جاكلين13 @gaklyn13

عضوة

أسئله بسيطه عن التأثيث

بنات انا محتاره في التأثيث والمشكله اروح ادور وارجع بدون شي وفوق هذا زوجي معتمد علي لانه طبعا يشوفني الافهم في هذا الشي ....وانا والله متفشله ما اعرف شي احوس بقوه تكفون ساعدوني ........

في البدايه بيتي دورين فوق ثلاث غرف وصاله وتحت مجلس ومقلط وصاله ومطبخ

اوكي نبدا الحين وين الي اخليها غرفة معيشه اقصد الي نجلس فيها دايم الي فوق والا اخذ الي تحت ...وكيف طريقة تاثيث غرفة المعيشه ايش اختار لون...وفيه غرفه زايد فوق قلت باخليها غرفة العاب للاطفال هل ممكن استفيد منها في شي اخر ...

الفرش بنات انا ناويه افرش البيت الدور الي فوق ومحتاره هل اخليه كله لون واحد وانا ناويه على اللون البيج والا اشكله احسن يعني مثلا غرفة الاطفال اخليها لون وش رايكم اذا عندكم لون افضل من البيج الغامق. وهل افرش الدور الارضي والا ماله داعي اخليه سيراميك..

بالنسبه للمكيفات غرفة النوم فيها فتحه مكيف ومكان لمكيف اسبلت ايش اسوي وش اختار نوع التكيف واذا اخترت اسبلت ايش اسوي بالفتحه...

انتر ردودكم بكره باروح اشتري الفرش لازم احدد اللون؟؟؟؟؟؟؟؟؟؟؟؟؟؟

يلزم عليك تسجيل الدخول أولًا لكتابة تعليق.

تسجيل دخول

ياسره • 15 سنة

غرفة المعيشه خليها فوق اريح لكم اذا جاكم ضيوف
غرفة الالعاب انا اشوف انها متنفس الصغار فخليها لهم ولالعابهم
الفرش فوق افرشي الغرف بدون الممرات خليها سيراميك انظف
كل لون ع حسب الاثاث وفيه الوان كثير غير البيج اهم شي لايكون غامق ولا فاتح
ونصيحه خذي الوكيت اللي يجي كل شعره لون هو مكرونه بس مو طويل شعرها عملي للاطفال
ماله داعي يفرش الارضي ابدا
اذا كان موقع بيتك ماعنده ازعاج حطي سبيلت وسدي الفتحه ببلك وحطي مكانها لوحه
وموفقه ان شاء الله

ندىالمطر • 15 سنة

بالنسبة لغرفة المعيشه فوق او تحت..

هذا انت اللي تحددينه..

يعني عندك خدامة..ظيوفك كثار ويجونك على غفلة<< فوق انسب اذا هذي ظروفك..

اما ما عندك خدامة وبتقعدين طالعة نازله بالقهوة وغيرها فالافضل تكون تحت قريبه من المطبخ..

التكييف سبلت افضل..وما يدخل غبار..في حال بتسكر الفتحه ببلك وتليص وتصبغ بنفس لون البوية..

اما اذا بتكتفون بقطعة لوح تسكرون فيها الفتحه.حطي مكيف تدريشة اصرف..

اللي فوق افرشي الغرف فقط مثل ما قالت اللي قبلي..الصالة العلوية خليها سراميك<<اذا هي سراميك اصلا..

والغرفة الزايدة خليها للالعاب وافرشيها موكيت عليه رسومات سكك وشوارع وحدائق..بينبسطون عليها الاولاد وهم يلعبون بالسيارات.

غرفتك البيج حلو لها.. وموشرط يكون مفرشك ايضا بيج..يصلح العنابي..لازم تكسرين الالوان..

غرفة نوم الاطفال.. موكيت سادة مومرسم عليه.. واللون البيج يناسب..ويمشي مع الوردي والسماوي اذا كملتي الديكور..

ام رفد • 15 سنة

فيافي الحلوه • 15 سنة

الله يعينك ابحثي بقوقل وان شاء الله يسهلها ربي وعقبال ماينتهي هم تزيين بيتي لانه من جد هم