أسافر معه بفلوسي أو لاء؟

مرحبا بنات
صباح الخير

أنا محوشة لي كم فلس مخليتهم لوقت الأزمة
عندي عشرة آلاف
وزوجي مديون ومتسلف عشان يعدل لنا الشقة
وبنى لنا غرفة جديدة لأن حملت وضاق علينا المكان
وراتبه يروح في ديونه وفي مصروف يعطي لأهله
وفي حفاظات وحليب وما يبقى منه غير كم مية

أنا من زمان من زمان ما سافرت
حملت و ولدت مرتين وما سافرت مكان
خلاص تعبت نفسيا
وهو مو مقصر لكن مزنوق وما عنده ومديون

أسافر معه بفلوسي؟ لأن عنده إجازة اسبوعين هالشهر
قال انتظري للصيف يمكن يصير معي أسفرك
يقول يمكن يعني كمان مو أكيد
أنتظر للصيف ولا أسافر معه بفلوسي؟
مع العلم ما راح يعوضني فلوس السفرة
لكنه يعطيني مصروف أقدر أحوش منه من جديد