المشكلة انه ماعندها وقت المسكينة اذا كلمتها والناس موجودة تصارخ وتقول فكيني بس والله رافعه ضغطي لان اذاراحنا الجيران وهذا نادراً جداً بناتهم مايخلونها تاخذ حتى علبت المناديل وهي تبسط بغراضها ويعدموها عليها وانا عاملة لها غرفة العاب بابها زجاج سحب مايتقفل والاعاب كثيرة وعاملة لها رفوف فقط بدون دولاب كيف اشيلها وضروري الاطفال يلعبون فيها بس ابغاها تقول لهم لاتخربو العابي والله ماتفهموتكد اذاجو حريم ماتفهم التهديد

نفس مشكلة بنتي لكن انا اختلف عنك انه هي الوحيدة ما عندي غيرها تقلد اي شئ ولما تبغى شئ لازم وتجلس تبكي كثير حتى انا استسلم لها بس كنت اعاقبها ادخلها الغرفة لمدة دقيقة وهي تخاف طبعا من خلق الابواب وتجلس تصطرع يعني تجلس تبكي وتتنطنط من البكاء احيانا تجيب نتيجة واحيانا لا هي عمرها 3 سنوات بالضبط ما ادري ابغى اسلوب عقاب حلو ومفيد .:06: :10_1_103v وصارت تحرجني احيانا يجون صديقاتي احسها ما تفهم لما الواحد يمزح معاها تضرب صديقاتي واقولها عيب قولي اسفة ما ترضى ابدا والله انها متكبرة كثير بس تقولي انا اسفة بس ما ترضى تقول لحد ثاني واكون والله في نص ثيابي وانحرج كثير واحس انه بنتي قليلة ادب واني ماني عارفة اربيهاز ساعدوني الله يسعدكم هذي اول طفل لي.

يا بنات بنتي عمرها 3 سنوات ابغاها تاكل لوحدها لانه بعد اربعه اشهر راح تدخل المدرسة ولازم تتعلم تدخل الحمام لوحدها وتاكل لوحدها هي ما ترضى احط لها الصحن الفطور واقولها كلي بس تمسك الملعة شوي وترجع تقول ماما اكليني وتتناهد واذا ما اكلتها ما تاكل خلاص دلوني وش اسوي معاها

اعذروني يا بنات على التأخير
ولدي صابه العنقز إهيء إهيء إهيء و متعبني شوي
الله يعين




حاملة القرآن
حياك الله اختي
شوفي يا الغاليه مو غلط ان الولد يتعلق بعمه خاصة ان ابوه غايب معظم الوقت وانت شديده و قاسيه عليه
لكن انت لازم تغيرين اسلوبك معاه حتى تكسبينه ومو شرط انت تكسبينه و يخسره غيرك
لا ممكن الطفل يتعلق بعمه و كمان يحبك و يتعلق فيك
اختي ابنك لسع صغير احمدي ربك انه مو في سن مراهقه ما راح ينسى اللي يصير معاه
ابدأي من الآن و تقربي له هاتي له هدايا لكن احذري من محاوله عزله عن الأشخاص اللي يحبهم
تقدرين تخلينه يحبك و يتعلق فيك بأسلوبك لكن كمان لا تطلبين منه المحبه الآن
يعني غلط تطلبين منه يضمك وهو يرفض
خليه هو اللي يجي و يركض و يضمك <<<<<<< هالشيء راح ياخذ وقت

قدمي محبتك له وضحي له انك تغيرتي و تركتي أسلوب الضرب و القسوة معاه
لا تطلبين منه انه يعبر لك عن محبته الآن لأن الطفل ما راح يقرب لك الا اذا حس بالآمان و الثقه
معك وهالشيء يحتاج منك لوقت يعني اللي بنيتيه في نفسه من حواجز خلال 8 سنوات صعب يتغير في يوم او يومين
اهم شيء فعلا لازم لازم تتركين الضرب نهائيا معه
ممكن اذا كنتي تقدرين تطلبين من عمه يساعدك عن طريق احد تفهمينه الموضوع وهو يشرح لعمه
مثلا اذا اهديتيه شيء ممكن عمه يشوفه و يمدح في هالشيء و يقول له اكيد ماما تحبك لانها جابت لك هديه لكن لا تلجأين لعمه او لأحد الا بعد ان تتغيري انت فعلا و بعد ما يبدأ الطفل يلاحظ تغيرك معه
حتى يستجيب لكلام الناس عنك
بالنسبه لوضعك في البيت و ابتعاد طفلك عنك معظم الوقت اعتقد هالشيء في مصلحتك حتى تقدرين
تسيطرين على نفسك اكثر و انت كمان يخف الضغط عليك شوي
و انتبهي لبقية اطفالك لا تبدأين معهم بنفس اسلوبك مع الكبير حتى لا تخسرينهم هم ايضا
أما جدة الطفل و دفاعها عنه صدقيني اختي هذا من محبتها له و كل الجدات نفس الشيء سواء ام الأم أو ام الأب
وبصراحه اكثر مو هي الغلطانه لا الخطأ عليك انت لانك تضربينه ضرب مبرح و كمان قدام الناس


