدون تنبيه بريدي): ما راح يرسل لك إيميلات لكن راح تظهر المواضيع في شاشة لوحة التحكم وفي شاشة الاشتراكات بحيث يمكنك متابعتها
إذا اخترتي (بدون اشتراك): هذا معناته إنك ما تقدرين تتابعين المواضيع إلا بالدخول عن طريق الأقسام .. وهذا غير عملي
إذا اخترتي (تنبيه بريدي فوري): راح يرسل لك على طول أول ما تجي مشاركة جديدة في المواضيع
إذا اخترتي (تنبيه بريدي يومي): راح يرسل لك تنبيه واحد فقط في اليوم عن الموضوع
وأسبوعي: مرة في الأسبوع
هذه التغييرات اللي عملتيها راح تنطبق فقط على المواضيع الجديدة
لذلك إذا تبغين توقفين البريد لازم تغيرين الاشتراكات السابقة
شرحها في النقطة الثانية:
النقطة الثانية: كيف تلغين الاشتراكات القديمة أو تغيرينها:
افتحي من روابط سريعة -> المواضيع المشترك فيها
ممكن تختارين كل المواضيع الظاهرة في الصفحة
أو ممكن تختارين مواضيع معينة بس لتغييرها أو حذفها
إذا المواضيع ما ودّك تجيك إيميلات ولا ودّك تتابعيه نهائياً (يعني ما يهمك إيش يصير فيه) اختاري (حذف الاشتراكات)
إذا ودك يظل عندك في لوحة التحكم والاشتراكات بحيث يمكنك الرجوع إليه بسهولة اختاري (بدون تنبيه بريدي)
في حالة رغبتك بإلغاء أو تغيير جميع الاشتراكات
لازم تكررين العملية على جميع الاشتراكات الموجودة عندك
ويمكنك الانتقال بين صفحات الاشتراكات عن طريق أرقام الصفحات
طيب فرضاً أنا أبغي المواضيع الجديدة تجيني رسايل عنها بس فيه مواضيع معينة أبغي ألغي الاشتراك فيها؟
في هذه الحالة لا تنفذي النقطة الأولى فوق (تعديل الخيارات)
ولكن فقط نفذي النقطة الثانية للمواضيع التي تريدين إلغاء الاشتراك أو التنبيه منها فقط
يعني حطّي صح على المواضيع اللي ما تبغينها بس
سؤال أخير: هل يمكنني أن أشترك في موضوع بدون ما أكتب فيه مشاركة؟ بحيث إني أقدر أتابعه من لوحة التحكم؟
نعم
هذه الطريقة:
اختاري نوع الاشتراك (كما شرحت سابقاً)
وممكن أيضاُ تلغين الاشتراك بنفس الطريقة:
بقي أن أنبه أن المواضيع التي تكونين مشتركة فيها يظهر بجانبها هذا الشعار عند تصفحك للأقسام ... يعني كل عضوة تظهر لها هذه العلامة عند المواضيع المشتركة فيها هي فقط ...
أتمنى أن يكون شرحي واضحاً ومفيداً
واللي عندها أي سؤال لا تتردد في طرحه هنا
وجزاكن الله خيراً على حسن متابعتكن
أختكن في الله