السلام عليكم
ماشاء الله تبارك الرحمن
فرحة القلب هنا
واقول المنتدى منور
موضوع جميل جدا بارك الله فيك اختي
الله يخليلك مصعب واخوانه وابوهم
ماشاء الله عليكم اعجبتني اساليبكم واكثر شيء عجبني موضوع الجلوس في مكان واحد في الغرفة لأني ماسبق وطبقته ولا حتى خطر في بالي لكن عندي بنتي الله يحفظها عمرها 5 سنوات بحاجة للعقاب وهذا العقاب جدا مفيد لها لأنها حساسة ودمعتها على طرف عينها وهاااادية بطبعها لكن ومن يوم ما دخلت الروضه صايرة عنيده و ما تحب تساعد او تقوم بالعمل المطلوب منها
لكن هين انتظرها :22: بكرة باذن الله واشوف ايه يصير معها



lawsi
حبيبتي حاولي تعودين ابنتك على تنشيط ذاكرتها بعض الشيء اما ببعض الالعاب او تعطينها ابيات تحفظها وتكافئينها عليها وفي البداية بيكون شيء بسيط للغايه حتى مايصيبها الاحباط وإذا طلبتي منها شيء اطلبيه في وقت تكون فيه فاضيه ماعندها شيء يشغلها حتى ماتنسى مثلا
طلبتي منها ترتب غرفتها او تعليق ملابسها لايكون هالطلب قبل نومها او في وقت تقرأ فيه اطلبي منها التنفيذ الآن واول ماتنتهي اثني عليها وكافئيها اما بقصة او تساعدك في عمل حلا او عصير البنات يحبون هالاشياء وإذا كانت ماتحبها رغبيها في المطبخ واطلبي منها تساعدك في السلطة وامدحيها
ممكن بتكون سعيدة وهي معك.

lawsi

بنت أختي كانت زي كذا عمرها 11سنة..

بطيئة وأي شي تقول نسيت ولما نطلب منها طلبين بنفس الوقت تسوي واحد وتخلي الثاني ومع هذا متفوقة دراسيا ودائما ترتيبها الأول

أختي تتعامل معها بالنصح المستمر وأشوفها تشجعها باستمرار إذا أنجزت أي شغلة بسرعة وتمدحها قدامنا
البنت ماشاء الله عليها تكتب قصص من تأليفها وأنا وعدتها إني أنزلها على واحد من مواقع الأطفال بس بشرط تحاول تكون نبيهة وبالفعل هالوعد جاب نتيجة من حوالي خمسة شهور والله يقدرني على تنفيذه ..
أمها ما تضربها إلا في النادر وما تخاصمها قدام حد إذا غلطت تأخذها على جنب وتكلمها ..
وكلتها جزء من مسؤولية أخوها الصغير ( تهتم فيه فترة الظهر إلى العصر ) عشان ترتاح أمها إذا ر جعت من الدوام
علاقتهم مع بعض زي الأخوات ماشاء الله .. مستحيل تخبي عن أمها أي شي و أختي تعلمها بأكثر الأشياء
استعملت معها أسلوب الحرمان وفايدته زي ما قلت يوم ماأحلاها واليوم الثاني ترجع لعادتها .. فما صارت تستخدمه معاها كثير..

البنت حاليا تمام والله يتمها عليها .. بس المشكلة إذا كانت هالصفة وراثية راح تأخذ وقت لعلاجها

هذا اللي عندي إن شاء الله إني أفدتكم

...............................

فرحة القلب .

جزاك الله خيرا على هذا الموضوع المفيد

ولدي عمره ثلاث سنوات , بظنك ماهي حدود العقاب ؟ <

لأني تعبت معه هو ومكعباته وألعابه .. دائما ينثرها بكل مكان بالبيت ولما أطلب منه يشيلها يرفض
حاولت معه بكل الأساليب من حرمان وتشجيع بس مافي فايدة وفي النهاية هددته إذا ماشالها راح أرميها بالزبالة
قاللي خلاص أرميها .. عناد مستفحل

غير كذا حنّان يزّن عليّ بطلباته .. لما يبي شي مستعد يجلس يطلبني من اليوم إلين بكرة حتى لو قلتله لا
وكل شي يبيني أنفذه له بسرعة ..

ماني عارفة كيف أتعامل معه ..

