حبيبتي لهلوبه 7......
أنت ما شرحتيلي أكثر ,,,
هل أهملتيه بسبب حلول ضيف جديد للعائله؟؟هل يفتقد أحد من أقاربه ؟؟خادمته؟؟هل نفسيتج تعبانه ؟؟؟مشغوله بعمل ما ؟؟؟

إذا كان طفلج هادئ في بدايه عمره وتحول في السنه الثالثه الى عنادي فإنه إما يفتقد شئ!!أو يحاول أن يثبت وجوده...

إذا كان يثبت وجوده...عليك احتواءه بالحنان والحب ومراعاته (حتى إن كنت في وضع لايحتمل)
والهائه بأشياء أخرى نمي لديه موهبه ما .....المهم أنه يملئ وقته ولا يتسنى له التفكير بشئ أخر (مثلا )الرسم + جمع النقود بطريقه فنيه +التصليح والنجاره(إذا عندج سيكل قديم خربان أو مسجل أو صندوق خضار...خليه يطقطق فيه شوي) + الزراعه ......الخ

مع الحرص أختي انج ما تنتظرين لين تثور نوبة الغضب والعناد ...لا لا لا...بس تشوفين بوادرها على طول قولي له بأسلوب حلو شرايك نزرع ورده حمراءأو نصلح السيكل القديم أسمعه يبكي تايره الخلفي يؤلمه..مسكين... أو تحداني أرسم بورش.وانت لونها..(يعني من هالأسلوب)

...عزيزتي افتخري بأعماله أمامه وعند أبوه وامدحيه...بالطريقه هذي تثبتين له أن موجود وأنك..محتاجته .......وما أوصيك ابتعدي عن الضرب و خليك لطيفه على قد ما تقدرين لأن السن هذا يكّون شخصيته أزرعي فيه الصفات الطيبه والاسلوب الهادئ.

إذا كان يفتقد احد اجلسي معاه ...واشغليه مثل ما ذكرت لج فوق الى أن ينسى وعادة الطفل بهالسن ينسى بسرعه.....إن شاء الله

أذا حل ضيف جديد ... عطيه الاولويه بالاهتمام وخليه يساعدج في بعض الامور حتى يحس انه كبير ومصدر راحةأمه وأنك لا تستغنين عنه....

إذا كان هناك مشاكل عائليه ...أتمنى من كل قلبي أنك تاخذينها وتربطينها بكيس وتخشينها في مكان بعيد عن عين ومسامع ابنك وياليت النقاش يكون بأسلوب العتاب وليس الصراخ!!!
وحاولي على قد ما تقدرين تبينين للولد إنكم في حب وسعاده وتفاهم حتى يحس بالاستقرار.


على العموم عناد الطفل بالسن هذا شئ طبيعي ومن تجاربي ألهيته بالصلاة شريت له مكرفون وسجاده صغيره وعندي رفوف مابيها حطيت له قرأن وكم كتيب ونشاف وغرشة ماء صحه,,,عطيته جو المسجد .....وفهمته انه مطوع مثل اللي يقرا بمكه وأحط له وسائد وراه يعني ناس يصلون وبالهطريقه (عصفورين بحجر)علمته أن كل ما ضاق يتجه لربه وتخلصت من ثورات العناد ترى القران والصلاة تهدئ النفس والله صارلنا كم سنه ولازال ولدي يمثل دور مطوع مكه ...الله يخليه لي

جربي هالطريقه ان شاء الله تفيدج...


وأي استفسار انا حاضره :27:

شكرا حبيبتي ولكن لايوجد ضيف جديد في العائله ولم يفتقد احد لاني لايوجد لدي خادمه ولايوجد مشاكل واضحه امام الاطفال ولله الحمد ولست موظفه وبالعكس مراعيه وجوده هو واخوه الاحظ عليه لفت النتباه بكثره من محاولة تكسير الالعاب ودائما يقول ابكسرها او ترى بخربها قبل التنفيذ يبغى الاهتمام له وحده واخوه لا مع ان اخوه عمره ثمان سنين والي يشوف تعامل اولا دي يقول ماشالله حلو تعاملهم مع بعض وانا ماابغاه يكون اناني لانه حتى اذا تكلم اخوه قام يتكلم معه واسمعوني انا بس مع اني مادلعته بشهادة الجميع وابغاه يحس انه لكل واحد منهم حقه في التعامل ماابغى افرق بينهم لاني مجربه التفرقه ولها نتايجها السلبيه سمعت انه اذا وصل السن الرابعه يتغير الطفل ويبدا الجهاز العصبي عنده وله علا قه بالحركي ماادري يصراحه وشلون اتعامل معه و مشكوره كفيتي ووفيتي على المجهود النافع وانتظر ردك .

أختي لهلوبه 7 لا شك أنك مو مقصره من ناحية واجباتج كأم ,,,,

بس حبيت أوضح لج الحل لكافة الاحتمالات بما انج ما شرحتي ظروف البيت..

.ومثل ما قلت لج الطفل بمرحلة اثبات الذات مو أكثر وهذا شئ طبيعي موجود بغالبية الاطفال بهالسن كل المطلوب منج إنج تحسسينه بوجوده وتزودين معيار الإهتمام فيه شوي بدون مبالغه مع شرح تفصيلي لكل شئ يتسوينه له (مثلا:حبيبي.....لا تتكلم بصوت عالي عشان ما يروح صوتك بعدين كيف أسمعك ..أنت صوتك حلو وأنا أحب أسمع سوالفك)

لو افترضنا أسمه عبدالله
بنقول عبادي أذا سوى شئ زين ,,,,,عبود اذا سوى شئ غلط
(يا قلب ماما ,,,مين اللي كسر اللعبه ؟؟عبود ولا الشيطان)أنا أدري أن عبادي حبيبي ما يسوي كذا!!

.راجعي كلامي بالرد اللي فات..

.طبعا ما راح يجي من أول الكلمات لكن مع الوقت بلين بسرعه وخاصه إذا كان فيه حوافز ومفاجأة..

وأقترح عليج أختي إنج تسوين جدول لأسبوع خصصي ساعات النشاط عنده :
وإذا سوى شئ غلط حطي أكس جدامه مع توضيح السبب ..وإذا سوى شئ زين خليه هو اللي يحط الستكرات (نجوم أو ورود أو أي شئ يحبه) صدقيني الحركه هذي بتجيب مفعول سريع جربيها وردي لي خبر...

طبعا ما أوصيج...عطيه خلفيه عن هالجدول عشان ياخذ حذره وأنت تغاضي عن بعض الاخطاء الصغيره في البدايه وأشملي كل الافعال الحسنه حتى يكون عنده ستكرات كثير ويتأكد أنه ولد شاطر ....وبعدين شدي بالتدريج...

بالانتظارلأي استفسار,,,,

اشكرك ياأم رنادورتاج على مجهودك معي وراح ابدا معه بالجدول وهاليومين باديه معه بالعزل وعلى الله يجيب نتيجه وفقك الله لما يحبه ويرضاه .