مرحبا بكم جميعاً ..انا عضوة جديدة <<<متفرجة سابقا ,,, وهذا اول موضوع لي واول مشاركة
بأدخل بالموضوع على طول
فيه شي نرفزني واوجع قلبي بنفس الوقت
اللي هو لبس بعض البنات وبعض الحريم :blink: ماكنت أتوقع بحياتي اني أشوف ناس تلبس فستان طوله شبرين :eek:
ب الكم يوم اللي راحو حضرت عدة اعراس ,, وذهلت للي شفته
اغلب البنات لابسين مثل طول الفستان ... كأنها لافة منشفة على نفسها وجاية
واقصر بعد لدرجة اني اقول بنفسي لو شفت هالفستان باحسبه بلوزة وبالبس تحته بنطلون :confused-
لاحول ولا قوة الا بالله ... ولا من زين الجسم ولا البشرة عاد :dry:
لييييه ياماما كذا أولا : اللي قالك انه من الحضارة تلبسين كذا تراه نصاب
اصلا حفلات السهرة فاشونياً لازم يكون فستانك طويل
ثانيا : اللي قالك انك بتطلعين حلوة وتنخطبين تراه بعد نصاب << شلون يعجبون بوحده مفصخه :humm:
ثالثا : انتي مين تقلدين ؟؟؟ الغرب ؟؟ ترى الراقين منهم والهاي كلاس يلبسون كذا >>
شوفي لبسها وهي اميرة ولاهي قدوة اصلا
وروحي ابحثي بقوقل night dress كلها طويله بغض النظر عن كونها عريان وسبق وقلت ماهم قدوة
وحتى بالافلام يمثلون الطبقة الراقية بازياء طويلة في حفلاتهم
ولعلمك حثالة الغرب من راقصات وممثلات هم من يلبسون هاللبس
وحثالة العرب من مغنيات وراقصات ومذيعات وبدون ذكر اسماء موب قدوة ولا يمثلون العرب
بعدين وش هالثقة ياللي تلبسين فستان نص الفخذ بدون كلون :icon8: من زين الركب بس
ويمكن نبلعه عالبنات ... لكن الحريم :024: يااااالهوي
لالالا الوضع خطير خصوصا اللي تخرج من القاعه وفستانها قصير وعباتها مفتوحه :confused:
وهنا نقول كونك فتاه / امرأة ( مسلمة ) فلازم يكون لك 1- مبدأ 2- حدود
مبدأك : مو كل شي ينعرض بالسوق ألبسه ... وحشمتي هي الاساس .. مهما شفت في المجلات والتلفزيون او حتى من بنات القرايب مو لازم اكون مثلهم لاني انا عندي حدود وضوابط في لبسي
وبعدين فكري بالعواقب اللي ممكن تجيك من ورى هاللبس
- تصيبك عين من الانس او الجن والعياذ بالله وبعدها وش تسنفيدين
- المس والمس العاشق اعاذنا الله واياكم منه ..وتدرون مع الاغاني يضعف التحصين والاعراس تجمع الشياطين
- الذنب اللي تاخذيه من كل وحدة تناظر لك ...والله انها مناظر تؤذي العين
ولاتنسي ان قلة الاحتشام والستر دليل غضب الله عليك ... وكل ماتسترتي كلما ارتقيتي وربي رضا عنك
لاتقولي مالقيت وهذا السوق وش اسوي ؟؟
لا لا هذا مو عذر ... بإمكانك تشتري القطعة اللي تعجبك وتستريها او تفصلي فستان بموديل ساتر
وتذكري انك لو اخلصتي النية لله ورضاه .. ربي يضع لك نور في وجهك وتلاقي الكل يمدح في لبسك
ولاتنسوا اخواتي :
-غض البصر
_ انكار المنكر (باليد-باللسان-بالقلب)
سامحوني على ركاكة الاسلوب وسوء تنظيم الموضوع لاني اكتب من قلبي وفرغت مابداخلي في الموضوع على طول
لكم كل الود ودمتم ....
بس مالوم البنات والحريم الوم الاهل والام بالذات والزوج اللي ماعنده غيره
حتى من العين مافي خوف تقلك احصن نفسي
الله يهدينا ويهدي بناتنا