اخواتي فرحة القلب //////ديار ///////شكليته
وكل اللي تقرا موضوعي ساعدوني من جد هالايام ضايق خلقي والسبب ولدي اللي عمره 5 سنين و5 شهور في التمهيدي عارفين اش يدعي عليا له 3 ايام يارب تموتي ويكررها ويكررها كثير رغم اني ماضربته بس ماأعطيته الشيء اللي يبغاه وكان اخوه الكبير سمع الكلام صار زي الصنم حسيت بعينه انو كأنو يقول هيا هاذي الكلمه اللي كان نفسي انطقها لكن ماني بقادر"هذا لمن كنت اضربوا ضرب مبرح "
مسكت ابو 5 سنين وقلتله انا بروح عند اهلي في المدينه واخذ اخوانك الصغار وانت واحوك اقعدو عند بابا صرخ وبكي وقالي بعدين اخوي يقعد يضربني
للاسف ثاني يوم ورجع وقالها حاسه اعصابي بتنفجر واللي كمل الناقص ابو 3 سنين قاللي اليوم يارب ربنا يحطك في الناربس كدا من غير ما اسببله اي شيء قولولي الله يجزيكم الجنه اش اسوي واسفه احس اني ثقلتها عليكم

الأخت حاملة القرآن ،، كان الله في عونك

بس شوي شوي هدي أعصابك عشان ماتتأثرصحتك وتأكدين أنا كلنا هنا راح نساعدك ونرحب بأي شي منك

شفي حبيبتي أنا ما قرات نصائح البنات لكن راح أعطيك اللي عندي وإن شاء الله تستفيدين منه

أولا : استعيني بالله واستمدي قوتك من لاحول ولاقوة إلا بالله ..
ثانيا : اخلصي نيتك لله وادعيه ليل نهار بأن يعينك على تحقيق ماتريدينه .. لاتفترين عن الدعاء أبدا
ثالثا : غيري نفسك أولا.. كيف ؟
خلي عنك العصبية على الأقل عشان ماتتعبين أنت

خلي عنك هالأفكارحتى لو كانت حقيقة ولدي مايحبني ووو .. لما تسمعينها أعطي نفسك أمل بأنك راح تسمعين عكسها قريب بإذن الله ..

أنا معك إن السكن مع أهل الزوج له تأثير على التربية سواء سلبيا أو إيجابيا ،، بس أكيد عندك الفرص الأكثر لتربية العيال .. لأنك أمهم

يمكن الأمر يكون صعب بالبداية إلا إنه مع الصبر راح تقدرين ،،

حاولي تتقربين من أولادك شجعيهم باستمرار ، لما يبكون أنت أول من يمسح دموعهم بس مو( بكى الدلع) سمعت مرة في قناة المجد إنه الطفل لما يبكي وتمسح دموعه بإبهامك اليمين له تأثير على الطفل ويشعر معها بحنان كبير ..

لا تقولين لولدك أبدا أي كلمة سيئة عن عمه ولا تقولين له أنا أحسن من عمك أو من تحب أكثر ،، لالالا خلي تصرفاتك أولا هي اللي تحسسه بحبك .. والكلام خليه على فترات عشان مايحس إنك تبينه يحبك بالغصب ..

فآجئيهم بأي شي برسومات حطيها على سرايرهم قبل النوم ومأكولات خفيفة وسويلهم حفلات وإذا ما فرحوا لاتيأسين من أول مرة ،، لا استمري وحاولي وخلي هذا جزء من حياتكم ..

لالالالالا تهزئينهم أو تضربينهم قدام أ حد ، لأن هذه التصرف يكرّه الطفل في أمه وفي نفسه

إذا قالوا ما نحبك قولي بس أنا أحبكم ، أنا اللي بأربيكم حتى تصيرون رجال وو و وقوليلهم على أحلامك فيهم ، مثلا الكبير بتصير دكتور ومعك سماعة وسيارة وتلبس كذا وتسوي كذا واندمجي مع الكلام صدق ، راح تلاقينهم يمشون معك بالكلام ..

هذا والله اللي يحضرني الآن وإذا تذكرت شي بأرجع أكتبه لك

نسيت أقولك ، اشتري لك كتب عن تربية الأطفال وطرق التعامل معهم راح تساعدك ، والدعاء الدعاء مهم


...........................................................................

ديــــــــــار ..

هاذاني رجعت ،، مسألة الصلاة وتشجيعك لبناتك عليها بالمتاهة شي حلو بس الأفضل لو تخلين الدافع للصلاة هو الجنة مو عشان الجائزة وحدها

يعني ،، أحكي لهم عن الجنة ووش فيها ، لما تجي الصلاة قولي هيا نصلي عشان نقرب من الجنة ولما يصلون قولي اليوم مشينا ...كذا خطوة ( على حسب ترتيب الفرض) وقربنا من الجنة وبكرة أكثر وأكثر ..

