أسئلة تبحث عن أجوبة ...!!

بنات الله يرضى عليكم اللي تقدر تفيدني أكون لها شاكرة ..

في بالي كثير أفكار وذهني مشوش فاعذروني لو كانت الأفكار متداخلة وما عرضت اللي أبيه بشكل متسلسل ..
لكن ان شاء الله بتكون واضحة لكم رغم الفوضى في الطرح ..

أخواتي .. بالنسبة للسحر المرشوش .. اذا عرفت مكانه كيف أرشه بالرقية وكم مرة ويوم وهل ضروري يكون اللي يرشه متحصن ؟؟ وفي أو وقت بالضبط من اليوم وإلا مو مهم خصوصا اذا عرفنا انه على عتبة الباب برى ف بالشارع ..

الشيء الثاني .. هل الرقية بنية الشفاء والتدهين بزيت وغيره ممكن يأثر على الحامل ... سواء كان اللي فيها عين أو سحر ..؟


أيضا .. ممكن نحصل السحر في البيت رغم عدم تحصينه أو أهل البيت ؟؟ تعرفون اذا بيتك ما نقدرين تسيطرين عليا وعلى اللي فيه وشلون عاد اذا صار مو بيتك !


أبي تذكرون لي اللي يجزء من الأذكار اللي ممكن يتحصن بها الشخص بشكل يومي ..
( الأذكار كثيرة لكن أبي اللي يجزء منها ويغني عن غيره )
لأنه صعب على البعض الالتزام بكل أو أكثر الأذكار والأدعية اللي وردت لنفس الفعل خصوصا مع عدم حفظها .. مثال للتوضيح .. أذكار النوم كثيرة .. لكن ممكن يغني بعضها عن البقية .. يعني أكتفي بأثنين أحفظهم وأكررهم كل يوم وما أضطر أفتح كتاب الأذكار أقراه من أوله لآخره ...

مدري فهمتوا هالنقطة أو لا ؟؟


هذا اللي في بالي الآن .. وتسلم كل وحدة تفيدني .