كيكة العائلة

حياك الله معانا أختي


يووووووووه والله هاذي تصير معي حتى انا بس عاد مو ابكي لا
اتحسف اني هاوشت هاذا او صرخت على الثاني


هههههههههه عاد انا كنت احسب اني بس انا اللي اعد على عيالي
دايم اخوي الكبير يضحك عليهم يوم ينفذون طلبي قبل اقول رقم ثلاثه
طبعا هذا يصلح مع الصغار ومو في كل موضوع لا انا بس استخدمه اذا دخلوا علي في غرفة النوم او المجلس أو اي مكان اطلب منهم يخرجون و يتأخرون
اعد لهم 1 2 3 قبل ثلاثه يشردون لأنهم عارفين بعد رقم 3 فيه علقة على الطاير


lawsi

مرحبا بك مرة ثانية اختي و استمري معنا
حتى تفيدينا و تستفيدين من خبرات الأمهات

جرح الورد

تسلمين اختي على المرور


ليونة حياتي
أهلا بك معنا اختي في الموضوع
بالنسبه لي لا افضل العقاب لصغار السن
لأنهم قد لا يدركون الخطأ حتى لو قلت لهم هذا خطأ الكبير يفهم انه غلط و انه عُوقب لتكرار خطأه
لكن الصغير حتى لو قلتي له هذا خطأ يمكن هو يشوفه امر عادي
هذا غير ان العقاب ما نستخدمه الا بعد اكثر من طريقه و الصغار في الغالب يكونون متعلقين في
امهاتهم و ينفذون اللي تطلبه منهم حتى ما تزعل عليهم و ما يحتاج تعاقبينهم



نفحة طيب

حياك الرحمن معنا اختي
بالنسبه للطفل الحساس اعتقد الأفضل له العقاب البسيط يعني لا تشدين عليها خاصة اذا ما تعودت
على الشدة لأنك لو قسيتي عليها يمكن هالشيء تكون نتيجته سلبيه عليها
كالتأتأه في الكلام أو الكلام و الصراخ في الليل


أمون الحنووون

حياك الله معنا في الموضوع

بالنسبه لموضوع البطئ في تنفيذ الطلبات
فيه طريقه استخدمها مع بنتي تجيب نتيجه احيان كثيره لكن مو دايم
بنتي تحب الطبخ و ودها تطبخ معي اليوم قبل بكره
دايم اقول لها اذا خلصتي من واجباتك مثلا بدري تقدرين تصلحين العصير
أو تساعدني في الفطاير او الكيكه وحتى تتحمس اكثر اعطيتها دفتر و كتبت لها اسمها عليها في البدايه بخطأ كبير وحلو
ندونه القمورة
طباخة المستقبل
عاد هي متحمسه تكتب كل صفحه فيه حتى تفاجأ به ابوها




عندي و عندك خير بنتي عمرها ثلاث سنين ونص ودايم تبعثر الألعاب في كل مكان واذا طلبت منها تشيلها ترفض أو يساعدها اخوها 6 سنين وهذا مسالم وحبوب لأبعد الحدود
اذا هددتها بأي شيء تجلس تبكي وهو يشيلها عنها
لكن مره ضربتها على يدها و قلت لها هي تشيلها بعدها صارت تخاف اضربها و تشيل العابها
لكن هذا لأنها مو متعودة على الضرب من يوم ما ضربتها خافت تتكرر لها نفس الضربه لكن لو كانت متعوده على الضرب ما كان ابد راح يفيد معها

وهذا الشيء لازم كلنا ننتبه له يعني اكيد ما في وحده الا و تفقد اعصابها وتضرب عيالها
لكن لازم ما تضربين الطفل سواء كان كبير او صغير الا عند خطأ يستاهل و بعد ماتكونين جربتي معه
كل الطرق الثواب و العقاب و اذا ما فاد معه اي شيء وقتها ضربه بسيطه ما تترك اثر بس تخويف
تجيب نتيجه
لكن لو كان على الفاضي و المليان يُضرب بسبب و بدون سبب
أكيد الضرب ما راح يفرق معه لأنه تعود عليه

