انا والله ما احب اناقش هالموضوع لان التعدد مو حرام .. بس لفت انتباهي انك قلتي هذي عاده عندكم

انتي متأكده انك راح تتزوجي واحد متزوج .. الا واثقه من كلامك .. وشكلك موافقه عليه هو ولا غيره ...

استخيري وربي يكتب لك اللي فيه الخير .. بس لازم زوجته يكون عندها خبر ... وانتي يكون عندك خبره في التعامل مع زوجك المتزوج قبل وعنده عيال وزوجه .. وافهميها يالغلا

وربي يوفقك

الله المستعان
احاول اتصور الوضع >> انا وبنت خالتي في نفس الرجل

موقادرة استوعب

ااه ياربي للدرجه هذي الدنيا صارت كذا

كيف كيف ترضين تتشاركين انتي وبنت خالتك في نفس الرجل
ياناس بنت خالي يعني اختي يعني قريبتي يعني المفروض في خط احمر خاصه في هالامور

حنا عندنا استحي اناظر رجل خالتي ولا رجل عمتي ولا رجل بنت خالتي

فمابالك اتزوجه واصير حليلته وااااو وربي مصيبه

اشره عليك وعلى عقليتك وعلى تفكيرك القاصر وللاسف الشديد لو كنتي متعلمه ومؤمنه بان الرزق من عند الله وربي هو الواحد القادر يحدد لك رزقك لاعاداتكم ولا تقاليدكم الفاشله كان ماقلتي انا لازم اتزوج من معدد سواء هذا او غيره ..
والشرهه الثانيه على عديم الذمه والضمير والي مايعرف في الاصول شي >> ولد عمكم هذا
لو فيه ذرة عقل كان فكر زيين وماقال اجمع بين بنات خالات ..!

لكن وش نقول غير حسبي الله ونعم الوكيل

حطيت نفسي مكانك >>> مستحيل حتى افكر مجرد تفكير او اجي اشاور , مايبيله هذا
وحطيت نفسي مكان بنت خالتك >>> قلت والله لو انا مكانها اول شي اسويه اقلب الدنيا فوق راسك .. لانك تعتبرين غدارة خاينه لقرابتك وللصلة الي بينكم , وثانيا ممكن اطلب الطلاق من عديم الذوق والاحساس

معليش انا صريحه جدا ولابعد الحدود وكلنا بنات ونحس ببعضنا وكل وحده تكتب لك رايها من قلب ! بعيد عن المجاملات ..

لااله الا الله محمد رسول الله ..
استغفر الله العلي العظيم واتوب اليه ..

يا الله !! هاذي بنت خالك !!
المفروض ما ترددي في الرفض ..و الله يعوضك اللي أحسن منه يا رب .

مره نداله تاخذي زوج بنت خالتك وتصير بنت خالتك طبينتك ليه خلصوا الرجال

على كيفكم؟؟؟؟
تحرمون الله محلله رب العالمين
لو عيب او فيه ضرر ماكان ربي احله لنا

حبيبتي صاحبة الموضوع اذا الولد عاجبك وفيه خير واهلك موافقين استخيري و واااافقي
ومبروك مقدماً

ترا هالزمن ماعاد فيه رجال والله ان تصكين الثلاثين تتمنين كلمة ماما لو تتزوجين شايب

اخذيه اذا هذي عوايدكم ومبرووووك ولا يهمك كلام البنات