السلام عليكم ورحمة الله وبركاته
قبل أبدأ بقصتي حابه أقول
أسأل الله في هذه الساعه أن يرزق كل محرومه بالذريه الصالحه
واللي حامل يحفظ لها جنينها
أنا يبنات حملت بعد سنه ونصف من زواجي وجبت بنت بقيصريه والحمدلله على كل حال
ولي الان 6سنوات ولمارحت اراجع أول مره قالت لي دكتورتي أنتي زي الفل والتبويض عندك
تمام ورفضت تعطيني منشطات
وطلبت أن زوجي يسوي تحليل طبعا تأخر حتى حلل كان كل يوم يصرف كان هالكلام قبل سنه
وطبعا برمضان حلل وطلعت كل تحاليله سليمه
فقررنا نروح لإستشاري عقم واطفال أنابيب
سألني كثير أسئله وقرر إني اسوي أشعة صبغه وسويتها بنفس اليوم
والحمدلله ماكانت مثل مايقولون البنات إنها عذاب الله يسامحهم خوفونا المهم
طلع عندي سدد بإحدى الانابيب وقال الدكتور اسوي عملية منظار حتى يفتح السدد ويزيل الالتصاقات ولو لقاه تالف راح يستئصله :(بعد اخذ ورد قررت اعملها
وعملتها الااسبوع اللي فات
المشكله يابنات يقول بصعوبه لقاه وكان منتهي وضامر ومليان مويات وطبعا الثاني يقول لقاه فوق الرحم وحتى هو فيه التصاقات طبعا شال الالتصاقات ورجعه لوضعه الطبيعي
ويقول لقى الرحم لاصق بجدار البطن على طول مافهمت هالنقطه؟!
ويقول تركه لإنه لو فك الالتصاقات راح ترتخي العضلات ومومن صالحي لوحملت!!
المهم يقول إنهم في العمليه القيصريه لعبوا فيني ما اهتموا ولانظفوا لي فاتجمعت مويات مع دم
طبعا هالكلام قاله لي لما صحيت من البنج وتحطمت يابنات وضاق صدري مره
ويقول الانبوب الثاني احتمال لوحملتي منه يكون حمل خارج الرحم
في واحده كانت مثلي وحملت طبيعي
أنا موعدي معاه الأثنين هذا ونفسيتي زفت مالي خلق بشي
خايفه من كلامه اشلون لوحملت خارج الرحم ؟!
ويقول الحل اطفال الانابيب وأنا عمري ماقريت عن هالموضوع توي هاليومين ابحث
ولا اعرف شي عنها
بليز يابنات وش اسوي وش الدبره جالسه أبكي أستغفر الله اللهم لاعتراض
ماعليه طولتها بس حبيت افضفض مامعي بعد الله الا أنتوا..
اللي تدخل موضوعي تدعي لي الله لايحرمكم الأجر
أنثى أستثنائيه @anth_astthnayyh_13
عضوة نشيطة
يلزم عليك تسجيل الدخول أولًا لكتابة تعليق.
أنثى أستثنائيه
•
بليزززز ارفعوا الموضوع لو بدعوه :(
الحمد لله ان عندك بنت والعمر قدامك
مين ذا الدكتور
انا زيك ماعندي انابيب شلة الاثنين من كلام الدكتور
قال لي كلام يشبه كلامك بس انا الفرق ماسويت قيصري ولا حملت
وتعبت من الحقن المجهري
الي سوي لي العمليه فواز ادريس شكله متخصص قي دا الموضوع
حبيبتي الله يفرج همك الله يفررررررج همك مادري ليه بكيت يوم قريت قصتك حسيت بشعورك ياااااااااااااااااااااااارب يفرج همك وتفرحي بعيالك قدامك مافيه شي بعيد عن رحمة رب العالمين ادعي واستغفري الله يكتب لك الخير حيث ماكان ويرضيك به
mira16
•
شوفي الرابط ضرررررروري . . تعديل الرابط (( الاشراف)) يمنع وضع رابط مُباشر من اليوتيوب... . .شوفي الرابط ضرررررروري . . تعديل الرابط (( الاشراف)) يمنع وضع رابط مُباشر من...
الله يكتب لك الخير حيث ماكان ويرضيك به
الصفحة الأخيرة