بدايت موضوعـي ..
بهنيــكم وحده.. وحده ..
بقدوم شهر (رمــضان الكريم) وجعلـــنا الله مـن صـوامـه وقوامـه
واتمنى من مشرفاتنا العزيزات يتركونا المجال للموضوع اذا ممكن
امـا الان ببدا بصلـب الموضـوع
بس رجاء عدم حذف الصور لاني والله مااعرف اضلل وحاولت انقي الصور الي مافيها تفاصيل كثيره او تكون موواضحه لدرجة الفتنه ..!!!
موضـوعي واضـح من عنـوانـه
وحبـيت افيدكـم بتجــاربــي الصــادقــه واتمـنى أن تـجربـوها وتسـفيدوا
وخـــــاصه لمن أرادة الاستعــداد للعــــيد ببشـره رائــعه ومثــالــيه
عفواً .. تم حذف الصور المخالفه..
هـذا الكــورس أنــا جــربيـته عــلى نفســى طــول الاجـــازة وخــاصه قبــل لا أســافر لانــي بغــيت يكـــون شكــلي ولـــوني أحلى وأحلى لزوجي.. انتبهو ماابي وحده تسويه وتفتش واخذ ذنها وادري فيكم الخير الكثير ..
واتمنى مــنكم الي تدخــل مو مهــم تـــرد وتــرفع موضوعي الي مــن جد تعبــانه فيه
لا انا أبي اجري مــن الله اولاً وثانياُ ابي دعوه صادقه ربي يحقق لي غاية مناي واملي بعيــالي ويرزقني بالمـال الحلال بس
شفتوي طلبي جدا صغير ..
المهم انا ببدا
بس لاتنسوني
اولا
البشره الطبيعيه الجميله ...
تحتاج للكثير من التعب والاصرار والعزيمه
على الوصول لان الوصول جدا صعب واذا تحقق الامل لانرضا بالتنازل عنه مهما كانت الاسباب
عموما اول احتياجاتنا هي
اذاكنتي تعانين من حبوب وبثور وكلف والى اخره من مشاكل البشره عليك اختيار احد الامور
اما الطبيعي بماهو موجود حولنا ..
او الكيمياء والذي يكمن بالتقشير ..
انا عن نفسي مااعاني ولله الحمد من بثور لكن اعاني من مسام واضحه ومزعجه
قررت اعمل برنامج الاول وهو الطبيعي وكان خلل 3 اسابيع كاملين ..
البرنامج ..
الصبح
اغسل وجهي بماء بااارد بس اقدر اتحمله
واستخدم كريم مرطب انا مجهزته عباره عن م عسل نصف م زيت اللوزالمر نصف م زيت اللوز الحلو وشوية ليمون ادهن فيه وجهي واخليه لين اخلص من شغلي يعني ساعتين تقريبا..
و احط خلطة على جسمي اخذتها من الاخت نور الهدى الله يوفقها يااارب والله ماقصرتي يالغاليه
(عباره عن فازلين وجلسوليد وكريم روك وليمون) ونفس الشي لين اخلص شغل
في هالوقت افطر
على تفاحه +حليب قليل الدسم +توتست محمر
اذا خلصت كرف :angry::icon33:
:3_13_11:
اغسل وجهي بـ ست ليفز المقشر والمبيض بالمشمش مره حلو واتحمم
بـ
ليمون وسكر ملح زيت جلسرين زيت زيتون
بالطريقه التاليه ..
اخلي الحمام حاااار والبخار ماليه
ادخل بس ارش ماء خفيف على جسمي وبعدها احط الخلطة وابد اعد الى 60 وابدء افرك بس خفيف
واذا خلصت تفريك ادخل بس اغسل واستخدم جل ديتول لاني جدااا موسوسه
واطلع بعد مااكمل الشور على شعري ..
وفي طريقه ثانيه وحلوه ..
عباره عن حناء والصابون المغربي السائل وسدر ليمون اخلطهم مع بعض واستخدمهم على جسمي بعد الخلطة
واول مااوصل غرفتي انشف واستخدم
هالخلطة الي مستحيل اتخلا عنها لسبب انها تعطي جسمس لون حلو ولمعه وتبقيه رطبببببببب
الخلطة
سودكريم نصف العلبه
زبدة الكاكاو بالمرز
زيت بيبي جونسون البخاخ (تعرفونه صح ريحته حلوة وتغطي على الباقي )
زيت اللوز
وبالخلاط
وبعدين على طول على الجسم النظيف ..
وهذي صورته..
