أستعينوا على قضاء حوائجكم بالكتمان ..... كيف؟؟؟؟؟؟

السلام عليكم ورحمة الله وبركاته
أنا أول مره أطرح فيها مشكله تواجهني .. ولكن لثقتي ببنات المنتدى
حبيت أعرف رأيهم بالموضوع .. أذا ما كان عندكم مانع

مشكلتي هي أنه أقاربنا من الأعمام والأخوال .. يحبوا يسألوا عن كل شيء يخصنا ..
والصراحه أنا أحنا معاهم عادي يعني الى وقت قريب كانوا زي الأخوان الكبار لنا
لكن لما صار عمرنا زي عمر أولادهم .... وصرنا نتفوق عليهم في في مجالات الدراسه
وفي ميادين الحياه
صرنا نحس أن أسألتهم صارت تكثر على كل خطوه نخطيها ... والمشكله لما يكونوا مع بعض
ويتصلوا ليعرفوا أخبارنا شوي ويدق الثاني يسأل نفس السؤال ... كنهم حسين أنا نخفي عليهم شي . مع أنا والله مانعرف ولا شيء عن عيالهم وعنهم الى من الناس تخيلوا ...لما يباركون لنا بولد أو بنت عمي أو خالي الي نجحت مثلا .. يعني تخيلوا شكلنا قدام الناس.. لأنهم من النوع الي يخاف من الحسد.

وأحنا الحمد لله متوكلين على الله وما نفكر في الحسد من الناس الأقارب لنا .
لكن صاحبتي تقولي أنتي طيبه وغبيه زياده على اللزوم.

لا تقولون أخفوا عنهم أوا لا تعطونهم وجه . لأنهم ممكن يعرفوا ..وأحس أن أسألتهم ما ينفع ينقال فيها مأدري .. ووالله أنه مو خوف لكن أحس أنه عادي وأنهم أكبر منا وأحس أنه من العيب أنا نكذب عليهم وأنهم بيفرحوا لنا زي ما أحنا نفرح لهم .

ومره وحده حاولت أني أقول ماأدري عن موضوع معي .. نجحت في المره الأولى
وشوي أنسأل نفس السؤال من خالتي الثانيه اللي تكلمني من جوالها لكن عرفت أنها عند نفس اللي سألتني أول مره لأني سمعت صوت عيال الأولى حوليها ..... وأقوم وأقول السالفه كلها وولله أنها مسأله ماتنفعهم ولا تضرهم من قريب ولا بعيد لكن الفضول .. ولو تشوفوا وجهي بعدها :11: :06:

وأحنا أذا سألنا عن عيالهم يضيعوا السالفه . ومره قالولنا عن بنتهم الي نجحت . وصاروا يطالعوا فينا نظرات غريبه كأنهم يبغوا يشوفوا ردت فعلنا .. أحنا باركنا لهم وفرحنا لهم
لكن هم على طول يقلبوها حزن لكن المسكينه ما جابت العلامات الي تتمناها وأن أهلها
حيتعبوا معها ... وبعد فتره نكتشف أنها في كليه الطب .. والله والله ما أدري كيف يفكرون هذولي الناس طيب أحنا ما سألنا عن علاماتها وعن درجاتها يعني من الأساس مولازم تكذبوا
.. لكن أتوقع أنهم يضنوا أنا بنسأل نفس أسألأتهم . كم جابت ؟ وأيش دخلت ؟؟ ووووو؟؟؟؟
:55:
والله تعبنـــــــا معاهم ... كل صغيره وكبيره عنا بيعرفوها وأحنا أخبارهم نعرفها من الناس ..
مرات أحس أنهم فعلا ودهم يطمنوا علينا ويفرحوا لينا ومرات أكرهم من جد .

أدري طولت عليكم لكن والله هذي مشكله مأرقتني كثير . ومخليتني أشك في الي حولي ...
:44:
والله يوفقكم ولا يوقعكم في شر أبدا
مع السلامه