أساعدهم و انصحهم أو اتركهم و ابتعد عن المشاكل ..محتارة :(

صباح الخير يا احلى حوائيات
انا الحمدلله متزوجة و عايشة مع اهل زوجي و هم طيبين جدا و ماشفت منهم اي مضرة الله يتمم علينا
و البيت خالي تقريبا
في عمي( ابو زوجي )
و خالتي ( ام زوجي )
و 2 بنات ( حموات)
وولد ( حماي ) و ما اشوفه إلا نادرا جدا
انا و زوجي عندنا غرفة و حمام بس مجهزينها بكل شيئ نحتاجه
و حزت الطبخ نطبخ في المطبخ و زوجي يجيب الصحون و كل شيئ لعندي في الغرفة
و يرجعهم المطبخ و قت نخلص
أوقات كثيرة اقعد اسولف مع ام زوجي و هي طيبة وايد
عمرها حوالي 65
إلي لاحظته مايصلون ابدا ابدا
حتى يوم كنت تحت عندهم ابي سجادة وشرشف صلاة
قعدت يمكن 10 قايق تدور في الكبت عشان تطلع لي
و يامى صلوات تفوت و محد يصلي فيهم
ابوه مثل الشيئ
عمره بعد تقريبا 65
و ماشاء الله في قوته
لكن لاصلاة و لاديانة
حتى يوم الجمعة في البيت يقعد
ويدخن بشكل شره جدااا
و يكره اي شيئ له صلة في الدين
الي تعجبت منه إنه خبرني صارله 4 شهور ما تحمم
و مرة قعد سنة كاملة من غير استحمام
و يقول ماتطلع من جسمه ريحة
و ريحة جسمه تشبه الورد
و الكل يجرب منه عشان يشمه
انا طبعا تبطلت عيني من هالسالفة
زوجي سألته عن هالموضوع و خبرني انه يدري بس مايقدر يقول لهم شيئ
اهو الحمدلله يصلي و نظيف جدا
طبعا بيتهم كله مشاكل (الاب مع عياله )
و خلافات توصل لحد مراكز الشرطة
و خاصة مع عياله الكبار و هم طالعين من البيت و متزوجين و مايزورونه ابدا
مادري يا بنات انتو شرايكم بهالوضع ؟؟
بيتهم فيه كتمة غريبة
و ام زوجي تحبني و تسأل عني عشان انزل و اسولف معاها
و مثل الشيئ والده
شرااايكم؟؟؟