أسئله بالجليتر؟

السلام عليكم
السلام عليكم خواتي ومساكم الله بالخير، شكرا خواتي على اهتمامكم وحرصكم على مساعدة كل من لديه مشكله او استفسار ويزاكم الله خير

عندي سؤال وايد مهم وممتلعوزه وايد مب عارفه من وين اييب الجواب وقريت وايد في الدروس بس ما حصلت جواب والسؤال يقول لنفترض اني نزلت صور مع خلفيه ونسقتهم وبعدين حبيت اكتب بالجليتر علعهم فلازم اسوي نسختين من الكتابة مع تغيير نوع الجليتر لكل واحد انا اعرف اطبق هذا الشي بس مشكلتي لما اسير للامج ردي تطلعلي اللير كامله بالخلفية والصور فلما اسوي الخطوات اللي المطلوبة مب بس الكتابه تتحرك ، الخلفية والصور يتحركن بعد، انا ما ابا الصوره والخلفية يتحركن بس الكتابه بس مب عارفه كيف ....

مع العلم اني لما اطبق الكتابة في ملف بروحه تضبط وتشتغل تمام بس انا اباها مع الصوره مثل تواقيع البنات في المنتدى فيه صور ثابته وكتابه تتحرك...

اتمنى يكون السؤال واضح واتمنى تفيدوني لاني وايد محتاجه اطبقه ... ومن بعد اذنكم عندي كم استفسار ثاني اتمنى تتحملوني واذا فيه روابط ودروس مشروحه بكون ممنونة :

1 - هل يستوي ايكون تأثيرين مختلفين في نفس الوقت مثل الكتابه بالجليتر ونجوم تلمع على الصورة؟ وكيف؟

2 - كيف ممكن اخلي الكتابة فيها لمعة تروح وترد مثل الضوء يبدي من اليمين لليسار وبالعكس؟

3 - هل يستوي اخلي مثلا ورد يتناثر اشوف بنات يخلن قلوب تتساقط فابا اعرف كيف؟

4 - هل يستوي اضيف صوت للبطاقه على الايمج ردي؟ وكيف؟

سامحوني.. ادري اني بثجل عليكم بس انتوا فيكم الخير ..وبصراحة تعبت وانا ادور دروس واذا حصلت يا الصور ما تنفتح (تظهر X) حتى لو اضغط بالرايت كليك بعد ما تفتح او انه الشرح يكون صعب ومب مفهوم ...

وانا محتاجه لها الشي لاني في المكان اللي اشتغل فيه التنافس وايد كبير وماشاء الله الجروب اللي انا فيه ممتازين وانا يديده وابا اثبت وجودي فطرحت فكرة اني اصمم بطاقه الكترونية ونبعثها لعملائنا بالايميل اتكون اجمل واسهل وبتوفر ما لايقل عن 5 الاف درهم ثمن البطاقات المطبوعة... وانا عمري ما اشتغلت على الفوتوشوب بس اتعلمت من الدروس في النت وفهمت الاساسيات تقريبا والحمدلله عندي ذوق في التصميم بس طلعتلي بعض المشاكل اللي ذكرتها واتمنى اقدر افهمها واطبقها ...

سامحوني خواتي ... واذا ما بتقدرون تساعدوني بتفهم ولكم مني كل الشكر والتقدير.