أزمة المواصلات والبنات/ تم نقاشه مرارا

السلام عليكم ورحمة الله وبركاته


من فترة وانا طفشانه من قلب وكل مشاكلي مع الطفش هي المواصلات

يعني حنا البلد الوحيد الي فيه المراه ماتسوق ومع ذلك ماوفروا لنا ووسائل مواصلات مثل بقية الدول المتحضرة وحتى غير المتحضره

لا قطارات لا حافلات لا تكاسي فيها نظام وامان


الوحدة تنحرم من الووظيفة من اجل المواصلات تنحرم من المشاركة بالأعمال المؤقته او حتى الخيرية



طيب مومعقولة ادرس واتعلم وعندي شباب وعندي طموح وانحرم من الوظيفة فقط من اجل مواصلات :boom:



اهلي رافضين فكرة السواق الخاص اما السواقين الي نستاجرهم ونصرف عليهم فلوس كثيره اهلي يرفضون اني اركب مع واحد منهم بدون محرم لوبغيت اتوظف


يابنات عندكم حلول تعرفون شركات موثوقة بسيارات او باصات ممكن يوصلون موظفات في الصباح مع محرم؟

احيانا احصل وظيفة بعيده عني مثلا انا بجنوب الرياض واحصل بشرق او شمال الرياض
فاذا كلمت سواق يوصلني يقول جداا بعيده لازم ياخذ مني مبلغ كبير الا اذا كان معي كم موظفة لنفس الاتجاه بيقل علي

لذلك اتمنى فيه شركه توصل موظفات مثلا من جنوب الى شرق من شرق الى غرب الرياض وهكذا