أساليب الرقيا الغريبه

السلام عليكم ورحمة الله وبركاته


أخواتي عزيزاتي

الوالده الله يحفظها و يخليها لنا راحت قبل كم يوم لعطار مشهور جداً تشتري أعشاب و أغراض

منه المهم أن العطار مسوي عرض على عشبه طبيه العشبه تكلم عنها جابر القحطاني و أنها ممتازه

لفيتامين د ومن هالحكي طبعاً الوالده بعد قلبي تأخذ كبسولات فيتامين د و كالسيوم من كم سنه

كنوع من الوقايه طبعاً هي راح تأخذه مدى الحياة وهذا المفروض لكل وحده عمرها فوق 40 سنه

سألته الوالده عن العشبه فقام يمدحها كثير ويمدح فوائدها وجلس يتكلم عن مخاطر نقص فيتامين د و

أنه غالباً مرتبط بالمس

و السحر و الأمراض الروحيه و الوالده مو جاهله بهذا المرض لكن أنه مرتبط بسحر أو مس

فهذا شيء أول مره نسمعه نعرف أن الشخص المصاب

بنقص بفيتامين د تصدر عنه بعض التصرفات و السلوكيات الغريبه لكن مو سحر ومس

فوسوس لها و قال لها أنتي فيك نقص فيتامين د واضح من شكل ولون يدينك و غالباً من سحر أو مس

أو عين لأن يدينك فيهم رجفه و صوتك تعبان و قال لها علاجه

شيء بسيط أقرأ عليك و أجمع الجني في أصبع من أصابع رجلك و بالمشرط أقطع شيء بسيط من

طرف أصبعك و أخلي الجني يسيح مع الدم

أخواتي أنا شاكه في الموضوع حتى الوالده مره متضايقه من كلامه معقوله فيه أحد يعرف بالسحر

و المس و العين من لون الجلد و نبرة الصوت ؟ الوالده مسويه تحليل عن فيتامين د وكانت نسبته

طبيعيه ماشاء الله و يكذب ما كد شفت يدها ترجف و لا صوتها غريب ولا إي شيء الحمد لله

يشككنا بأنها مصابه بمرض روحي حياتها طبيعيه تماماً ياربي لك الحمد والشكر

و الله أنا خايفه على الناس منه الوالده متعلمه و فاهمه و ما تمشي عليها هذي الأمور بس قبل

نظلمه حبيت أتأكد إذا فيه هالشيء بطريقة المعالجه لأني ناويه أخبر عنه وعن أساليب علاجه صراحه

خوفني إذا ما مشت علينا ممكن تمشي على غيرنا فيه ناس مريضه حيل وتدور على إي

شيء علشان بس ترتاح