أزعجوني بحياتي

السلام عليكم ورحمة الله وبركاته
أشكر صاحبة هالمعرف إلي عطتنيه عشان أكتب مشكلتي لكم
تعرفون يابنات الحريم إلي يكايدونك من تحت لتحت ويسوون أشياء صغيرة بس تقهر أنا ربي بلاني فيهم من زمان أي فرصة تسنح لهم يزعجوني
ومو بس كذا يابنات وصلت فيهم المواصيل يرسلون عيالهم وبناتهم الصغار يزعجوني لدرجة بعرس أحد أقاربي وحدة مرسلة ولد صغير يكب على وجهي موية بس الحمد لله المكياج ما ساح وتخيلوا يابنات لو تكلمت على هالولد الصغير وش بيقولون؟بيقولون مجنونة وحاطه عقلها بعقل صغير وعصبية ويشوهون سمعتي عند الناس بس جاء الرد من ربي خلاني بالموقف ذاك باردة أعصاب ولارديت علي الولد واصلا هو انحاش من قدامي بسرعة كل اللي سويته رحت للمراية ومسحت الموية عن وجهي على خفيف وعن شعري والحمد لله عدت على خير ولا خرب فيني شي
وفيه وحدة من نفس الحريم (المشكلة انهم يقربون لي)ترسل بنتها المراهقة وبنتها تذيني إن تكلمت قلدت صوتي وقامت تضحك علي واحس نفسي صغيرة قدام الناس اللي تقلدني عندهم واتفشل وماعرف ارد(اللي عندها رد مسكت تعطيني)ودايم هالبنت تذي وتخرب وتستفزني بالأشياء اللي مابيها تسويها مثلا تحرش البزران اللي اصغر منها يخربون البيت واذا خربوه وقمت اهاوش قامت تضحك وهي ماتطلع بالصورة (أنا ادري يابنات أمها مرسلتها لان لي مواقف مع أمها تدل انها تكرهني كره العمى والبنت يوم كانت صغيرة كانت تحبني وتسمع كلامي بس أثرت فيها أمها وخوات أمها بعد يكرهوني انا وامي واختي بس مايتجرون بالحركات البايخة اكثر شي الا معي صح يذون امي واختي بس مو كثر اذاهم لي ومحاولتهم بشتى الطرق اني اظهر قدام الناس بصورة شينة) المهم ارجع اكمل لكم هالبنت المراهقة اتلفت اعصابي انا والله أتمنى لها الخير ومابي اذيها وعديت حركاتها كذا مرة بس احس أحاول تهيني وتكسر شخصيتي وانا اكبر منها بكثير يابنات انا شفت بنات يطرحون مشاكلهم هنا وتعطونهم حلول ماتخطر على البال ولافكرت فيها وتكون حلول حلوة أنا ابي ادافع عن نفسي من هالناس ابي ردود قوية ومسكتة وتصغرهم وتكون ردود بالعظم على قولتهم والله جربوا تحطون أنفسكم مكاني شي يضايق انا انسانة احب الهدوء ومابي اذي احد نهائي انا بس ابي ردود ادافع فيها عن نفسي عن اللي يتهجمون علي مثلا هالبنت اذا قلدت صوتي وضحكت مني بسخرية وش ارد عليها؟لو انا وياها لحالنا وتسوي فيني هالحركة عادي بس تسوي هالحركة قدام الناس وانا اكبر منها اتفشل واسكت وانقهر من داخل واحس داخلي يبكي لاني ماضريتها بشي ليش تسوي فيني كذا؟؟تخيلتوا الموقف ؟ بتقولون عني ضعيفة أي ضعيفة وماعرف ارد انسانة عشت بين امي وابوي ماتعودت على الكيد والحقد وامي وابوي انقياء طيبين مايذون احد ولايأمرونا نذي أحد وانصدمت بقريباتي
وملاحظة شي يسووونه اكثر شي يرسلون الصغار والمراهقين علي وان جت فرصة للكبار بعد يذوني بس اذا ماجت لهم فرصة يرسلون الصغار وعندنا مناسبة قريبة واتوقع فيها أي شي بنات الله يوفقكم ويحقق كل أمانيكم
عندنا اول العيد عرس ومتوقعة منهم حركات شريرة قولوا لي بعد تتوقعون شنو ممكن يسوون؟؟؟؟؟؟ووش ارد عليهم اللي جربت ناس يذونها بالزواجات تقولي وش اذوها فيه خلال العرس ووش انسب رد عليهم لأني أتوقع منهم كل شي يقهر يسوونه ضدي وابي اخذ حذري من الحين لا اصير مصخرة بين الحريم ولاتجي وحدة تقول انت شكاكة والا هم اكبر همك ؟؟اللي بتقول كذا ترجع لأول الموضوع وتشوف ووش سوو فيني كبوا على وجهي ماء بالعرس والله يستر وش ممكن مخططين لي من شر بهالعرس وانا مجربتهم اكثر وفيه مواقف ماقلتها بعد انا مابي اهاجم احد فقط ابي ادافع عن نفسي
عسى الله يوفق ويحقق أماني أي وحدة تعطيني خطط لدافع عن نفسي وتقولي وش ممكن يسوون وش بيكون الرد عليهم وترى انا ماكتبت هالموضوع الا بعد ماطفح الكيل من فعايلهم وحسيت نفسي ضعيفة شخصية قدامهم
ملاحظة:لاتجي وحدة وتقول عصبي أو اضربي وهم هذا اللي يبونه يبون اعصب واذا عصبت قولوا مجنونة ومحد يقربها واذا ضربت نفس الشي ابي ردود هادية بس فيها قوة لاني جربت العصبية وخسرت وتشوهت سمعتي عند ناس واذا قالوا الناس وش فيها معصبة قالوا ماندري هذا دايم طبعها وصرت انا مثل المجنون الهايجة قدام الناس