أزواجكم وطبخهم وحرايق المطبخ شاركونا

سلااااااااااااااااام حبايبي


طرحت هالموضوع هذا للترفيه شوي ودنا نعرف مين منكن جربت تخلي زوجها في يوم يطبخ ؟؟؟


أو ان زوجها في ي وم تبرررع وقال بوريك طبخي السنع مو طبخك الماصخ !!!!


ووافقتيه وحلت الكااااارثة


بابدأ أنا بأول قصة صارت ....

وحدة تحكي لي تقول زوجي من النوع الفيلسوف واللي مسوي ان عنده خبرة في كلللل شي بالحياة حتى بالطبخ


تقول أذاااني ان سويت شي قلت وش رايك تراني تعبت فيه وسويته على الطريقة الصينية واليابانية والايطالية ومدري شنو


يحطمني ويقول لي بكل ثقة لو تذوقين طبخي بسسسسس

ويمد ذيك التنهيييدة اللي تعبر عن الحنييين الى الماضي ويقولاييييييييييييييييييييييييييييييييييييييه يا أيااااام العزوبية
أنا أياااام العزوبية - الله يذكرها بالخير-
ماكان يطبخ الا أنا والشباب مايشبعون الا لاطبخت والرحلة اللي ماأكون أنا فيها تخرررب
أنا أياااام العزوبية - الله يذكرها بالخير-

كنت أطبخ طبخ ياسلااااام وتحسبيني أتفنن!!! لا أبد البصلة اقطعها نصين والطماطة أحطها بكبرها مثل ماهي بس ايش تطلع الكبسة ياسلااااام آآخر كلام ودك ماتقومين

تقول وأقوم ذاك اليوم ادهر من العصر وأطبخ أصنااااف وأشكاااال أقول بوريه أيام العزوبية حقته اللي غثنا فيها خخخخخخ
تقول وأقوم زي الجني بسم الله لوحدي وأسوي 7 أصناف بس ع العشا غير المقبلات والحلى قلت ياأنا ياأيام العزوبية حقته - الله يذكرها بالخير-

تقول وأدق عليه وأقوله أنا اليوم مسوية لك عشوة تنسييييك أيام العزوبية - الله يذكرها بالخير - قال اييييه هييييين هههههههههههه


وتقوم وتزين السفرة وتحط الأصناف كلللها الا ماشاالله السفرة تشبعين بس من تناظرين فيها
تقول ويدخل زوجي الحبيب ويناظر وأنا كلي فخررر وثقة بنفسي وواثقة انه بيمدحني تقول

وهو يمد هذيك الزفررررررة والتنهييييدة ويقول

!

!


!

!

!

اييييه ياأياااام أياااام العزوبية ...

( تقول وأقاطعه وأقول الله لا يذكرها بالخير ترراااااك غثييييتني :angry2: )


تقول اختررررع الرجاال مني وقام يسمي علي ويقول بسسسسم الله عليك حبيبتي وش فيك !!!!!!!


تقول وأنا ماأشوف قدااامي الا العفاااريت تتراقص (بسم الله علينا)



وتقول من قهررري قلت طيييييييييييب وربي هالليلة ماتاكل ولا صنف من اللي ع السفرررة



تقول يهديني ياااابنت الحلااااال تعوذي من ابلييس



قالت أنا ابلييييييييس بكبره



تعااااال قدامي المطبخ وورني طبخ أياااام العزوووبية



تقوووول وهو يقووول لا لا تعالي وش راايك



تقول وأقاطعه أقووول ولا كلممممة وورااااي ع المطبخ



تقول الرجال توووهههههق :( أثر ماعنده سالفة خخخخخخخخ



جبت له البصل والطماط والرز والزيت ودجاجة مجمدة والقدر وقلت ورنا ياشيف أسامة :cook:



تقول يمسك البصلة ويقلبها في يده ويقول قطعيها انا عندي حساسية من البصل



<<< الرجااال يصررررف ماعنده ماعند جدتي ولا عمره مسك في حياته سكينة



تقول وأنششششششب له والله ماأسوي شي مو أنت تقول اقطعها نصين ؟؟؟



تقول ويقوم مسكين يقطعها بقشورها ويحطها في القدر ويحط عليها زيت ويناااظرني بحزززن يبيني أشفق عليه



تقول وأنا مازالت العفاريت تتراقص قداااامي :mad:



تقول وياخذ الدجاج والطماط يقول وش أحط أول ذي ولا ذي !!!!!



تقول وأقوله اششششتغل وانت سااااكت مدري عنك وش كنت تحط أياااام العزوبية - الله يذكرها بالخير- ؟؟؟



قال تدرين من زماااان نسيييت !!!



