أسئلة لكل الي جربوا العملية القيصرية

حبيت موضوعك صراحه
س1= انفصلت المشيمه ونزلت قبل الجنين وانا ماصارلي الا اسبوع في الشهر التاسع طبعا كان التخدير كامل
س2=ملفيه اكلات منعوني عنها بس
الاعراض اكيد الم الجرح وكانت نفسيتي وقتها عدم لانها كانت اول ولاده لي وكان فيها صراحه ماساه مره
واتبعت نظام فيافي في النفاس
مشكلتي مع الجرح انو جسمي اتلحم على خيط العمليه وتخيلي افتحتلي العمليه 3سانتي بدون بنج
طبعا البيبي ماقدرت اهتم فيه عندي الشغاله وامي الله يخليها لي
بلنسبه للوزن مازاد وقت الحمل الا 5 كيلو وفقده بسرعه من الحاله النفسيه
ولحمامات حقت الجسم بعد النفاس سويتها عادي وبعد السفر بعد النفاس
عمليتي كانت من 4 سنوات
وانا الان حامل بلشهر الاول ونسيتي دمااااااااااااااااااااااااااااااااااااااااااااااااااااااااااااااااااااااااااااااااااااار

هلا حبوبه الله يهون عليك بالسلامه ان شاءالله

بالنسبة لي انا خلصت الشهر التاسع .. وماكنت ابي طلق صناعي وعملوا لي تخدير كامل

طبعا العملية صعبه الحمدالله على كل شي ومافي شي سهل بالولاده لكن بالنسبة لي تبقى اسهل من الطبيعي لان ولادتي الاولى كانت طبيعي ومرره صعبه الله يااجرنا ..

الاكل كانت ولادتي بالشتاء فكان كل اكلي ثقيل .. ومانزل وزني بسرعه عكس بطفلي الاول .. و اتوقع هالشي راجع لطبيعة كل وحده
طبعا بعد العملية الحركه تكون مرره صعبه بالذااات اول قومه .. الموت الحممرر .. وبعدها يكون في الم لكن تقدري تتحمليه اذا ماكنتي خوافه .. بعد 3 اسابيع ممكن انك تقومي وتتحركي عادي لكن بحذر تتحممي بعد 3 او 4 ايام

والجرح انا كان كبس مو خياطه .. وكان يطلع منه مثل الدم شوي مرره والحمدالله طلع الوضع عادي مافي اي شي الحمدالله والتئم عادي

عملت حمام مغربي نهاية الاربعين امممممممم وايش كمان

ايه انا ولدي عمره سنه وثمانيه شهور حبيبي صغييييييير لكن الحمدالله والدكتوره قالت عادي

