صح كلام danah95 يعني الوحدة كل يوم تروش البيبي وتستحمى هيا وتلبس نظيف
وتنظف المجلس ويكون عندها معجنات في الفريزر جاهزة
بس يجيك احد تجهزي القهوة لهم

نحن عندنا يجوا الناس في نفاس اختي 4 مرات بس تخيلوا مرررررررررررة كانت ملل والله طفش ماهو حلو لكن لما يجوا كل مرة احد يكون مرة حلو

نحن في المستشفى مايجي إلا اخواني واخواتي فقط يعني نادر مايجوا بنات خالي

فكرتوا بنفاس مرة اخويا
كن نحن نجيها بدري على 5 العصر علشان نساعدها
وجماعتنا يجوا على بعد المغرب ويمشو على العشاء
وجماعتها يجوا بعد الساعة 10 لين 2 تخيلوا تعبها كيف كان!!

مسكينة صارت تقدم الساعة تقول علشان يمشوا بدري الحريم:)

انا بالنسبه لي لما بكون بالمستشفى عادي يجوني بأي وقت ولا هم بكثيرين ناس معدوده الصراحه طبعا هذا غير اهلي وقرايبي
واساسا الناس الغريبه ((جيران وأصدقاء))مايجون الا بعد صلاة العصر وكل شوي ناس تدخل وتطلع لين تقريبا صلاة العشاء وبعد كذا محد يجي إلا المقربين مره
هي كلها يومين وبتحملهم وهم بعد ماقصروا لو ماني غاليه عندهم ماتعنوا لي :)

بس بعد مااطلع بيكون الترتيب غيييييييييييير
وهذي عاده عندنا ...
بعد مايمر من نفاسي 25 يوم او 30 يوم وأكون أرتحت شوي
بنحدد يومين او ثلاثه لأستقبال الناس من بعد صلاة العصر إلى بعد صلاة العشاء لكن نادر ماتلقين احد يجي العصر الأغلبيه يجون على المغرب<<<علبالهم كشخه اللي تتأخر ههههه
وعاد هالحريم فيهن الثقال اللي ترص على القلب إلى 10 وفيهن الخفيفات اللي مايمديها تسلم وتمشي<<<يازينها والله :)
وفيه ناس تحدد بس يووم انا احس ذي مالها سنع :angry2:
وشو يوم مايمدي قولو مانبي احد احسن هههههههه
وتدرين ليش الناس قامت تحدد لأن لو ماحددت تلاقين الناس داخله طالعه على كيفها:angry2:
والوالده تبي ترتاح مو فاضيه تقابلهم 24 ساعه
فيه ناس متى مافضت وروقت طقت الباب لو هي 10 بالليل:42:
آسفه طولتها وهي قصيره ههههههه

أنا مستغربة ! لان الوالد عندنا تستقبل في المستشفى و في البيت الى نهاية الاربعين !!!!! أقول لكم بالقطارة !

طبعا تحديد ايام للزياره فهذا شي عيب لان الناس مو بكيفنا تلاقينهم يضغطون على انفسهم عشان يوفرون هاليوم للزيارتك


لكن انا قررت ان شاء الله اذا ولدت زياره بالمستشفى بكيفهم اللي وده حياه الله ولو اني مو مجهزه اي شي للمستشفى


لكن اذا طلعت البيت على خير الاسبوع الاول ممنوع الزياره وقلت لزوجي اي احد يكلمك اعتذر لمدة اسبوع فقط وبعدها

حياكم جميع :) ولاتنسون الهدايا



***********

يابنات ادعولي عديت شهري باسبوع ونص واليوم بروح اخذ طلق صناعي ويمكن ماينفع لان ماعندي اي الم :(

الله يهون عليك امين