بعد كذا استخدم قناع للهالات عباره عن بطاطس حلقات واخليها 10دقايق
واروح اجهز الغداء
واسبوعيا استخدم للوجه والرقبه
خميره وماء ورد لمده نصف ساعه وابدا امسحها برفق واحط بعدها زيت اللوز كمرطب
او
زبادي وعسل وسوية ليمون كقناع مغذي ورائع بعد مااغسل وجهي احس بنداوه وطراوة
قول وماشاء الله ..
خفت على عمري خخخخخ
وغداي يكون سلطة أي نوع مع صدر دجاجه ..
وبعد هالوقت .. اكون انا مجهزة ..
مكعبات ماء الورد +م زيت الجلسرين والبقدونس واغليهم على النار واصفيه واحطها بالفريزر واستخدمة كل يوم على وجهي ..
ونتايجها كانت حلوه سكرت المسام وردت وجهي عطتني رطوبها حلوة كن بشرتي نديه ..
وبين هالوجبات اكل خس اوخيار اوجزر اوالي اختاره
العشاء دايم فاكهه وزبادي ..
و قبل النوم اخذ كميه بسيطه من زيت جنين القمح وزيت اللوز وادهن في رقبتي مع الوجه
وانااااااااام
وبعد 3اسابيع كانت النتيجة مرضيه الى حد كبير الجسم نحف وبشكل جيد والوجه فيه لمعه ونور لكن مافي خدود
ابي خدود شالحل ..؟؟!! ابي تجاربكم بالخدود ..!!
المسام تسكرت واللون تغير وأحس أني فرش وجسمي تغير لكن موذيك الدرجة يمكن أنا شوي اطمح للكمال (وخاااصه بالجسم الي معذبني) ..والكامل وجه الله
البرنامج الثاني ..
من جد عاجبني وكانت النتايج اجمل بالنسبه للجسم ..
عباره عن التقشير بالبيبي فيس للوجه ..
نمبر 3 و2
استمريت على هالبرنامج شهر تقريبا
امسح وجهي اول ماصحى بالبيبي فيس نمبر 3 واحط فوقه بعد 2د كريم مضاد للحساسيه واحيانا يكون الكوم او دريمو فيت ,,
لان عيالي اكزيما والي موجود استخدمه ..
وعند وضوئي لكل صلاة استخدم غسول من svrممتاز مايسبب تهيج وينزل القشور ويخلي بشرتك صافيه احط بعد الوضوء المضاد
وللعلم هذي الطريقه( اخذتها من الاخت الموسوسه مع اختلف بأسم الكريمات والغسول الي اكن لها كل احترام وتقدير ..)
استمر لمدة 4 الى اسبوع على هالموال لين اشوف بشرتي بدت تقشر وتختلف من وحده عن وحده انا تتاخر شوي..
واذا بدت تقشر وارجع اقول على حسب في ناس ماتتحمل بشارتهم ويستخدمونه يوم ايه ويوم لا ..
ابدا احط زيت اللوز المر وابدا افرك بشويش لين تشربه بشرتي ..
ويبدا ينزل القشر استمر اسبوعين على حسب متى قشرت بشرتي وبعدها
استخدم بيبي فيس نمبر 2 بنفس الطريقه لكن ماراح يقشر راح يعطيك منظر صافي ورائع لبشرتك لمدة اسبوع واستخدم بالليل كريم من اوليه كريم الليل مره حلو وعلى شفافي من بودي شوب زبدة الكاكاو مره لذيذه ..
وبعد كذا اذا خف التهيج مع التقشير وانتهى تقريبا 3اسابيع و3 ايام ابدا استخدم اولي بالتوت كتفتيح للبشره الجديده
وهو فيه نوع من الحمايه من الشمس والاشعه فوق البنفسجيه واستخدمت بعد فتره من بودي شوب الفايتمن سي مره حلو يعطيني نظره وحمره للبشره استخدمه مع اوليه الي بالتوت بنفس الفتره
وكمان استخدمت من اوليه سائل التفتيح والسيروم بس توي جديده عليهم وهذي صورهم
اذا جيت اطلع استخدم واقي من svr 50%
حلو يعطيك لون وحمايه للبشره
اما النتايج..
وبعد فتره قصيره الجميع يسالني شوهالوك واللون الحلو طبعا قبل لا انسى انا من عشاق فوايفر وخاصه هذا
يعطيك منظر حلو ..
كانت جدااااا رائعه وحلوه بشرتي صافيه وفتحت تقريبا درجتين بعد التقشير
اما الجسم
فانا ولله الحمد والمنة أعاني من عدم توحد بالون ومشكلتي مثل الكل الركب العدم ..
جربت كثير لكن ولله الحمد حصلت على الركب والجسم إلي أتمناه من خلال هالتجربه
....................
يتبع
