السلام عليكم اختي الغاليه انتي سالتينا بالله وانا باجاوبك حسب مااشوفه يريح ضميري انا معاك في بعض الامور وضدك ببعضها اولا انتي معاك حق تبون تسافرون وتغيرون جو وخصوصا هو سندكم الوحيد بس حبيبتي على اي اساس خططتوا انتي واختك على جده ومكه او ابها هل شاورتوا اخوكي قبل او بتمشونه على كيفكم يمكن هالنقطه ماتعجبه فيك وهي اللي تنفره منكم حبيتي لازم تفهمين ان اخوك رجال متزوج ويبي يعيش حياته بسعاده مثل ماراح تتزوجون ان شاء الله وتعيشون حياتكم يعني لازم يحس باستقلاليته مااحد يحسبله كم مره تروح زوجته لاهلها وكم مره يسفرها ووش يلبسها ووش يخليها تجيب لاهلها هدايا وبكم ووين يمشيها وكيف يعاملها ترى الرجال بطفش من التدخلات لو من بعيد حياته وهو حر فيها رجال ويعرف يتصرف مع مرته حسب ظروفه ومزاجه واما انك تعتبرينها غاسله مخه مالك حق في الكلمه مهما صار بالنهايه هذا خطا اخوك وخطا امك قبله عودته ماعليه منكم ابد لما نساكم او تناساكم يعني مافيها شي لو امك تقوله جزاك الله خير ياوليدي اخواتك نفسهم يسافرون لو مره يأخذون عمره ان حصلك العطله الجايه تسفرهم الله يرضى عليك ومن هالكلام بس مو الحين عشان مايكثر الكلام قبل العطله الجايه بفتره وبالنسبه انه مشى وماعلمكم هذه يمكن لامك حق تزعل شوي بس لاتكبيرينها برأسها اللي صار صار الشكوى لله وماتدرين وش ظروفه يمكن استحى يقولكم ولا ياخذكم معاه ولا يقدر ماديا ياخذكم كلكم او يمكن كان ليسافر لحاله او مع اخوياه ونشبت فيه زوجته تروح معاه ولو قالتله اهلك معانا يرفض حتى هي تروح لانه مايقدر ماديا ويمكن جت فجاه السفره ماخططولها مشي يغيرون جو يومين الشرقيه وهونوا وكملوا علي دبي او يمكن قال الشرقيه عشان ماتشيل الوالده هم وانشغل وبعدين جت زوجته وعلمتكم عشات ماتدرون من الناس وتحز يخاطركم وجالت هديه لامك جزأها الله خير مهنا كانت قيمتها الهديه مو بقيمتها الهديه تعبير عن التقدير وهي قدرت امكم ماقصرت بنت الناس وبعدين وش عرفك انها محمله السياره هدايا لاهلها بالالاف انتي تراقبينهم والا وش السالفه ماعليكي من احد من راقب الناس مات هما احمدي ربك على الصحه والعافيه وادعي ربي يحفظلكم امكم ويعوضكم دنيا واخره ويهني اخوك وزوجته في حياتهم ويبعد عن قلبك الغيره لانها تفتح باب للحسد
بالعكس المفروض تنبسطين لأي شي يسعد اخوك وانتي احسبيله الحسنات وانسي السيئات مافي احد كامل واللي خلقكم مو مضيعكم وهو اللي بيرزقكم ويسعدكم مو اخوك ولا زوجته وبكره ان شاء الله لاتزوجتي بتذكريني كلامي كيف الوحده تبي تعيش بسعاده واستقلاليه هي وزوجها ومهما كان عيوبه يظل اخوك الوحيد والله لايخليكم منه تحملوا عشان ماتنفرونه منكم ويبدى يتنحش منكم لاقدر الله  

ياقلبي اطلبي الله العوض وبكره ربي بيجازيها بنفس طبعها وعمايلها واخوك كمان بيلاقي جزاه في إللي يسويه في امه وفيكم لاتنسي تدعي ربك يسخر لكم اخوكم ويرده لكم رداً جميلا ويهدي مرته ويكفيكم شرها واهم شيء في الموضوع الوالده ادعيلها في سهام الليل الله يحنن قلب اخوكم عليها ويرزقكم ازواج يخافو الله فيكم ويكونو عون لكم على بر والدتكم وانتبهي تتشمتي بمرت اخوك عشان ربي لايبلاك بقلب مثل قلبها هي واخوك 000ويارب نسمع في موضوعك الثاني اخبار حلوه عنكم يااااارب

اسفه على الاخطاء ماعرفت اعدل من الجوال معلق
وكنت باقولك ياقلبي سوري اذا قسيت شوي بكلامي انا عارفه انك كنتي بتفضفضين بس انتي سالتينا بالله وانا قلت رائيي بصراحه كامله عشان مصلحتك والله ابي ابينلك وجهة النظر من كل الاطراف وأبي كلامي يفيدك ماابي يضيق صدرك وادري ان في كلام قلته يمكن مو صحيح ولك وجهه نظر فيه بس بابينلك ان الناس مالها الا الظاهر ويمكن يحكمون غلط بحقك مثل مايمكن انتم حكمتم غلط بحق اخوك وزوجته وان زعلك كلامي انا اعتذر من الحين وعموما انا أطول ماادخل المنتدى فيمكن مااراجع كلامك بعدين بس أتمني تتقبلين كلامي بصدر رحب وتنسين المواقف اللي صارتلك لان الدنيا فانيه ماتسوى والله ربي يعوضك بالجنه يارب

لو محلك بنجلط بالرغم من اني متزوجه وبالرغم ان اخوي مو متزوج الله يوفقه باللي تداري خاطر اهله

العيب في ابو الشباب ولا هي عليها السلام ماعليها حسوفه


انتي وامك كلموه وقولوا له من كثرنا يومك مستكثر علينا روحه. لاي مكان ؟


بصراحه انا مرت اخوي المستقبليه على عيني وعلى راسي وكل خواتي يقولون ههذا الكلام بس مسالة انها تبعد ولدنا منا بكل سهوله بنوقف ضدهاااااااا وضده

شوفي حبيبتي انتي مكبره الموضوع حبتين

مدام اخوك مو مقصر معاكم وداير باله عليكم

وموفرلكم طلباتكم خلاص قولي الحمدلله في اخوان والله مايدروا عن اهلهم ابدا

اما سالفه السفر كان مفروض انكم اعطيتوه خبر قبلها بشهر على الاقل عشان يرتب نفسه

وترا من حقه يسافر هو وزوجته اي مكان وبدون ماياخذكم اي سفره

اكيد حاب ياخذ راحته مع زوجته وينبسطوا

انتي لما تتزوجي مستحيل حترضي كل سفره يروحوا اهل زوجك معاك !!

بعدين صراحه زوجه اخوك ماقصرت افتكرت امك بهديه حتى لو انها رخيصه

والله يرزقك انتي واختك بالازواج الصالحين اللي يغنوكم اخوك