أسألكم بالله أنا طبيعيه

السلام عليكم
بادخلكم بموضوعي المعروف اللي ذبحتكم فيه وذبحت امي وذبحت زوجي ودمرت نفسي فيه دمرررررررر
الشقه
الشقه
الشقه
الشقه
اللي مايعرفون مشكلتي باختصار
أنا لي ثلاث سنوات متزوجه وزوجي راتبه فوق 15الف والحمدلله لاديون ولاقروض ولاشي صافي راتبه أعاني معناه غريبه وفضيعه دمرتني دمر بمعنى الكلمه الشقه اللي أنا ساكنه فيها ماهي طبيعيه ضيقة صدر صغيره صغيره فوق ماتتصورون غرفتين وحمام والله العظيم ماعرف الشمس فيهادور ارضي والشباكين على منور حتى المطبخ مافيه تهويه أبدا ولاشباك وانا عندي الربو
ماقدرت أعيش فيها لي ثلاث سنين اصارع الموت والضيقه والصراصير اقسم بالله ان سرير لولدي في غرفتي أعاني لين احطه بسريره اذا انام من الضيق مافيه مكان امشي لين اوصل لسريره معاناه الغساله مالها مكان أبدا تغسل ملابسنا عند اهلي ماعاد قدرت اصبر ابكي طول الليل لين تفجر راسي ولدي يقطع القلب يبغى يلعب بالسيكل بالكوره مافيه وربي ولا متر
وزوجي مكانك سر بكل برود اقسم بالله كانه بأفخم قصر بكيت توسلت ابوس يده يغير الشقه يقول طيب طيب ويسحب
نفسيتي دمار مكاني مو مريح أبدا أبدا حاولت اغير الأثاث أزين أوسع اجدد والله مافيه فايده العله بالشقه اترجاه تعبت صحتي صدري طلعت زي الدمامل في جسمي دايم مريضه
اقوله متنازله عن الملابس السفر عن كل شي مقابل شقه أوسع شوي ويدخل شمس
قسم بالله امي تقطع قلبها علي لين صارت تهزاني تقولين ياتصبرين او تجبن هنا وتنسينه
يااخوات ماجفت لي دمعه من اكثر من سنه بسبب هذا الموضوع هل أنا طبيعيه
وزاد جنوني بعد المكرمه قلت ماله عذر
يااخوات واسوني كيف أتصرف كيف اكيف نفسي أوكيف اقنعه
وعلى فكره هو كريم جدا فوق ماتتخيلون هذا اللي يقهرني زياده يشري لي العطور علا ست ميه يهدي امي احدث اجهزه الجوال شاري لي ايفون اول مانزل منزلني السوق امس يترجاني اشتري وانا رافضه
ابغى أتنازل عن هذا كله مقابل راحتي ومكاني اللي ارتاح فيه خاصه أني عاطله لاطلعات ولا صديقات ولا اقارب طوال اليوم بالشقه
اسعفوني وادعولي الله يفرج همومكم