أسألو المجرب؟؟

أهنيك اختي على هالرشاقة وان شاء على الدوم يارب بس حبيت أقول كم المدة اللي جلست فيها تمشين لين وصلتي للوزن اللي تبغينه ..

ومشكورة ..

طبعا أهم شي إني أذكر المدة التي نفصت فيها هذي الكيلوات لأن ن هذا يهمنا كثيرا وبما أنك سألتي يا أخت افياء عن المدة فأنا نقصتهم خلال عشرين يوم فقط وعقبال كل من يعاني السمنه أن يتخلص منها نهائيا

ما شاء الهله عليكي عيني عليكي بارده .

اهنئك اختى عطر البوادى على تجربتك الناجحه مع المشى
وفعلآ مالاحظته انا ان المشى المنتظم يساعد على تناسق الجسم
اما اذا صاحب ذلك رجيم صحى فالنتيجه اسرع ......
وماشاء الله عليك ...وياليت الكل يعرف قيمة هذا الكنز المهمل

وودي أقولكم أن الأرادة أهم شي إذا كنتي عزمتي على عمل شي وأنا حصل لي موقف طريف لكن يثبت أن بالإرادة يصل الإنسان لمبتغاه.... لما فكرت إني أمشي أشتريت لي ميزان حتى أشوف وزني كل أسبوع فلما أنقضى الأسبوع الأول قست وزني وشفته مثل ماهو ما تغير قلت يمكن للحين ما بدا مفعول المشي ونفس الشي أنقضى الأسبوع الثاني وما نزلت ولا كيلو لكن كل من يشوفني يقول عني ضاعفه وأقولهم ما يصير أنا مانزلت ولا كيلو المهم وصلت الأسبوع الثالث وقست الوزن وشفت إني ناقصه كيلو تحبطت شويه وقلت معقوله بثلاث أسابيع بس أنقص كيلو علما بإني كنت ملاحظه بجسمي بعض التغيرات أنه تناسق عن قبل وبعض ملابسي الضيقه توسعت علي شويه ما أطول عليكم يا خواتي بعد كم يوم من قياسي الأخير رحت الطبيب حتى أعمل بعض الفحوصات للسكر والدم إلى آخره فطلبت مني الدكتوره أنها تشوف وزني وكان بالميزان الألكتروني وطبعا تفاجئت من النتيجه وهي إني ناقصه 5 كيلو مثل ما قلت لكم وطلع أن الميزان اللي شريته خربان والله كانت فرحتي ما توصف ....... ومن هذا الموقف أقولكم لا تيئسون وأستمرو في المشي فإذا كنتي متحمله كم سنه من عمرج السمنه ما تقدرين تتحملين كم شهر حتى توصلين للجسم المثالي ترى والله أجسامنا تستحق منا المثابره والرعايه والإهتمام وتمنياتي لكم بالتوفيق