أسألكم بالله مو من حقي أعيش

السلام عليكم ورحمة الله وبركاته
أدخل بالموضوع ع طول 
أسألكم بالله أن تحطين نفسك مكاني تأملي مع نفسك دقيقه وعيشي وضعي وبعدها علقي
لاتنظرين للمثاليه انا بشر بنت صغيره ومن حقي أعيش أبسط حقوقي
متزوجه وعندي ولدييين زوجي تعجزين وتعجز الكلمات تصفين شخصيته بإختصار غريب غريب جدا وبتعرفين من خلال كلامي
اللحين زوجي راتبه 17 الف ريال لا ديون ولاقروض ولا اي التزام يالله من فضلك ولا تقولون يمكن عنده شي متأكده تمام التأكد من خلال ست سنوات زواج 
في البدايه سكني في شقه غرفتين أصغر غرفتين ممكن تتخيلينها واجار سكت السنه الأولى طلبته نغيرها في شقه أوسع رفض ومبررات ومدري ايش    من حقي اتوسع من حقي أتنفس سكت لين راعي العماره بنا لسواقه غرفه جدار غرفتي بجدار غرفته قسم بالله والله يشهد ع كلامي اسمع كل شي يسويه كانه معي حتى وهو في الحمام قسما بالله الله يكرم صحت تكلمت بالطيب بكل الطرق رافض يطلع نفسي افهم ليه مدري إتق الله خاف ربك راتبك كبير ومسكني في هذا المكان بالله مو حرام عليه انا وش طلبت فهموني صرت أحاول أقنعه ناخذ شقه ملك تقسيط ألفين ريال بالشهر وملك ومرتبه عشر سنين منتهين تقسيط نمسك راس مالها نفتك من الاجار خاف ربك دامك تقدر ورافض نهائي وكأني أتكلم مع جدارن قسما بالله ثلاث سنين وانا والأسواق كأننا في غرفه وحده شقه صغيره مقرفه من كل ناحيه وبعد الثلاث السنين طلعنا منها وربي هذاك اليوم انطنط من الفرح كاني طفله انط كانه مطلعني من سجن حقدت عليه زود ثلاث سنين يالظالم بها المكان سكنت بدور الحمدلله وماصدقت يوافق يوم مع الوقت انقهرت من الاجار كل سنه قهر ع الفلوس الضايعه وارجع اتطلب يحفظ فلوسه بملك وربي يقدر ياناس 17 الف ضايعه كل شهر وربي ضايعه بيت يلمنا ويلم أولادك ليش الامبالاه ليش التأجيل كل شي غلي وبيغلى وبيغلى أمرت وافهم ليش مو حرام تشوفين قدامك آلاف تطير يمين وشمال ع الفاضي مو حرام اشوف الناس ببيوت ملك رواتبهم عشر آلاف وحنا مشحططين ببيوت الناس مو حرام افهمووووووووني ولاحياة لمن ينادي لامبالاه طيب افهم اذا مافكر نستقر اللحين متى افهم لايجمع ولايحفظ الفلوس ضياع بضياع لامبالاة عنااااد رحت لابوي يقنعه وتكفل أبوي يدفع عربون هو وزوجي يكمل التقسيط تخيلوا يناس في احد يجيه لين عنده وهو رافض مابغى وماحد له دخل سكتت وقلت كيفك وابوي قال كيفه براحته ندور الخير وبتمر السنين ويندم 
هذا الموضوع وقفلت عليه سيارته ياناس حسوا فيني خرده بشعه فيه واحد عنده راتب بهذا الحجم وهذا سيارته ليش وربي بابا السواق مكسور للدم احد يفتح لي من برا خرده بشعه وربي لاوقفت كلا يستغرب لان الكل يعرف وظيفته كبيره مايستحي من احد مايخجل مايستحي مني عياله يطلبونه  بابا نبغى هذي السياره مثل عمي ومثل جدي ولى عنده بدون إحساس معقد طيب ليش يحرمنا ويحرم نفسه نتهنى الرسول قال البيت الواسع والمركب المريح تكلمت طلبت ترجيت زعلت خاف ربك خاف ربك ولاحياة لمن تنادي انقلعي لاتتدخلين كيفي ماابغى انا واثق في نفسي وش دخل الثقه انا ماقلت اخر موديل سياره نظيفه زينه بس ماقلت لي وبإسمي تراها لك من حقنا يعطيني ظهره وسكت وانطميت وتحملت الخرابه هذي وصرت اكثر الأحيان يوصلني أخوي اي مكان علشان افتك من سيارته 
