فروله
انا معاكم ان شاءالله لاتنسوني
بس وش جدولك بسرررررررررررررررعه ردي عليه( وحده مستعجله)

سارونه باذن الله تسمعين اخبار تبيض الويه يارب

لي عالي مستواهم ماقصرررررررررررررررررررتي فديتج يبالنا عيل نروح بوظبي عشان نحب راس ام عبير هههه امزح بطلب من الاستعلامات وبجيك انا من دبي بس عدي اروح بوظبي نص اهلي هناك :) وشو بعد هيه بسالج لندا خليفه احسن من صالون مورا في دبي واحسن من جويل عندكم في بوظبي ودولاه كتبي اسامي مالات المكياج التووووووب ربي يخلييييج :) وبتبع نصايحج اليوم بشتري بيبي فيس حبيب الكل بس انا بشرتي تقشر معاه بسرعه واحتاج اكثر من اسبوع عشان يخف التقشير

بسيسته
والله يالغلا انصحج من الحين لو مره في الشهر احسبيها على مدار السنه بتكونين سويتيها 12 مره يعني ولا شي ولا تغير كثير مره في الشهر حمام مغربي ومره العنايه بالاظافر ومره وضع شي على الشعر تخيلي لو سويتيها في الشهر مره بتكونين معتنيه بس بس 12 مره قبل عرسج صدقيني انا الحين بعتني للعرس هذا شهر مكثف بعدين برجع اسويلي اشتراكات في مراكز عشان ما اكسل وبعطيكم علومي كله باذن الله

فديت اهل مصر رودينا24
انا انا من الامارات تحديدا من دانة الدونيا دبي يالغلا ومب لازم انتي تسوين مثلنا بالضبط لا انتي سوي جدول على الاشيء الي عندج في البيت وممكن تحصلينها في الصيدليه وتحاولين تعتنين في نفسج وتقوليلنا اول بول باذن الله :) انتظرج معانا :)

ام ماسه مشكوره على التشجيع ومشكوره على الخلطه الحين بشوفها والله يا اختي يبالي حد كل يوم يعطيني كف عشان اصحى لنفسي بس على الخفيف هههههههه وياليت نشوفج تشجعينا هنيه من بعيد مباراه مب جدول هههههههه

روح الانسانيه احلى يا مستعجله فديتج والله خلاص انا بنزل شو بسوي ان شاء الله وانتي بعد نزلي جدولج عشان كل وحده تاخذ من الثانيه باذن الله حلو كل وحده تسوي جدول حسب احتياجاتها

الدلوعه كناري اشكرج على المرور وعلى الجدول الحين بشوفه مشكورات يا بنات ماقصرتن :)


انا اليوم ان شا ءالله بعد صلاة العصر بروح اشتريلي اشيء كثيره ناقصتني للجدول :) في الرد الثاني بكتب اسم المشتركات وبرتب وياهن الجدول انتظرونا فاصل ونواصل هههه

بسيسته مشجعة الفريق الوطني خخخخخ
لي عالي مستواهم الأبله خخخخ

رودينا24 مشتركه
*Dreams Girl* مشتركه
روح الانسانيه مشتركه
فروله مشتركه

حلو نحن الحين 4 بنات فديتنا والله هههههههه بنتغزل في بعض هههههه بيكون اول يوم ن الجدول باجر باذن الله وكل وحده تحط جدول يناسب احتياجاتها وبنستفيد من بعض ان شاء الله في كل شي عادي نغير الجدول كل اسبوع عشان ما نمل نضيف ونكنسل

كيف ترتبين جدول

# النوم والغذاء

# الشعر

# الوجه

# الجسم

# الاقدام


النوم انا برتبه من اليوم خلاص بقوم الفجر ساعه قيلوله وبعدين على الساعه 9 بنام
الغذاء بشرب محلول ينظف بطني تلقونه في الصيدليه او حبوب مسهل او الافضل شو تسمونه الي يسونه في البيت ويسبب اسهال وريحته قويه وطعمه حاد ( السنا مكي ) ماعرف اسم ثاني له عشان اقرب الصوره الكم تعرفونه المهم شي ينظف البطن وبعدين باكل حبوب حديد كا يوم عندي فقر دم !! وفيتامين للشعر والوجه والبشره وبشرب لترين ماي وباكل فواكه خضار وببتعد عن الدهون الضاره والكل الي يغث وبحاول يكون اكلي صحي .

ثاني شي الشعر بروح اسوي ميزوثورابي عند الطبيبه جلسات اسبوعيه مره في الاسبوع لان شعري يتساقط بالهبل وهذا بيكون علاج لمدة ست اشهر بس بتكون بدايته مع الجدول وبزيته مره في الاسبوع وبحط تونك فليل كل يوم قبل ماانام الي ينبت الشعر بشوف اي نوع بختار اهم شي يكون طبيعي قدر الامكان وريحته مقبوله .

الوجه بيكون كتالي بغسله الصبح بحط ماسك طبيعي بختار من المنتدى وخاطري اجرب الحلبه المطحونه مع العسل وخميره بس خاطري اعرف الحلبه قبل الطحن اقلاها ولالا وبعدين بعد مااغسل
بحط كريم مغذي وفليل بحط على ويهي كريم مبيض كل وحده تسوي الي يريحها انا حبيت اقولكم شو ابغي اسوي .

الجسم بمشي ساعه وبسوي رياضه في البيت كل يوم نص ساعه للصدر والبطن وغيره وبسوي ماسك من اختراعي بخبص وبحطه على البشره ساعه برتب جدولي اليوم وبقولكم انا الحين اقولكم بشكل عام .


الاقدام طبعا بالحجر بفركهم من الاسفل يوم هيه يوم لا وبحط عليهن كل يوم كريم وبسكر عليهن بنايلون ساعتين وبرطبهن وفليل بحط عليهن من الكريم المبيض .



انا اول اسبوع مابستخدم كريم عبير الي قالتلي عليه عالي مستواه والسبب ان عندي كريمات بتنتهي قريب وما استخدمتها هيه مبيضه خذتها من المعرض السنه الي فاتت ويقولون كريمات طبيعيه لتفتيح البشره واصلها ياباني ومكتوب عليه بالياباني ولا كلمه واضحه بس بستخدمه عشان خسارة الفلوس كل يوم بعد صلاة العشاء .


هذا الي في بالي الحين بدون تضبيط استنوا عليه اضبط اموري حد عنده اضافه ؟

ام ماسه شكله القناع حلو وبندخله في الجدول باذن الله وربي يجزيج خير وبردلج خبر :)
والدلوعه كناري
بارك الله فيكن كناري جدولج ررررررررص يخوف يمكن ثاني اسبوع نحاول ندخل فيه نحن يبالنا فريق انقاذ ينقذنا من الكسل بس انا بصراحه متشجعه وااايد واترا باجر بفارغ الصبر :)

موفقين يا رب يا ليتني أقدر أكون معاكم بس شو نسوي هم الشغل ماخذ كل وقتنا بس أكيد بتابعكم وبشجعكم :)