قوليلهم إذا صلينا الله يحبنا وبعدين نصير حلوااات إذا كبرنا حتى لو ما أخذنا مكياج << إدخليلهم من هالباب اللي تحبه قلوبهم


والله يصلحهم لك ..


..........................................................................


فرحة القلب ،، والله من جد اسم على مسمى مجرد ما أقرا اسمك انبسط ،، الله يجزاك الجنة

معاي مشكلة دسمة ، من ولدي الله يصلحه ، أحس طلع لي نخل براسي ,

مشكلتنا صاير لها أكثر من أسبوع وهي ( أنا وولدي والمويه والبرادة )<<< صارت حكاية

دائما يكب المويه يعبي الكاسات ويله على الأرض يكبها في كل الغرف ولما قلتله ليش قال بأسوي مسبح ...

إذا كنت نايمة يدخل المطبخ >> المطبخ مفتوح ، ويعبي علب البرادة الكبيرة ولما أصحى ألاقي نص الموية الباردة منتهية

ولما يدخل الحمام على طول يصب المويه من فوق راسه وعلى ملابسه ويقعد يقول حر خليني أبرد .. أو يأخذ كرسي طاولة الطعام ويجلس في المغسلة ويكب الموية

أحيانا وأنا جالسة أو أخوه الصغير يجي من ورانا ويصب علينا مويه ..

المهم ، خاصمته وحرمته وأمس فقدت أعصابي وضربته ضرب – الله يسامحني – بس مافيه فايدة رجع مثل أول

وش أسوي معاه ؟

البرادة ماأقدر أغير مكانها وهي بدون صمامات أمان ..

الحمام (أعزك الله ) يقدر يفتحه ..


أذاني الله يصلحه ، عليه حركات مدري والله من فين يجيبها كل الأطفال اللي يختلط فيهم أكبر منه وهادين..

أنتظر مشورتك يافرحتنا

حاملة القرآن
كان الله في عونك اختي
اول شيء حبيبتي لا تهددين الطفل ابدا انك راح تتركينه و تروحين
لا تخلينه يحس ان هالشيء ممكن يصير لأنه مع الوقت راح يعود نفسه على عدم وجودك و انه حتى لو كنتي مانتي فيه هالشيء عادي عنده
ثاني شيء شكلك تنفعلين كثير يوم يقولك طفلك هالكلام
و يمكن هذا اللي يخليه يكلمك بهالأسلوب لأنه يبغى يزعلك زي ما انت زعلتيه و رفضت طلبه
وحتى الصغير ملاحظ هالأسلوب و يستخدمه معاك
اختي يوم يقول لك طفلك جمله هالشكل
خليك هاديه جدا و رااااااااااااايقه
وقولي له لا يا ماما ربي ان شاء الله ما راح يحطني في النار
تدري ليه لأني اصلي و عندي عيالي احبهم بس هم متعبيني معاهم شوي ، بس انت غلطت علي يوم قلت لي هالكلام ربنا يزعل على اللي يزعل امه و ابوه
و عشان انت غلطت اليوم ما تنزل الحديقه مع بقية الصغار

وحتى اذا حرمتيه من الخروج و اللعب و حبستيه عندك لا تخلين وجوده عندك كأنه حبس وتعذيب
لا خليه يتفرج على التلفزيون اعطيه صور يلونها تعالي و اجلسي معاه على التلفزيون
جهزي عصير و بسكويت لك و له تاكلون مع بعض خليه يحس ان هاليوم انا جلست في البيت مع ماما
هالشيء كمان حلو
لكن لا تدلعينه بزيادة و لا تنسين انه غلط بس لا تقسين عليه و تتركينه لوحده او تمنعينه من اللعب عندك

اصغر الأطفال هو بس يقلد الآن اذا قال لك هالكلام ممكن ضربه بسيطه على يده أو تزعلين عليه

اهم شيء لازم تكونين صارمه في عقابك بدون قسوة
اذا قلتي لهم شيء لازم تنفذينه حتى بعد كذا ما يكرر هالكلام

