<h3>طبعاً آول شي عشان مآ آظلم جميع الرقاهـ .. !
في نقطتين : الاول يفعلها بجهل قد يكون فاهم في الرقية لكن يفعل بعض الاساليب الخاطئة ! ... والاخر يفعلها للنصب والكسب المادي !
- آن يشرب الماء وينفثهـ في وجهـ المريض !
- الخنق
- التكلم مع الجن من ناحيتين : الاول يعلم آنهم كذابين لكن يتكلم معاهم عشان يخلي المريض يصدق عشان المريض يرجع للراقي مرهـ آخرى ويدفع والاخر لايعلم آن الجن كذابين !
- الضرب : معلومة لايعرفها الكثير عند ضرب المريض ..المريض مايشعر بشي.. الجني الي يتأثر ! هذا في حالة تأثرهـ الجني بالقران بشكل شديد (كيف؟ الله اعلم)! لكن متأكد ماراح يصدق هالشي الا قليل ..لكن الضرب لاينفع ابداً ابداً ويضر مستقبلاً في جسد المريض بعد الانتهاء من الرقية ! لذلك الضرب من الاساليب الخاطئة !
- بعض الرقاهـ يكذب على المريض يخليه ينسدح على ظهرهـ ويحط يديه على بطنه ويضغط ويشعر بنبض آو كأنه في قلب ينبض داخل البطن ويوهم المريض آنه مسحور بسبب هذا النبض الي في البطن !
- بعض الرقاهـ يعالج ببلاش ! لكن يجبر المريض على شراء خلطة او اعشاب نبوية بقيمة 300 ولا 500 ريال ! (وانا عن نفسي آشوفهـ نصب) !
- الطريقة في هذا الفيديو ..نافعة وتخفف كثير من الالام ! لكن لازم عند استعمالها (النفث في وجهـ !!) ..بعد النفث على طول الجني ينصرع ليس كما الظاهر في الفيديو بل يتخبط المريض ! .. وأنا مجربها ! لكن بعض الرقاهـ يستخدمها للنصب ممكن يستخدمها في شخص متعافي ويوهمه انه مريض !
- ومن ناحية النفث بشكل عام فهو مهم جداً جداً جداً ..مع آن الكثير يستهزون بالتفال وغير ذلك ! سبحان الله آلي يتمعن في الامر (النفث شي حقيقي شي لايرى بالعين المجردة وله تأثير) !
مثل شبكة واي فاي ولا شبكة الجوال حقيقية موجودة ولها تأثير لكن! لاترى وليست ملموسة ! والامر الاخر النفث نوعان( نفث خير ونفث شر )
وفي احاديث صحيحة وثبتة ان الرسول عليه الصلاة والسلام كان ينفث في يديه ويمسح بهما جسدهـ بعد القراية هذا هو النفث الخير
اما النفث الشر وهو ماذكر في سورة الفلق في قوله سبحانهـ : (ومن شر النفاثات في العقد ) !
وقال الرسول عليه الصلاة والسلام : «مَنْ عَقَدَ عُقْدَةً ثم نَفَثَ فيها فَقدْ سَحَرَ، ومَنْ سَحَرَ فَقَدْ أشرَكَ، ومَن تَعلَّق شيئا وُكِلَ إليهِ» حديث صحيح
الساحر لمن يتفق مع الشياطين وكل شي ! الشياطين الموكلة بالسحر او كمايسمونهم الخدام يدخلون في جسد الساحر .. لمن يعقد العقد الساحر ينفث ... تكون نفثت الساحر ممزوجة بارواح الشياطين ونفسه الخبيثة ! ويتم عقد العقد والامور الباقية اشياء غيبية لانعلم بها ! لكن الاكيد السحر يكون مربوط بالشيطان الموكل بهـ ! هذا هو الشر الي ذكر في الاية !
والنفث ليس كالتفل او النفخ !
نرجع للموضوع الاساسي !
- تغطية العين باليدين ! يظن بعض الرقاهـ ان الجني راح يفقع عين المريض ويخرج ! وهذي من آخبث اساليب الشياطين دايم اقلكم الشياطين اذكياء وخبثاء آلحين اقلكم ليش ! وقد صارت معاي شخصياً
لمن كنت عند الشيخ وهو يقرا علي طبعا هذا الكلام بداية علاجي زمان في اول شهور لي ! المهم الجنية تكلمت : ياشيخ فلان ياشيخ فلان انا اخرج عين انا اخرج من عين !! والشيخ خاف غطى عيني وواصل قراية !
ليش يستخدمون هذا الاسلوب لـ تشتيت الراقي عن القراية ويخوفونهـ عشان يوقف !
عشان كذا اقلكم الشياطين عندهم اساليب خبيثة ! الحمدالله ربي وفقني في معرفتها !
- ومن ناحية المبلغ المالي على الرقية آنا عن نفسي آشوف 100 ريال كحد آقصى فوقها حرام تدفعون ! بعض الرقاهـ 150 ريال اول جلسة والباقي الجلسات 50 ريال وهذا شي جيد !
- عدم لمس المراه ابداً الا اذا كان بعض الاحيان يمسك راسها فقط لاغير للقرائه عليها .. او اذا الجني الي فيها عصب وهاج وقام يضرب الشيخ ..والشيخ يدافع عن نفسهـ فقط لاغير !