أسئله عاجله وطارئه عن مدينة ينبع

هلا اختي واعذريني على التطفل لكن حبيت افيدك باللي اعرفه بحكم اقامتي الحالية فيها لظروف عملي .

السكن .. طبعا ينبع البحر وينبع الصناعية ..
شوفي اختي ..بالنسبة لينبع بوجه عام ابدا يستحيل مقارنتها باي مدينة كبيره مثل جده يعني سكانها قليل وحركة السير والتبضع والحياه فيها سهله جدا وبعيده عن زحمة المدن الاخرى ( يعني مافي زحمة ناس وسيارات ) :)
السكن .. طبعا ينبع البحر الان فيها مخططات كثيره ومساكن حلوه بصراحه لكن بشكل عام تفتقد الخدمات وهالكلام عام لينبع البحر ... ينبع الصناعية .. هدوء قاتل حقيقة .. خدمات رهيبة .. ابعد شي تحتاجينه يكون مشوار 5 دقايق صدقيني
مستشفى كبير وخدمات طبيه جميله .. كل حي يوجد به مركز طبي .. اشياء كثيره .
اسعار السكن ... ينبع البحر ( المخططات الجديده ) الشقه 5 غرف تشطيب ممتاز الايجار تقريبا 17 الف ريال
ينبع الصناعية تختلف ( مساكن الهيئة الملكية - مساكن افراد الشركات ) مساكن الهيئة مشاكلها كثيره وعموما ينبع الصناعية فيها ازمة سكن لاتتخيلينها
عموما .. اذا حبيتي تسكنين فمساكن الهيئة ( 3 غرف صغيره جدا وتجيب الهم ) ايجارها لايقل عن 19 الف ريال
واذا تبين شقه فمساكن افراد الشركات اللي يعرضونها فمكاتب الايجار صدقيني ماراح تلقين اقل من 23 الف ريال

2- احتياجات المعلمات بحكم علاقتي فبعض افراد تعليم البنات هناك لا احتياج وان حصل احتياج فيكون للواسطه النصيب الاكبر .
3- المقارنه بين مدارس ينبع الصناعية وينبع البحر .. فرق الثرى عن الثريا .. ولو حبيتي ارسل لك صورهم ماعندي مانع ... ومدارس الهيئة الملكية تعتبر مدارس نموذجيه من كل النواحي وامكانياتها عالية ومبانيها متطوره جدا


صورة بحيرة مدينة ينبع الصناعية



صورة لبعض مساكن ينبع الصناعية



بعض المدارس بينبع الصناعية
فالاخير اتمنى اختي اني اكون اعطيتك نبذه عن هالمدينه وعسى الله يوفقك