ريتاج
حياك الله اختي
يا الغاليه العيب مو في بنتك بالعكس طبع البنت جدا حلو انها تحب تشارك الناس العابها
العيب في الأطفال الثانيين اللي يرفضون يلاعبونها بالعابهم
اذا كنت تقدرين خلي الشغاله تجلس معاهم وقت اللعب و وصيها تنتبه لهم لا يكسرون و يخربون
واذا ما كان عندك شغاله اطلبي من اكبر الأطفال اللي يجون عندك انه ينتبه لهم
اطلبي من اكبر البنات مثلا انها تنتبه لهم لأنها هي الكبيره و تفهم و قولي لهم اذا خلصتوا لعب اجمعوا الألعاب و رجعوها مكانها و بعدين تعالوا اعطيكم عصير


وتين

حياك الله اختي

بالنسبه للأكل بنتك كبيرة ابدأي معها بالتدريج انها تبدأ تآكل لوحدها وحتى لو طلبت منك ارفضي هالشيء ممكن في البداية ترفض تآكل أو تترك الوجبه ما يهم اتركيها اذا جاء موعد الوجبه الثانيه او اذا جاعت راح تطلب تآكل لكن كمان لا تأكلينها حتى لو طلبت قولي لها انت صرتي كبيرة و لازم تاكلين لوحدك ممكن توجهينها و تساعدينها لكن ابدا لا تأكلينها اتركيها تعتمد على نفسها و اكيد اذا حست بالجوع راح تاكل
و بالنسبه لدخول الحمام وانتم بكرامه صعب انها تنظف لنفسها دايما
يعني بعض الأحيان لو كانت بس بتتبول عادي ممكن تقدر هي تغسل لنفسها و ترجع تلبس
لكن لو كان شيء ثاني صعب شوي
فيه طريقه انا استخدمها مع ولدي في الروضه
ولدي عمره تقريبا ست سنوات طبعا اكيد هو يدخل الحمام و يتوضأ و ينظف لنفسه بدون مشاكل
لكن المشكله انه اذا دخل الحمام يتأخر كثير
يعني اول شيء ينزل ملابسه و يعلقها على الباب و بعدين يتوضأ و بعدين يرجع يلبس في الأخير يطلع من الحمام بعد تقريبا ربع ساعه

طبعا انا ما ابغاه يحوس هالحوسه في الروضه
عشان كذا اصحيه الفجر اول شيء اعطيه نص كاس صغير ماء مخلوط معه ملعقة عسل
بعدين اخليه يفطر عادي
هو تلقائيا بعد الفطور يحس بحاجته للحمام و يدخل يتوضأ في البيت
يعني ينهي كل اموره و ينظف بطنه قبل ما يروح الروضه

جربي هالشيء مع بنتك يصير حتى لو احتاجت الحمام يكون للتبول و بس

حاملة القرآن


عذرا حبيبتي


كنت مشغولة و توي أفتح النت بعد المرة اللي قريت مشكلتك


ما قصرت فرحة القلب ما شاء الله عليها

لكن من خلال كلامك واضح إن حب ولدك لجدته لإنها تاقف بصفه

حاولي تكسبينه و تعطينه أشياء و تسوين له أشياء ما يمكن لجدته تعطيه

أجلسي عنده بالسرير و أحكي له

سويله حلويات و حاجات يحبها

و سويله حاجات يوزعها في المدرسة

حاولي تدرسينه و تذاكرين له بجو هادي

روحي معه المكتبة أشري له حاجات

الضرب وقفيه

و حاولي تكافحين

هذاي أنا أجاهد نفسي عشان ما أضرب لإني كنت أضرب مثلك بالضبط

و أحس هالشيء مأثر على شخصية بنتي الكبيرة لإنها شافت أكثر من أختها

حاولي تدخلين دورات دينية حفظ و دورات إجتماعية و تربوية و لغات و كذا بالوقت اللي عيالك في المدارس

يمكن الجو اللي أنتي عايشة فيه مشحون


ما أدري وش أقول لك بعد


و تذكري إن الضرب ما يربي بس يترك آثار جسدية و نفسية عليهم و عليك


سوي وق إجتماع عائلي صغير لك و لعيالك لو لمدة ربع ساعة و سوي زي الحفلة عشان تجذبينهم


أنا ما جربت هالطرق يعن ما أضمن نجاحها بس من يوم قريت قصتك و أنا أفكر فيك

سوي جداول لهم


لا تنسين تدعين و أذكري الله إذا عصبتي و تذكري((((( لا تغضب)))))

و تذكري إنك أم و هم ما لهم أم غيرك

تذكري يمكن يهرب منك إذا كبر ولا سمح الله يصير له شيء

دايم أدخلي مواقع تربوية

لا تيأسين

و تذكري هذا جهادنا

أدري إذا عصبتي تحسين بفوران و كأن شيء بداخلك يفوووووووووووووووووووور كأنه فوار<<< مجربه لدرجة يديني يتسبلون من العصبية لكن حاولي


حاولي تكسبين حماتك و خليها بصفك تساعدك

الله يعينك