بالنسبه لأبنك اختي حاولي تكسبينه باللعب و المحبه مثلا نثر ألعابه
هيا تعال نلعب كل واحد يحط لعبه في الصندوق و نشوف مين اكثر واحد يجمع العاب
خخخخخخخخ دايم العبها مع بنتي يوم اشوف ما عندها نية لجمع العابها
راح تلاحظين انه بسرعه يجمع حتى يسبقك اعطيه مجال يفوز و قولي له شفت كيف انت اسرع مني
و المره الثانيه نفس الشيء بعد كم مره قولي له اجمع العابك بسرعه و انا اسوي لك عصير
ونشوف مين يسبق الثاني و جهزي له العصير مكافأه له
مع الوقت راح يتعود اذا قلتي له شيلها يشيلها

بالنسبه للطلبات حاولي تشغلينه بشيء ثاني
مثلا جلس يزن عليك يبغى يخرج من البيت قولي ان شاء الله وقت ثاني اللحين تعال لون هالرسمه
او تعال نشوف المغامره
اطلبي من ابوه ياخذه معاه المشاوير القصيره للبقاله مثلا او لزيارة جدانه لأنه ما يكثر زن و طلبات الا من الفضاوه و الطفش يدور اي شيء يسويه

الله يخليلك عيالك ويقر عينك بهم




يعني التشجيع أفضل ؟؟؟؟





أنا ماأضربه إلا في النادر وطريقتك هذة استخدمتها وحاولت أغريه بالأشياء اللي يحبها بس مافي فايدة أبدا

المهم
إني فعلا أخذتها وحطيتها بالزبالة قدام عيونه( لكني شلتها بعدين بدون مايدري ) . بكى شوي وبعدين سكت ولاعاد سأل عنها ..

أحس إني غلطانة بهالتصرف ..

وبالنسبة للزن والحنة بأجرب طريقتك ولعل وعسى ..

وجزاك الله كل خير يا فرحة القلب على المساعدة..

مرحبا ,,,,


أعجبتني أفكاركم وطرقكم في التربية والردع ...... بارك الله فيكم

بالنسبة لي لا أحب دخول عيالي الى غرفة نومي ( 5 سنوات و 3 سنوات ) لأن في هذا السن يحاولون فيه اللعب بكل ماتطاله أيديهم ....
فعودتهم اذا دخلوا غرفة نومي أن أكرر عليهم جملة :

دار ماما لأ ... دار ماما لأ ... ( التكرار بحكم صغر سنهم )

وأفهمهم انهم يروحون لدارهم ....

المهم ... لما مرة كان الصغير معصب علي ودخلت داره والا يقول لي بنفس طريقتي وبنفس نبرة صوتي !!!

دار ألودي لأ .... دار ألووودي لأأأأأأ

خخخ


ترجمة كلامه : ألودي = خلودي ( اسمه خالد اسم الله عليه )

يعني يطردني مثل ما أنا أطردهم ههههههه

لا .. واللي حادني على دارهم أني مالي الا غرفتين في بيت أهل زوجي وحده للبنت والولد ووحده لي انا وزوجي ... وماعندنا طبعا غرفة معيشه فحطيت تلفزيون في غرفتهم واذا كنت بجلس وارتاح أجلس بدارهم ........ لأن غرفتهم بالأساس كانت غرفة جلوس وانا حولتها إلى غرفة لهم .....
المهم مافي عندي الا هالتلفزيون اللي بدارهم ...
ومره كانت معصبه علي بنتي والا تقول لي :
ماما هذي دارنا .. اطلعي منها ... قلت لها بشوف التلفزيون ... قال خذيه لدارك حنا مانبي ازعاج
هههههههه تخيلوا ؟؟؟
يعني ان عاقبتهم في شي مسكوني من يدي اللي توجعني وقالوا اطلعي من دارنا .....

والله زمن هههههههه


الله يذكر لما كانت أمي ماسكه العصا في يدها ومطبقه الحكمه ( العصا لمن عصا ) كنا نمشي على العجين ما نلخبطه وكنا نحترم كثييييييير أمنا ... حتى الصغير اللي لسى يمشي تعلمه يشيل اي شي بالارض ويرميه بالسله ...
ماشاء الله عليها ... الله يطول لنا بعمرها ويشافيها ....
حاولت أطبق النظام مع عيالي لكن في ناس يهدمون اللي أبنيه كوني أعيش مع أهل زوجي فدوري مهمش في تربية أبنائي ..... فتركت الخلق للخالق .....
<<<< مضطهدة :(
هههههههه

الحمد لله على كل حال


دعوااااااااتكم؟؟؟؟