أساعدكم و تساعدوني

شلونكم حبيباتي ؟

عندي طلب صغير و أتمنى تساعدوني , بما إني صرت أخصائية جرافولوجي ( تحليل الشخصية عن طريق الكتابة ) أبي من كل وحدة تدش تساعدني وألحين بشرح لكم شلون :

نحتاج : ورقة بيضاء غير مسطرة ( a4) , وقلم أزرق ناشف لازم يكون أزرق و جاف يعني مو سائل .

المقرر : كتبي اللي خاطرج فيه و ركزي على الموضوع اللي قاعدة تكتبينه , مثلا كتبي عن أهدافج أو حياتج أو ذكريات الطفولة , يعني المطلوب تكتبين موضوع و تندمجين فيه أثناء الكتابة , وبنهاية الموضوع توقعين , ولازم يكون توقيعج صارله فترة طويلة يعني مو وليد اللحظة , ويكون من تأليفج إنتي مو اقتراح أحد , وإذا ما عندج توقيع مو مشكلة لا توقعين .

ملاحظة : أرجو الكتابة فيما لا يقل عن عشرة أسطر , وإذا بتكتبين صفحات طويلة يكون أحسن , وتكونين بوضعية صحيحة أثناء الكتابة , يعني مو تسندين على شي غير مريح أثناء الكتابة , ولا تكلفين يعني المطلوب الصدق أثناء الكتابة لا تعدلين خطج أو تزينينه خليج على طبيعتج , أرسلي الخط بعد ماتسوين له مسح ضوئي أو عن طريق الموبايل و رجاء تكون الصورة واضحة .

وأرجو إرساله عالخاص لخصوصيته , لأنه بيكشف جوانب كبيرة من شخصيتج و راح يفيدج التحليل باكتشاف صفات لا تعرفينها عن نفسك .

أتمنى يكون خطج إنتي لأن الموضوع يلزم الأمانة وإذا حللت خط شخص و عطيت النتيجة لغيره يكون غيبة و إحراج أيضا .

على فكرة بهالطريقة بتعرفين مميزاتج وإيجابياتج وشلون تطورينها و تعرفين سلبياتج وشلون تعدلينها .