قلت مالي شغل فيييك دبر عمرك خلك تعرف وقفتي من العصر الى الليل أصناف وأشكال وسفرة ماشاالله يخزي العين وش معناها جنب كبستك

تقول والمسكييين متوهق الى الآن وأنا مصدقة ان عنده سااالفة وانه كان جد يعرف يطبخ


المهم ويجي زوجها المسكين ياخذ الدجاجة المجمدة مثل ماهي ولا يقطعها ولا يغسلها حجرررر ويحطها على البصل خخخخخخخخخخخ ويحط الطاطم عليهم



تقول أنا هنا تننننحححححححت قلت وش تسوي؟؟؟؟؟؟؟؟؟؟:blink:

قال كبسة العزوبية


قلت من جدك كنت تطبخها كذا؟؟؟؟؟؟؟؟؟؟؟؟؟؟؟؟؟؟؟؟



قال ايه!!!!

قلت واخوياك ياكلون؟؟؟؟؟؟؟؟؟؟؟؟؟؟؟؟؟؟

قال طبعا !!!!!


قلت اهاااا طيب كمل كمل .... تقول هنا بديييت أشك في قدراته وان ماعنده سااااااالفة



قلت وبعدين وش تحط؟؟؟؟



قال جيبي الرز تقول واجيبه ويحطه من الخيشة على الدجاجة المجمدة لاغسييييل ولا هم يحزنوووون


تقول لاعت كبدي وع وع وع وع وع



تعرفون الرز اذا ماانغسل طعمه يطلع خخخيشششششه



وبعدها حط ملح وموية على كللل ذا ويغطي القدر



قلت خلاص؟؟؟؟؟



قال ايه نخليها ساعة وشوفي بعدين الطبخ على أصوله

أنا أصلا من زمان أقول لازم أذوووق زوجتي حبيبتي كبسة العزوبية بس ماجت فرصة


<<<<يصررررررررف ههههههههه

المهم تقول قلت طيب وتمر الساعة ويجي زوجي المحروووس بيشوف كبسته لقاها خلاص استوت


وينكبها في الصحن وأنا أشوف الخوف في عيونه خخخخخخخخ


تقول وأقول الله شكلها تجنن ويحطها فوق سفرتي شكلها يفشششل هههههههههههههه



تقول الى الحين وأنا اقول في نفسي اللهمممم لآشمااااااااااته وكااااتمة الضحكة خخخخخخ

قال سمي تقول ماقدرت أحط لقمة في فمي كل ماأتذكر البصل أبو قشور والدجاجة اللي


مو منظفة ومغسولة والرز اللي من الخيشة


تقول قلت اصبري يابنت تقول هو طبعا ينتظرني آكل وماسك على قلبه بيسألني وش رايي قبل لا ياكل



تقول أول ماقربت الملعقة من فمي الا وتدوخ راسي ريحة رز أبو خيشششة تقول تلوووون وجهي



قال: وشفيك ؟؟؟؟؟ لاتقولين مو حلوة ... يعني كل الشباب كانت تعجبهم وياكلون وانتي لا مسوية فيها يعني؟؟؟


قلت لا بالعككسسسس بس ذوق معي قال لا انتي اول ابي رايك تقول وآكل ذيك اللقمة على مضض:icon8:



الا وجهي صااار ألوان وع وع وع وع يااااربي ديمها نعمة وارجججعها من فمي



قال أفاااااا وش فيك



قلت بالله ان تاكل تقول ويحط اللقمة في فمة ويكششر يبين لي هزيمته

هههههههه


قلت هاه وين أيام العزوبية الله يذكرها بالخير ؟؟؟؟؟؟؟؟؟:D



قال هاه وشو وش تقولين مدري



تقول تخررربط الرجااال وقمت اضضضضحك عليه قلت تستاااهل عشان تحمد ربك على النعمة وتبوس يديني على

الأكل اللي جد هو اللي ودك ماتقوووم من عليه وماتغثني كل ماسويت لك شي



قلت الله ياأيااام العزوبيية



تقول مسسسكييين رحممممته خخخخخخخخخخ



قال وربي آآآسف سامحيني آآآخر مره تسمعينها مني



قلت يعني ماكنت تطبخ أيام العزوبية؟؟؟


انت لو بس كنت تناظر أمك وهي تطبخ ماكان طبخت بهالشكل اعترف عمرك دشيت مطبخ؟؟؟


قال بصراحة ولا غمري طبخت بس استري ماواجهتي:35:



تقول وافرررط هذيك الضحكة اللي تدل على الخبث والنصررر



وطبعا لأني حلفت انه ماياكل ولا شي من اللي سويته رحنا دقينا عل أقرب مطعم وتعشينا وعشاي اللي سويته


حميته غدا لليوم الثاني


تقول مع انه مايحب الأكل البايت بس صار كل ماسويت شي ومن قبل مايذوووقه يقول الله تسلم ايدينك



وأنا بين كل فترة وفترة أذكره بالموقف وأحاااارشه وأفطسسسس ضحك علييييه


وهو يقول اشمتي لليييل بس لاتقولين لأحد نخييتك :06:




يله ياحلوووين شاركووونا قولوا لنا مين اللي طلبت من زوجها مرة يطبخ أو هو قام يطبخ من حاله وجااااب العيييييييييييييييييييد:p


لاتنسوني من الدعاء اللي بالتوقيع ربي يحفظكم