مثل ما تعودتوا علي, طبخاتي دوم مختصرة و سريعة, تنفع للمشغولات و الموضفات مثلي.. أمي الله يحفظها تقول أني المثل الأعلى للكسولات هههههههه :7_5_131:
هالمرة بعلمكم طبخة اسباغيتي سريعة و بخطوتين بس.. و العيال يحبونها جداااا
الخطوة الأولى: ترمين كل المقادير لقدر الضغط (شفتي كيف بسيطة؟!)
و الخطوة الثانية: تفورين المعكرونة
الحين أعلمك بالتفصيل.. بسم الله ننطلق هههه
المقادير كالتالي:
لحم مفروم + علبة صوص المعكرونة + صلصة الطماطم + بصلة + ثوم + كزبرة + ملح + فلفل + مكعبين ماجي + ملعقة كبيرة سكر (السكر ما تستغنين عنه ابد ترى طعمه ما بيبين بس بيساعد انه يشيل حموضة الطماطم الزايدة) + ملعقة بهار مشكل (نسيت أصوره هههه)
مركز تحميل الصورترمين كل المكونات في قدر الضغط طبعا بعد تقطيع البصل و الثوم.. و تسكرين عليه و تحطينه على نار عالية لمدة نصف ساعة و بسسسسسسس (قلتلكم سهلة).. بعد نصف ساعة اطفي النار و قلبيه و سكريه و خليه على الحرارة تسبك براحته
مركز تحميل الصورفي هذي الأثناء فوري المكرونة لين تنطبخ و بس.. أنا استغليت الفرصة و غسلت ملابس العيال يلي عمرها ما تخلص ههههههه
مركز تحميل الصورو بخرت و تروشت عالسريع.. بخور العربية السويسرية جنااااااااااااااااان ماشاءالله
مركز تحميل الصورو الحمدلله هذي النتيجة النهائية.. لذيذة و تنفع لأيام الزنقة بالذات لو عندك شغل بيت تخلصينه (على أساس أن شغل البيت يخلص!!) :07:
مركز تحميل الصورأنا تعمدت أطبخ دبل الكمية من اللحم المفروم يلي متعودين ناكله, و حفظت نصف الكمية بالثلاجة لثاني يوم عشان أسوي فيها لازانيا بكرة هههههه شفتوا كيف وفرت تعب و مجهود
مركز تحميل الصورو الحمدلله على النعمة
تحياتي :26:
ارجو ان لا تزعلي مني ،وبالعافية على قلوبكم