الشي الثالث سفر ياناس سفر ياعالم يوم واحد يوم وربي اي مكان راضيه ماطلبت أوربا ماطلب امريكا عمره بس مكه أشوفها بس ولاحياة لمن تنادي ست سنين ماوداني مكان أسألكم بالله مو من حقي ليش انا وش سويت انا وش غلطت فيه أنحرم من ابسط شي مكه مكه بس اشوف الكعبه راتبك يودي عشر اسر ورده ماعندي اللحين مو لازم تروحين ايوه عينك ع الناس يالمشفوحه أهلي أودعهم بالمطار وانا قلبي يتقطع أودعهم بالسنه خمس مرات ومايستحي ولا قال ارحمها استحي من أبوها اوديها المدينه او مكه ماطلبت شي وهو كل سنه عذر أعذار تفشل تعبت تعبت تعبت محرومه وش استفدت وربي او اخذت واحد راتبه الف ريال ان يمكن حالي افضل ليش كذا 
بتقولون بخيل
لأسف الشديد والله مايمد للبخل باي صله تقولون كيف
1- يشتري مكسرات وأكل من كل نوع ومن كل زين والغالي طبعا علشان نفسه ويملي بطنه 
2- يوزع هدايا ع أهله او أهلي من كل غالي كل سنه
3- الثياب يفصل من أجود الأنواع
4- ملابسي للعيد ولعياله مايتاخر واصلا واجب عليه
5- لو احد طلبه فلوس يعطي
6- يشتري لعياله ألعاب لو يطلبون اخر الليل او كل يوم عادي
يعني مو بخيل من الاخير
طلبته انا أمسك فلوسه وارتبها ماله الا الرضا رفض. وسبني
طلبته يعطيني مصروف خاص كل شهر وقلت انا بوفر منه لسفر رفض نهائي 
مبدأه هو الرجال ويصرف فلوسه ع كيفه ومالي دخل 
طيب من حقي انا وعياله بعيشنا عيشه زينه صح 
ليش محرومه ليش
لعلمكم وربي يشهد علي ان افضل طباخه بالمنطقه معروفه باكلي اسوي ليه كل الأصناف وربي حتى مايعرف اسمها يوميا من غير ملل
البيت ارتبه وادخله جو يعيش في عالم كل يوم من غير ملل
الشكل والنظافه والترتيب يشهد علي الله اني مميزه ومو كامله والكامل وجهه الله وحده
ومو مقصره واسوي أشياء تسعده يطول فيها الكلام
طبعا تصرفاته الغريبه غير مبرر فيها
ولعلمكم فوق هذا لسان طويل وقذف وسب ولعن يوم بعد يوم وع ولاشي 
سكتت سكتت وانا الآن طفح فيني الكيل
وأهلي شايفين كل شي 
وزعلوا مره مره 
وانا عندهم الآن ولاافكر اروح له او ارجع الا بشروطي اللي هي سياره وسفر كل سنه لو عمره راضيه مع ان من حقي أسافر وأدور العالم
ويلم لسانه ويحترمني ويقدرني أمام شهود
وانا الحمدلله مرتاحه في بيت أهلي ووجوده وعدمه واحد أهلي يحجزون لي هذي الأيام لي ولعيالي يودوني أتنفس وأشوف الحياه واعتمر يعني من الاخير مرفهه ولله الحمد
يارجال يعزني ويقدرني ويعيشني عيشه هنيه دامه قادر 
او اجلس عند أهلي جعل يومي قبل يومهم
مو من حقي ؟؟؟؟