أسالكم بالله تدخلون أنا في حاجه للنصح والأرشاد(معاناة زوجة ثانية)

الأسرة والمجتمع

رغم اني الزوجة الثانية لكني مااعترف بهذا الرقم واشوف نفسي الوحيدة.لاني بكل امانة ماافكر فيها ولا في وجودها في حياتي ولكن:
طلبت من زوجي من بداية الزواج انه مايتكلم عنها قدامي ولا يجيب سيرتي قدامها.وانا مااحمل لها الا كل الخير.
زوجي تزوجي مني بعد سنوات طويلة من الزواج لانه مارزق باطفال.
مشكلتي اللي عجزت اتجاهلها ومكدرة علي حياتي مع زوجي هي زوجته الاخرى.
لما يكون موجود معي تواصل ارسال رسائل على جواله.تتصل على جواله (دقه وحده) وهو معي على فترات متباعدة.
رغم ان زوجي مايفتح جواله علشان يشوف الرسايل قدامي ولا يتصل عليها قدامي وهو معي(والله اعلم) لكن تخيلي انك جالسة مع زوجك والرسايل كل نصف ساعة رسالة؟!!!
وكل نصف ساعة دقه على جوالك!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اعرف انها تحاول خلق مشكلة بيني وبين زوجي وتبغانا ندخل في شجار ويتنكد وهو معي.
انا حاولت اتجاهل بس والله مااقدر اتجاهل نغمة الرسالة ونغمة الاتصال وهو معي.
زوجي يرفض يسكر جواله!!!!!!!!!!!!!!!!!!!!!!!!!!!!!!!!!!!!
انصحوني
احب زوجي
ماابغى مشاكل
ابغى اعيش
انتظر اراءكم واقتراحاتكم جزاكم الله خير.
73
12K

يلزم عليك تسجيل الدخول أولًا لكتابة تعليق.

تسجيل دخول

روحــ لك ـــي
روحــ لك ـــي
طيب أنتي قلتي هي ترسل رسائل وتتصل كل شوي عشان كذا وكذا!!
انتي امرأه مثلها وأكيد عشان هالشي عرفتي سبب اتصالها المستمر
فاعذريها وافهمي انه هالشي طبيعي كل زوجه ثانيه سمعت منها نفس
الشكوى انه الأولى تتصل كل شوي!!! لدرجة اننا صرنا نشوفه وضع
طبيعي

واحمدي ربك وتذكري انه غيرك عايشين في جحيم والسبب انها زوجة
ثانيه .. يعني اللي تتصل فيها الأولى تسبها وتغلط عليها وتتكلم فيها قدام الناس!!

دام كل مشاكلك مع الأولى قضية الأتصال لا تحطينها على بالج وقوليله لا تسكر
الجوال بس حطه صامت عشان لا يوترني لأني احس انها تبغي شي مهم وانك
عشاني قاعد تتطنش وما اقعد معاك مرتاحه!! حطه صامت وانت بنفسك كل شوي
شيك عليه عشان تعرف اذا جاك اتصال مهم أو رسالة مهمه منها!! بدون ما انا
انغث

يعني احس المسألة جداً بسيطه وعاديه لا تديرين لها بال
ايه وبعدين؟!
ايه وبعدين؟!
فيه اتفاق مسبق اختي روحي لك انه مايكون فيه رسايل او اتصال الا لحاجه مهمه.لكن هي ترسل وتتصل بدون حاجه!!!!فهل ارضى بشي انا ممنوعة منه؟!!!!
روحــ لك ـــي
روحــ لك ـــي
اختي ايه وبعدين.. خليني اقولج شي

إذا بحثتي عن اسباب تغثج راح تلقينها كثيييييييييييييييييييييييره
وفي أشياء انفرضت على الشخص بدون ما يخيّر فيها..

تذكري انه الله حرمها من العيال، وانتي إنشاءالله ربي بيرزقج
حطي نفسج مكانها؟ هل هي في وضع يسمح لها اللحين تفكر في شرط
عدم الاتصال؟ هي قاعده بروحها كان زوجها عندها وتتصل فيه متى ما بغت

إذا كان الشرط منها هي واخلت فيه انتي كوني احسن ولا تحطينه على بالج
ولا تحرمين نفسج في نفس الوقت لكن خلي اتصالاتج فيه بحدود مش عشان بس
تردين على اتصالاتها لأنها راح تبدا المشاكل من هني!! من الاتصالات!!

هل انتي صيده سهله وممكن تطيحين في الفخ بسهوله؟

هل انتي مستعده تضحين براحتج النفسيه عشان موضوع اتصال!!

لا تديرين بال تعلمي تعيشين مرتاحه بتعيشين مرتاحه
ولاتحاولين تردين على تصرفاتها بأي تصرفات مماثله
لأنج بتطلعين انتي بالصورة البايخه دايماً في حال انها هي محرومه
من العيال؟ هذا اللي فهمته من كلامج
ام الخمائل
ام الخمائل
روحي لك: بارك الله لك العقل الراجح والتفكير السليم وليس بعد قولك قول......
ايه وبعدين؟!
ايه وبعدين؟!
طيب أنتي قلتي هي ترسل رسائل وتتصل كل شوي عشان كذا وكذا!! انتي امرأه مثلها وأكيد عشان هالشي عرفتي سبب اتصالها المستمر فاعذريها وافهمي انه هالشي طبيعي كل زوجه ثانيه سمعت منها نفس الشكوى انه الأولى تتصل كل شوي!!! لدرجة اننا صرنا نشوفه وضع طبيعي واحمدي ربك وتذكري انه غيرك عايشين في جحيم والسبب انها زوجة ثانيه .. يعني اللي تتصل فيها الأولى تسبها وتغلط عليها وتتكلم فيها قدام الناس!! دام كل مشاكلك مع الأولى قضية الأتصال لا تحطينها على بالج وقوليله لا تسكر الجوال بس حطه صامت عشان لا يوترني لأني احس انها تبغي شي مهم وانك عشاني قاعد تتطنش وما اقعد معاك مرتاحه!! حطه صامت وانت بنفسك كل شوي شيك عليه عشان تعرف اذا جاك اتصال مهم أو رسالة مهمه منها!! بدون ما انا انغث يعني احس المسألة جداً بسيطه وعاديه لا تديرين لها بال
طيب أنتي قلتي هي ترسل رسائل وتتصل كل شوي عشان كذا وكذا!! انتي امرأه مثلها وأكيد عشان هالشي عرفتي...
(دام كل مشاكلك مع الأولى قضية الأتصال لا تحطينها على بالج وقوليله لا تسكر
الجوال بس حطه صامت عشان لا يوترني لأني احس انها تبغي شي مهم وانك
عشاني قاعد تتطنش وما اقعد معاك مرتاحه!! حطه صامت وانت بنفسك كل شوي
شيك عليه عشان تعرف اذا جاك اتصال مهم أو رسالة مهمه منها!! بدون ما انا
انغث)
(هل انتي صيده سهله وممكن تطيحين في الفخ بسهوله؟

هل انتي مستعده تضحين براحتج النفسيه عشان موضوع اتصال!!

لا تديرين بال تعلمي تعيشين مرتاحه بتعيشين مرتاحه
ولاتحاولين تردين على تصرفاتها بأي تصرفات مماثله
لأنج بتطلعين انتي بالصورة البايخه دايماً في حال انها هي محرومه
من العيال؟)

جزاك الله خير اختي وصدقيني كلامك كثير ريحني:26: