السلام عليكم ورحمة الله وبركاته
خواتي
لي يومين مو قادره انام قولوني متعبني مررررررره من موقف حصلي
بقول لكم السالفه بالتفصيل
بنتي اهتم في شعرها ازيته وامشطه لأنها تموت بالشعر الطويل واتفنن بتسريحاتها مره استشوره ومره اخليه مجعد لانه يتلفف من نفسه واذا تركته وتلفف طلع شكلها مره روعه
شعرها لنص ظهرها
اخت زوجي دايما تقول قصيه يعطونها الناس عين ؟؟!! اقولها عين على ايش لاهو ناعم ولاطويل مره عادي جدا ودااااااااااائما انا وياها على هالسالفه اللي من كثر مااسمعها انغثيت منها حتى مره قالت شكلي باقصه بنفسه قلت لااااعاد مستحيل .. بازعل والله ..
بنتي الثانيه قصيت شعرها قبل شهر تقريبا لانها صغيييييير ه وشعرها صغير مره قالت اخت زوجي وليش الثانيه ماقصيتيه <<< رجعنا على نفس السالفه
قلت انا وياها مانبي وشعرها كذا حلو
قبل يومين جاتني بنتي من عند اخت زوجي وتقول ماما شوفي عمتي قصت شعري
ومعاها منديل فيه شعرها :o
تخيلوا والله مايقارب 3 سانتي قاصته وياليته مرتب مشرشر شي طويل وشي قصير..
والمصيبه الاكبر والاعظم غرتها قاصتها لنص الجبهه ,, والله لو اني جايبه بنت من البر بيصير شكلها ارتب من بنتي
انصدمت وقعدت اصارخ على بنتي وهي تسمع ..
تدرون وش ردة فعلها ( العمه )
جاتني وقالت : كل هاذا حب في ( الشوشه )
رديت باسلوب ضعف واسترحام : حرام عليك يافلانه والله قصيتي كثير
تدرون وش قالت
انا مااعرف اقص لو اني اعرف اقص الشعر كان قصيته الى هنا << وتأشر على اذنها :(
بس لو انتم مكاني وش بتسوون بكل صراحه :44:
الله يسامح امي على انها ربتني على الادب والذوق اللي ماله سنع ومعنى:(:06:
أزهار 2009 @azhar_2009
محررة
يلزم عليك تسجيل الدخول أولًا لكتابة تعليق.
(نوووشه)
•
يـــــــــا وقاحتها قسم بالله
وش تحس فيه مثلا؟
انتي الله يهديك اول ماقالتلك عين وعين كان قلتي اذا قريت عليها مراح يجيها شي ان شاء الله
بصراااااحه تقهر واللي يقهر زووود انهـــــــا ماعتذرت ابد واسلوبها مو حلو الله لا يبلانا
بمثل هالاشكال
وش تحس فيه مثلا؟
انتي الله يهديك اول ماقالتلك عين وعين كان قلتي اذا قريت عليها مراح يجيها شي ان شاء الله
بصراااااحه تقهر واللي يقهر زووود انهـــــــا ماعتذرت ابد واسلوبها مو حلو الله لا يبلانا
بمثل هالاشكال
حوااء-22
•
والله شي يزعل الله يهديها
لو مكانك وعندها بنت رحت وقصيت شعرها
عاد اخاف على بنتها من العين شسوي !!
لو مكانك وعندها بنت رحت وقصيت شعرها
عاد اخاف على بنتها من العين شسوي !!
الصفحة الأخيرة
يوووووووووه
وربي رفعة ضغط
مدري الصراحة وش اقول
الله يهديها وش حارق رزها ؟
لكن خلينا ننظر من جهة ثانية
اذا (العمة )ماهي من النوع الملقوف عادتآ...فيمكن هي سمعت احد يحكي عن بنتك وعن شعرها وخافت عليها
ولاتبي تعلمك عشان لاتصير حساسيات بينك وبين هالحرمة اللي سمعت منها حكي
اما اذا هي حشرية على الطالع والنازل .والله يبيلك وقفه جاااادة معها..لكن بلين
عشان تعرف حدودها..وترى الادب والذوق حاجة جميله ..لكن هذا مو سبب يخليك سلبية؟؟
وطلبي من الله التيسير..وان يسدد كلامك من غير ما تأذينها بالحكي
:26:
أشياء إذا ذكرتها هانت عليك مصيبتك
أن تذكر أن كل شيء بقضاء وقدر ,وأن الجزع لا يرد القضاء وأن ما أنت فيه
أخف مما هو أكبر منه, وأن ما بقي لك أكثر مما أخذ منك , وأن لكل قدر حكمة
لو علمتها لرأيت المصيبة هي عين النعمة , وأن كل مصيبة للمؤمن لا تخلو من
ثواب ومغفرة أو تمحيص أو رفعة شأن أو دفع بلاء وما عند الله خير وأبقى