ابنك الكبير في نظري هو اهم شيء لأنك لو صلحتي علاقتك معاه بعدين اخوانه يصيرون يقلدونه و يتقربون منك وهو كمان راح يساعدك في اخوانه
اهم شيء في الكبير هو انك تجلسين معاه زي ما قلت لك قبل كذا
اتأسفي له على طريقتك في ضربه بقسوة و اوعديه بعدم تكرار الضرب اذا هو التزم بالتصرفات الطيبه
و تقربي له بكل الطرق اللي ذكرناها لك قبل الآن اهم شيء ان طفلك يحس فعلا بتغيرك معاه
ابدأي معاه من الآن و لا تؤخري جلسة مصارحتك معه

بعدين فين دور الأب في كل اللي يصير
شيء طيب ان الأب يبر بأمه و ابوه لكن لابد يساعدك
اجلسي مع زوجك و اشكي له همك و خليه يساعدك في التقريب بينك و بين الأطفال
اذا غلطوا الصغار و ابوهم فيهم خليه هو يتولى زمام الأمور و يعاقبهم او يخاصمهم ليه انت دايما في وجه المدفع بس مو قدام الصغار تطلبين منه يتصرف معهم لالا انتبهي بعدين اي شيء راح يسويه
راح يشيلون عليك الصغار اكثر لأنك انت اللي طلبتي منه يتدخل
تقدرين بينك و بينه تجلسين معاه و تتناقشون في كل هالأمور و تطلبين منه هو يتصرف اذا كان موجود
ممكن زوجك يطلب من اخوه (( عم الولد )) يساعد في اصلاح الولد بشكرك قدامه و تعديد محاسنك مع اطفالك مثلا يقول له ما شاء الله امك تحبك كثير طلبت مني آخذك و اشتري لك هالأغراض
او مثلا يوم كنت صغير كانت امك تشيلك باستمرار و لا تترك في الأرض حتى ما تطيح و تتعور



أمون الحنون
الله يصلحه لك يا رب
شوفي حبيبتي ما دام توه بادي في هالأسلوب يعني اسبوع تقدرين تتصرفين معاه و تنهين هالمشكله اهم شيء خليك حازمه
قبل لا يكب المويه حذريه و قولي له انا ابغى اروح انام لكن لو صحيت و لقيتك لاعب بالمويه
مغامره ما فيه او بلاي ستيشن مثلا ما فيه
اختاري افضل شيء و احسن شيء هو يحبه و هدديه فيه
واذا طنش نفذي تهدديدك له و احرميه من التلفزيون لمدة ساعتين او ثلاث مثلا
حتى لو بكى و وعد ما يكرر هالشيء لا تسامحينه قولي له خلاص المره الجايه نشوف
لكن اللحين انت غلطت وانا حذرتك

اختي فرحة القلب جزاك الله على الموضوع الرائع انا بصراحة كنت عصبية كثير لكن احاول اني اضبط اعصابي الآن الحمد لله .. مشكلتي الكبيرة مع ولدي الكبير عمره 9 سنوات يكذب كثير ويحلف ويقسم بالله على كذب والغلطة كانت من ابوه في مرة لعب بالكورة وكسر اللمبة وانا سمعت اللمبة وهيي تنكسر وما كان احد يلعب الا هو وابوه سأل مين اللي كسرها قالوا إخوانه الصغار( يوسف) صار يحلف انه مو هو اللي كسرها قلت له لا تحلف مافي غيرك كان يلعب لكن ابوه للأسف قال خلاص ما دام حلف لازم نصدقه من بعدها الولد صار على اي شي غلط يسويه يحلف كذب ولمن ابوه عرف غلطته صار يشد عليه ويهدده انه راح يحرمه من التماشي والرحلات يرجع يعترف ويتأسف طبعا اخطاؤه غير عادية تخيلي في مرة وانا اغسل الملابس نسيت قارورة الكلوركس في الحمام اخذها وكبها في الغسالة كلها الحمد لله ان الملابس بيضاء ولا كنت رحت وطي ... المهم ان هذا الولد متعبني مرة بمشاكله على ان اخوانه اصغر من واحد7 سنين والبنت 5سنوات والصغير سنتين ما اعاني منهم كثر معاناتي من الكبير..

يابنات بنتي تصارخ وصوتها عالي حتى بالماكن العامة ماتستحي كيف اخليها تخفض صوتها حتى عند زملا ابوها تصارخ واي احد يسالها تهل السبحة وهذا الصراخ بسسبي لاني اصرخ عليها كثير بس الان احاول اخفض صوتي بس هي ماتخفض صوتها منرفزتني واظاهر مافية مكان بجسمها ومااشتكى منالضرب بس عنيدة ماتفهم والله رحمتها صرت من اقوم اقاف تنتفض والله واحياً تبلل ملابسها بس بمجرد ماقعد ترجع حليمة لعادتها القديمة والله احبها واموت فيها بس الله يهديها ويصلحها عنيدة