الله يهون عليكي ويقومك بسلامة

اهلين حبيبتي والله يقومك بالسلامه ويحسن خلقه ويهون طلقه هذا اهم شيء:)
وش السبب الي خلاهم يسوون لك العملية؟
اول شيء الحمد لله على كل حال والسبب اول شيء انا خلصت التاسع وحددتي الدكتوره موعد الطلق الصناعي وانا بكريه ولا ادري وشو الطلق الصنااااعي طلع مووووووووووووت الله يثيبنا من 8 الصباح الى 11 في الليل وانا اطلق يززيد الطلق وصل 90والرحم مايستجيب مافتح الا 3ونص بالاخير قالت الدكتوره لازم عمليه ان الراس نازل للحوض وكل شيء تماام بس جاااي من ورى يعني زي الي موطي راسي مررره يعني صايرالي تكون اكبر من مطقه في الراس اتمنى عرفتيها فمستحيل يطلع ممهما دفع ماراح يقدر يطلع
وش التخدير الي استخدموه عام او نصفي؟
تخدير كامل.
هل فيه أكلات معينة امتنعتي عنها بسبب العملية؟
لا والحمد لله بس تكونينن تعبانه مو مشتهيه شي انتي تتوقعينها مثل الكسر لاتاكل عشاان يجبرر لالا مايمنعونك من شيء
الأعراض الي حسيتي فيها بعد العملية؟ وكيف نظامك بالنفاس؟وحركتك؟
شوفي انا مابغى اخوفك بس عشان اذا تعرضتي لشيء تقولين طبيعي مار على غيري انا صحيت من البنج من صووت صيااااااحي كنت اصيح بقووه من الم الجررح الام نااااااااار كنت بطنننننننننننني وكانت عندي ممرضه عند راسي جالسه وكانت توريني قوارير المسكن مع الوريد تقولي خلااص مدام مانقدر نعطيك زيااده بعدين ارجع اناام واصحى وعيد الكلام ولا اتذكر ردو علي ولا لا ماقدر اتكلم ولا اركز ومدري عن شيء وقولهم ولدت ولا لا اذا صحيت ومدري وش يردون عشان ارجع اناام من جد وضع البنج مزززري ويستكر الالم تكونين على مسكناات وادوويه وملين واول يومين بعد العمليه لازم يمشوونك اذا جو يقومونك عذااااااااااب تقولين خلاااص موب راجعه لحياتي الطبيعيه تمشين راكعه والنفس يرووح وحتى دورة المياه لازم معاك احد بس كلها فتيرره وتعدي الى 20 يوم تقريبا تصيرين احسن شووي بس مو مره طبيعيه يادوب شهررين...وضعي بالنفااس يعينك ربي صح الحركه صعبه ماتقدرين تكونين لحالك ابد ابد ابد انا كانت معاي اختي يالبى قلبها وانا الحين لي سنتين ومكان الجرح احس فيه اذا تمغطت وانا باستمرار اغسله بصاابونة ديتوول واعقمه بمسحه طبيه يعني الزبده حبيبتي اذا هم مقررين لك عمليه توكلي على الله بس لايكون انتي زي العالم الي تختاررهاا انتبهي انتي تختارينهاا ...يكفي الطبيعي سااعات وينتهي كل شيء صح الم بس اذا طول يومين والحين مع ابرة الظهر مايدرون عن شيء والله كلن يهون عليه.
هل فيه مشاكل مع الجرح؟ ومتى إلتأم؟
لا والله الحمد كلها اشيااء طبيعيه في البداايه يمنعوونك من الموويه الى ماتتاكد الدكتوره ان الجررح تمام بعدين تعطيك كريم ومسحات وتقول استخدميها ينزل منه اشيااء بس تقول الدكتوره في البداايه طبيعي وافضلك نقعي مرره بقاروه وخليها في الحماام وكل مادخلتي بعد مايسمحون في الموويه للجرح امسحي عليه ممتازه بأذن الله تساعد على خيااطته وتبعد الشمم وبعد والخوى جوو ممتازز...ومتى التأم يبغى له ووقت.
كيف تخلصتي من الوزن الزايد تبع الحمل والكرش؟
اتوقع يختلف من وحده لوحده بس يمنعوونك من المشدات والاحززمه والتمارين الى بعد شهر الظااهر بس يعطوونك ورقه فيها تعليمات كاامله.
وش المشاكل الي واجهتيها؟ تقدرين تتحركين طبيعي وتمشين وتسافرين وتشتغلين وتهتمين بالنونو؟
في البداايه(يعني اول اربع اياام وانتي في المستشفى) ماتقدرين تسووين شيء حتى نومتك على ظههرك ماتقدرين تلفين على جنب الا بمساااعده.وبعدهاا تخف شووي شووي الى بعد الاربعين الحمد لله ترجعين طبيعيه بس تعرفين ياكثر ماتسمعين من كلام لاتشيلين ثقيل لاتتنيوطين ولا ولا يخووفونك ترى ينفتح الجررح.
متى قدرتي تستخدمينالبخار-الحمام المغربي-السونا بعد العملية؟
نهاية النفاااس.
متى قدرتي تسوين رياضة بعد العملية وش نوع الرياضة؟
زي ماقلت انا اتذكر كانو معطيني ورقه المستشفى خاصه بالعمليه انواع الريااضات المسموحه ومتى فيها كل شيء بس انا كسوووله في التمارين ماسويت شيء.
إلى الان تحسين بالم بمكان الجرح؟ (متى كانت عمليتك)
مو ذاك الالم بس تحسين بمكاانه زي اذا (تمغطتي)اذا سويتي رياااضه تحسيني في مكااانه يحرر ينبض واذا احتريتي يحررك اتمنى فهمتي علي:) وعمليتي كانت قبل سنتين.
متى سمحوا لك بالحمل مرة ثانية؟
انا اتذكر اختي سألت الدكتوره قامت تضحك قالت اذا انتي مستعجله عليهاا يمكن بعد 6 شهووور تقدر قالت لا بس بشووف الي عمليه متى يقدرون يحملوون( بس بعد 6 شهوور اكيد بيصير الثاني عمليه)قالت افضل شيء سنتين...
واخيرررررا حبيبتي اتمنى اني افدتك والله اني تكلمت لك بكل حماااااااس ومصداقيه ولا تفكرين فيها كثيررر خلي القدر يمشيهاا:)

اول شي وش السبب الي خلاهم يسوون لك العملية؟
,ولادتي الاول الراس معترض ونزلت الموية وخف نبض الجنين ولادتي الثانية الجنين كان حجم الراس كبير
وش التخدير الي استخدموه عام او نصفي؟
تخدير كامل
هل فيه أكلات معينة امتنعتي عنها بسبب العملية؟
لاابد بس قللي من النبهات القهوة والشاي انا امتنع عنه كليا
الأعراض الي حسيتي فيها بعد العملية؟ وكيف نظامك بالنفاس؟وحركتك؟
الم اسفل البطن مااقدر ارفع ظهري عشرة ايام بالمستشفى حتى فكوا اخياطة وحركتي قليله
هل فيه مشاكل مع الجرح؟ ومتى إلتأم
الحمدلله انا سويت خياطة تجميلية اقل من شبر اسفل البطن(الحده)وكانه ثنية من ثنيات الجسم والتئم بعشرة ايم بس يعتمد على شطارة الدكتور
كيف تخلصتي من الوزن الزايد تبع الحمل والكرش؟
تابعت عند احد المراكز للتغذية
وش المشاكل الي واجهتيها؟ تقدرين تتحركين طبيعي وتمشين وتسافرين وتشتغلين وتهتمين بالنونو؟
الحمدلله تمام قلت لك لازم يكون الدكتور شاطر
متى قدرتي تستخدمين البخار-الحمام المغربي-السونا بعد العملية؟
بعد شهرين
متى قدرتي تسوين رياضة بعد العملية وش نوع الرياضة؟
مشي بعد الاربعين
إلى الان تحسين بالم بمكان الجرح؟ (متى كانت عمليتك)
ايوه لكن الحمدلله على كل حال بس شي بسيط بنتي همرها 6 وولدي عمره4
متى سمحوا لك بالحمل مرة ثانية؟
لازم تروحين لدكتور عشان تتطمنين ممكن تكون فيه الصاقات بالرحم وهو يحدد لك الوقت المناسب حسب حاله الرحم لكن الافضل بعد سنتين