ياقلبي انت واختك وامك لا تزعلون ولا تضيقون وعسى ربي يعوضكم باللي يجبر بخاطركم
بس لا تزعلين مني الخطا من اخوك !!! وزوجته امرأه والمرأه ناقصه عقل ودين وهذا طبع الحريم كلهم وانت قلتيها واذا بتشرهون على احد فالشرهه على اخوك وخاصه انه وحيدكم والمفروض يحط امك في مقامها ويحط لها مكانه قبل زوجته بالذات هي انتو بيجيكم نصيبكم وعسى ربي يوفقكم لكن هي وش بيكون حالها !؟
اسأل الله يحنن قلبه عليكم

السلام عليكم ورحمه الله

قالوا ليش عمك مايكسيك قال عمي يشوفني

يعني لو اخوك فيه احساس كان مايحتاج تذكرونه انه مالكم الا هو

المهم انا مثلك كنت يتيمه بس يتيمه الام اسوءصح

بس والله العظيم عمري ماشرهت على اخواني اوحريمهم

رغم انهم والشهاده لله لويروحون للسوبرماركت كلموني اجي معهم

بس انا كذا قناعه من نفسي ما احب احد يتفضل علي وايش يعني سفر

ويش يعني ملاهي وكنوا يسافرو دول عربيه واجنبيه ويشحدوني شحده

ولا عمري فكرت مره وحده رحت مع اخوي الكبير مكه اعتمر لمي الله يرحمها

وحزنت اني خليت ابوي لوحده

وانا بس كنت انا وابوي واخوي الصغيربالبيت ,وترابابا مايشوف زين يعنيي مشاوير قريبه بس

بس الحمد لله عمري مانظرت اللي مع الناس ازهد بما عند الناس تكن اغنى الناس

واللي مثل وضعك انت واختك اشوف حتى لويسافرفيكم اخوك بيكون فيها منه

ويمكن تكوننون ثقال على قلب زوجه اخوك ويطفشونكم ويخلونكم تتمنون انكم ماطلعتوا

بس لو مصرات على السفر خلي امك تكلم اخوك وتقوله البنات يبغن يسافرن فرغ نفسك
وتشوف ايش بيكون رده شايف امك ساكته قام غسل يده

يظهري والعلم عند الله امك طيبه اوشخصيتها ضعيفه هذا ولدها تعبها ليش مايشاورها

قبل يروح اي مكان المفروض تزعل منه ويصير لها موقف


كمان لك خوات متزوجات اذا لهن عيال سافروا معاهم وتونسوا وخلو اخوكم دام مافيه خير


والحمد لله دامكم مقتدرين وبالرياض لموزينات واسواق وتقدرون تحجزون اي مدينه


والله خالتي وبناتها عايشين حياتهم لو بالنقل الجماعي يدبرون انفسهم ولايذلون نفسهم لحد

والله الله بالصبر والله عوضني بالصبر كل خيروبشرك الحين السفرطلع مع خشمي الحمد لله

وقولي لزوجه اخوك لا تحسبها تبي تبتل قمرا وربيع ولابد يجي يوم يندم الظالم


والله يخليلكم امكم ويطول في عمرها

طز فيه هو وزوجته

سافري انتي واخواتك وامك سفرة بناتية وانبسطوا واشتروا كل اللي بخاطركم

ما وقفت الدنيا على رجال

ليش ماتكلمونه ..
ترى مافيها شي اخوكم وله حق عليكم

الله يشرح صدرك وييسر امرك ويرزقك من فضله اللهم آميـــــــــن

ياحبيبتي سامحيهم لله ولا تزعلين منهم ولا تحقدبن عليهم
حتى لو استفزتك بتصرفاتها اصبري و ادعي لهم بالهدايه الله يعوضك ويشرح صدرك
قال الرسول صلى الله عليه وسلم قال: ما نقصت صدقة من مال وما زاد الله عبداً بعفو إلا عزاً وما تواضع أحدٌ لله إلا رفعه الله )
و يقول الرسول صلى الله عليه وسلم :" أحب الأعمال إلى الله عز وجل سرور تدخله على مسلم أو تكشف عنه كربة أو تطرد عنه جوعا أو تقضي عنه دينا "
فما بالك اذا ادخلتي السرور على امك
حاولي اسعاد امك وبري بها
وفقك الله لما يحب ويرضى ورزقك السعادة في الدنيا والآخرة